| ᠴᠢᠮᠡᠭᠡᠯᠡᠭᠴᠢ᠄ ᠨᠡ᠊᠂ ᠪᠠᠶᠠᠨᠵᠢᠷᠭᠠᠯ | ᠠᠶᠢᠷᠠᠭ ᠴᠡᠭᠡ ᠴᠠᠯᠬᠢᠯᠠᠭᠰᠠᠨ ᠲᠠᠷᠭᠤᠨ ᠲᠠᠪᠠᠲᠠᠢ ᠵᠤᠨ ᠤ ᠳᠤᠯᠤᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠳ ᠢᠶᠠᠷ | ᠬᠡᠬᠦᠤ ᠪᠠᠨ ᠪᠠᠷᠢᠵᠤ ᠤᠨᠠᠭᠠ ᠪᠠᠨ ᠵᠡᠯᠡᠯᠡᠭᠰᠡᠨ ᠠᠪᠠᠭ᠋ᠠᠨᠠᠷ ᠨᠤᠳᠤᠭ ᠤᠨ ᠲᠤᠮᠤᠭᠠᠳᠠᠨ ᠰᠠᠶᠢᠨᠪᠠᠭᠠᠳᠤᠷ ᠤᠨ ᠬᠢᠨ ᠳᠤ | ᠬᠦᠷᠤᠯᠡ᠃ ᠴᠠᠭᠠᠨ ᠳᠤᠷᠳᠤᠩ ᠠᠯᠴᠢᠭᠤᠷ ᠢᠶᠠᠷ ᠲᠤᠯᠤᠭᠠᠢ ᠪᠠᠨ ᠤᠷᠢᠶᠠᠵᠤ᠂ ᠮᠦᠷᠤ ᠨᠢ ᠭᠠᠩᠳᠠᠭᠰᠠᠨ ᠰᠦᠨᠢᠳ | ᠮᠠᠶ᠋ᠢᠭ ᠤᠨ ᠬᠠᠷᠠ ᠨᠤᠭᠤᠭᠠᠨ ᠲᠡᠷᠯᠢᠭ ᠢ ᠳᠡᠬᠡᠬᠦᠷ ᠠᠬᠰᠢᠶᠠᠵᠤ ᠪᠦᠰᠡᠯᠡᠭᠰᠡᠨ ᠮᠠᠶᠢᠵᠢᠭ ᠠᠯᠬᠤᠭᠠ ᠲᠠᠢ ᠬᠦᠳᠡᠷ | ᠡᠷᠡ ᠬᠡᠮᠡᠷ ᠵᠢᠷᠠᠨ ᠨᠠᠰᠤ ᠶᠢ ᠳᠠᠪᠠᠭᠠ ᠪᠤᠭᠤᠷᠤᠯ ᠪᠦᠰᠡᠭᠦᠢ᠂ ᠨᠤᠬᠠᠢ ᠪᠠᠨ ᠬᠤᠷᠢᠬᠤ ᠶᠢᠨ ᠲᠠᠭᠠᠤ ᠮᠡᠨᠳᠦ ᠠᠰᠠᠭᠤᠨ | ᠨᠠᠮᠠᠶᠢ ᠤᠬᠳᠤᠨ ᠬᠡᠷ ᠲᠡᠭᠡᠨ ᠤᠷᠢᠯᠠ᠃ ᠡᠨᠡ ᠪᠤᠭᠤᠷᠤᠯ ᠪᠦᠰᠡᠬᠦᠢ ᠳᠠᠷᠤᠢ ᠰᠠᠶᠢᠨᠪᠠᠭᠠᠳᠤᠷ ᠭᠤᠸᠠᠢ ᠶᠢᠨ ᠬᠡᠷᠬᠡᠢ | ᠨᠠᠷᠠᠨᠬᠤᠸᠠᠷ ᠪᠠᠶᠢᠯᠠ᠃ | ᠨᠠᠷᠠᠨᠬᠤᠸᠠᠷ — ᠡᠮᠦᠨᠡᠲᠦ ᠣᠷᠣᠨ ᠠᠴᠠ ᠥᠪᠦᠷ ᠮᠣᠩᠭᠤᠯ ᠳᠤ ᠬᠦᠷᠭᠡᠭᠳᠡᠨ ᠢᠷᠡᠭᠰᠡᠨ 3000 ᠥᠨᠦᠴᠢᠨ | ᠬᠡᠣᠬᠡᠳ ᠤᠨ 1960 ᠤᠨ ᠤ ᠬᠠᠮᠤᠭ ᠰᠡᠬᠦᠯ ᠤᠨ ᠪᠦᠯᠦᠭ ︽ᠣᠯᠣᠰ ᠤᠨ ᠬᠡᠣᠬᠡᠳ︾ ᠶᠢᠨ ᠨᠢᠭᠡ ᠪᠣᠯᠣᠨᠠ᠂ | ᠬᠤᠯᠤᠭᠠᠨᠠ ᠵᠢᠯ ᠲᠠᠢ᠂ ᠡᠨᠡ ᠵᠢᠯ 61ᠨᠠᠰᠤ ᠲᠠᠢ᠃ | | ᠠᠪᠤ ᠡᠵᠢ ᠲᠠᠢ ᠪᠠᠨ ᠪᠡᠬᠡᠵᠢᠩ ᠳᠤ ᠠᠪᠬᠠᠭᠤᠯᠤᠭᠰᠠᠨ ᠲᠦᠷᠪᠡᠨ ᠨᠠᠰᠤᠨ ᠤ ᠤᠢ ᠶᠢᠨ ᠳᠤᠷᠠᠰᠬᠠᠯ | | ᠳᠤᠬᠠᠢ ᠶᠢᠨ ᠵᠢᠯ ᠥᠷᠭᠡᠨᠲᠠᠯᠠ ᠨᠢᠭᠡᠳᠦᠯ ᠤᠨ ᠴᠠᠩᠳᠣᠰᠢᠯᠢ ᠪᠠᠷᠢᠭᠠᠳᠠ ᠶᠢᠨ ᠰᠣᠳᠨᠠᠮᠵᠠᠮᠰᠣ᠂ ᠭᠠᠯᠢᠩᠳᠢᠸᠠ | ᠬᠤᠶᠠᠷ ᠬᠤᠰᠢᠭᠤᠨ ᠳᠤ ᠬᠡᠤᠬᠡᠳ ᠢᠷᠡᠭᠰᠡᠨ ᠴᠢᠮᠡᠭᠡ ᠶᠢ ᠣᠯᠵᠣ ᠰᠣᠨᠣᠰᠣᠭᠠᠳ᠂ ᠬᠤᠶᠠᠭᠤᠯᠠ ᠵᠥᠪᠯᠡᠨ ᠨᠢᠭᠡ | ᠦᠬᠢᠨ ᠡᠷᠭᠦᠨ ᠠᠪᠬᠤ ᠪᠠᠷ ᠪᠤᠯᠵᠤ᠂ ᠮᠤᠷᠢ ᠲᠠᠢ ᠭᠠᠯᠬᠢᠭᠤᠯᠤᠨ ᠬᠤᠰᠢᠭᠤᠨ ᠲᠦᠪ ᠲᠤ ᠬᠦᠷᠴᠦ ᠬᠤᠯᠪᠤᠭᠳᠠᠯ | ᠪᠦᠬᠦᠢ ᠭᠠᠷᠳᠠᠮ ᠢ ᠬᠦᠢᠴᠡᠳᠭᠡᠨ ᠪᠦᠯᠳᠡᠭᠡᠷ ᠬᠦᠭᠡᠷᠦᠭᠦᠨ ᠦᠬᠢᠨ ᠦᠷᠡᠴᠢᠯᠡᠨ ᠠᠪᠤᠭᠰᠠᠨ ᠨᠢ ᠳᠠᠷᠤᠢ ᠨᠠᠷᠠᠨᠬᠤᠸᠠᠷ | ᠪᠠᠶᠢᠵᠠᠢ᠃ | ︽ᠡᠵᠢ ᠮᠢᠨᠢ ᠦᠨᠤᠴᠢᠨ ᠬᠡᠤᠬᠡᠳ ᠢ ᠬᠠᠷᠠᠵᠤ ᠪᠠᠶᠢᠭᠠ ᠦᠷᠤᠬᠡᠨ ᠳᠤ ᠬᠦᠷᠴᠤ ᠬᠡᠳᠤᠨ ᠨᠢᠯᠬᠠ | ᠬᠡᠤᠬᠡᠳ ᠤᠨ ᠳᠤᠮᠳᠠ ᠠᠴᠠ ᠬᠤᠷᠭᠤᠯᠤᠨ ᠨᠢᠳᠤ ᠲᠠᠢ ᠨᠢᠭᠡᠨ ᠡᠴᠡᠩᠬᠡᠢ ᠵᠢᠭᠠᠯ ᠥᠬᠢᠨ ᠤ ᠭᠠᠷ ᠢ ᠪᠠᠷᠢᠯᠠ᠃ ᠲᠡᠷᠡ | ᠪᠣᠰᠣᠳ ᠬᠡᠣᠬᠡᠳ ᠠᠴᠠ ᠢᠯᠡᠭᠦᠦ ᠬᠤᠭᠤᠯᠠ ᠢᠳᠡᠬᠦ ᠪᠠᠷ ᠶᠠᠭᠠᠷᠠᠵᠣ᠂ ᠬᠦᠯᠢᠶᠡᠵᠦ ᠲᠡᠰᠬᠦ ᠦᠭᠡᠢ ᠳᠡᠯᠴᠢᠯᠡᠨ | ᠤᠬᠢᠯᠠᠭᠠᠳ᠂ ᠬᠥᠯ ᠤᠨ ᠥᠰᠦᠭᠡᠢ ᠨᠢ ᠪᠥᠷ ᠣᠯᠠᠶᠢᠴᠢᠬᠠᠭᠰᠠᠨ ᠪᠠᠶᠢᠭᠰᠠᠨ᠂ ᠡᠵᠢ ᠡᠨᠡᠬᠦ ᠬᠤᠭᠤᠯᠠ ᠢᠳᠡᠬᠦ ᠬᠡᠵᠦ | ᠶᠠᠭᠠᠷᠠᠵᠣ ᠪᠠᠶᠢᠭᠠ ᠪᠢᠴᠢᠬᠠᠨ ᠥᠬᠢᠨ ᠢ ᠦᠵᠡᠭᠡᠳ ᠲᠣᠩ ᠥᠷᠦ ᠡᠪᠡᠳᠦᠨ ᠬᠠᠶᠢᠷᠠᠯᠠᠵᠣ᠂ ᠲᠡᠪᠡᠷᠢᠨ ᠠᠪᠣᠭᠠᠳ ︿ | ᠡᠨᠡ ᠬᠡᠣᠬᠡᠨ ᠢ ᠪᠢᠳᠡ ᠠᠪᠣᠶᠠ﹀ ᠭᠡᠪᠡ᠃ ᠢᠩᠭᠢᠭᠡᠳ ᠪᠢᠴᠢᠬᠠᠨ ᠬᠡᠣᠬᠡᠨ ᠢ ᠡᠷᠭᠦᠵᠦ ᠠᠪᠣᠭᠠᠳ ᠪᠠᠶᠠᠷ ᠲᠠᠢ ᠭᠡᠷ | ᠵᠦᠭ ᠢᠶᠠᠨ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠨᠠᠮᠠᠢᠢ ᠳᠠᠭᠠᠷᠠᠬᠤ ᠠᠴᠠ ᠪᠣᠯᠭᠤᠮᠵᠢᠯᠠᠨ᠂ ᠡᠩᠭᠡᠷ ᠤᠨ ᠲᠣᠪᠴᠢ ᠪᠠᠨ ᠲᠠᠶᠢᠯᠵᠣ | ᠡᠪᠦᠷᠲᠦᠯᠡᠨ ᠪᠠᠭᠯᠠᠵᠣ ᠪᠥᠰᠡᠯᠡᠭᠡᠳ ᠮᠣᠷᠢᠨ ᠳᠠᠭᠠᠨ ᠮᠣᠷᠳᠠᠯᠠ᠃ ᠪᠢ ᠴᠣ᠋ ᠡᠵᠢ ᠶᠢᠨ ᠬᠠᠯᠠᠭᠤᠨ ᠡᠯᠢᠭᠡᠨ ᠳᠤ | ᠨᠠᠭᠠᠯᠳᠣᠵᠣ᠂ ᠮᠣᠷᠢᠨ ᠤ ᠬᠠᠲᠠᠷᠢᠭᠠ ᠳᠤ ᠰᠠᠭᠠᠳᠠᠭᠤᠯᠣᠭᠳᠠᠨ ᠣᠨᠲᠠᠵᠣ ᠶᠠᠪᠣᠯᠠ᠂᠂᠂᠂︾ ᠬᠡᠵᠦ ᠳᠤᠬᠠᠢ ᠶᠢᠨ | ᠵᠢᠯ ᠤᠨ ᠶᠠᠪᠤᠳᠠᠯ ᠢ ᠨᠢᠳᠦᠨ ᠳᠤ ᠦᠵᠡᠭᠳᠡᠳᠡᠯᠡ ᠲᠦᠷᠰᠦᠯᠡᠨ ᠶᠠᠷᠢᠬᠤ ᠠᠴᠠ ᠨᠢ ᠮᠤᠩᠭᠤᠯ ᠠᠪᠤ ᠡᠵᠢ ᠶᠢᠨ ᠢᠶᠠᠨ | ᠡᠨᠡᠷᠢᠯ ᠬᠠᠶᠢᠷᠠ ᠶᠢ ᠳᠤᠳᠤ ᠠᠴᠠ ᠳᠤᠳᠤ ᠴᠡᠭᠡᠵᠢᠯᠡᠵᠦ ᠶᠠᠪᠤᠭᠠ ᠨᠢ ᠢᠯᠡᠬᠡᠨ ᠬᠠᠷᠠᠭᠳᠠᠨᠠ᠃ | | | | ᠨᠠᠷᠠᠠᠬᠤᠸᠠᠷ ᠠᠷᠪᠠᠨ ᠨᠠᠢᠮᠠᠨ ᠨᠠᠰᠤ ᠲᠠᠢ ᠳᠠᠭᠠᠨ | | ᠢᠨᠢᠶᠡᠳᠦ ᠲᠠᠢ ᠤᠬᠢᠯᠠᠭᠠᠨ ᠲᠠᠢ ᠭᠡᠦᠭᠡᠳ ᠨᠠᠰᠤ ᠪᠠᠷ ᠢᠶᠠᠨ ᠠᠶᠢᠯ ᠬᠡᠷ ᠲᠤ ᠨᠢ ᠪᠠᠶᠠᠷ ᠴᠡᠩᠭᠡᠯ ᠨᠡᠮᠡᠷᠢᠯᠡᠨ᠂ | ᠮᠤᠩᠭᠤᠯ ᠠᠶᠢᠯ ᠤᠨ ᠦᠷᠡ ᠶᠢᠨ ᠭᠠᠭᠴᠠ ᠦᠬᠢᠨ ᠪᠤᠯᠵᠤ ᠵᠤᠯ ᠵᠢᠷᠭᠠᠯ ᠲᠠᠢ ᠳᠤᠷᠨᠢᠵᠠᠢ᠃ ᠡᠷᠡᠨ ᠴᠠᠭ ᠤᠨ | ᠭᠠᠮᠰᠢᠭ ᠡᠳ᠋ ᠪᠤᠳᠠᠰ ᠬᠤᠪᠤᠷ ᠴᠤᠬᠠᠭ ᠪᠠᠶᠢᠳᠠᠯ ᠤᠨ ᠳᠤᠤᠷᠠ ᠪᠡᠶᠡ ᠪᠠᠭᠤᠷᠠᠢ ᠰᠢᠮᠡ ᠲᠡᠵᠢᠬᠡᠯ ᠶᠡᠭᠡ | ᠳᠤᠳᠠᠬᠳᠠᠬᠰᠠᠨ ᠦᠨᠤᠴᠢᠨ ᠬᠡᠤᠬᠡᠳ ᠢ ᠦᠰᠬᠡᠬᠦ ᠶᠢᠨ ᠲᠦᠯᠤᠬᠡ ᠡᠷᠭᠦᠭᠰᠡᠨ ᠡᠵᠢ ᠨᠢ ᠤᠯᠤᠰ ᠤᠨ ᠠᠵᠢᠯ ᠠᠯᠪᠠ᠂ | ᠳᠤᠬᠳᠠᠪᠤᠷᠢᠳᠡᠢ ᠴᠠᠯᠢᠩ ᠮᠦᠩᠭᠦᠨ ᠠᠴᠠ ᠪᠠᠨ ᠴᠦ ᠳᠠᠳᠠᠭᠠᠯᠵᠠᠨ᠂ ᠦᠨᠢᠶᠡ ᠲᠤᠭᠤᠯ ᠮᠠᠯᠵᠢᠵᠤ ᠰᠦ ᠰᠠᠭᠠᠯᠢ ᠪᠠᠷ | ᠲᠡᠵᠢᠬᠡᠵᠤ᠂ ᠨᠠᠷᠠᠨᠬᠤᠸᠠᠷ ᠢ ᠡᠷᠡᠬᠦᠯ ᠴᠢᠬᠢᠷᠠᠭ ᠬᠦᠮᠤᠨ ᠪᠤᠯᠭᠠᠵᠡᠢ᠃ | ᠭᠡᠦᠭᠡᠳ ᠪᠠᠶᠢᠳᠤᠭᠠᠢ ᠲᠤᠮᠤ ᠬᠦᠮᠤᠨ ᠴᠤ ᠪᠡᠬᠡᠵᠢᠩ ᠤᠷᠤᠬᠰᠡᠨ ᠨᠢ ᠲᠤᠭᠠ ᠲᠠᠢ ᠪᠠᠶᠢᠬᠰᠠᠨ ᠳᠤᠬᠠᠢ ᠶᠢᠨ | ᠦᠶᠡ ᠳᠤ᠂ ᠦᠬᠢᠨ ᠤ ᠪᠠᠨ ᠳᠦᠷᠪᠡᠨ ᠨᠠᠰᠤᠨ ᠤ ᠤᠢ ᠶᠢ ᠪᠡᠯᠬᠡᠯᠡᠬᠦ ᠶᠢᠨ ᠲᠦᠯᠤᠬᠡ ᠠᠪᠤ ᠡᠵᠢ ᠨᠢ ᠳᠡᠬᠦᠨ ᠢ | ᠳᠠᠭᠠᠭᠤᠯᠤᠨ ᠪᠡᠭᠡᠵᠢᠩ ᠬᠤᠲᠠ ᠳᠤ ᠤᠴᠢᠵᠤ ᠲᠢᠶᠠᠨ ᠠᠨ ᠮᠧᠨ ᠠᠭᠤᠳᠠᠮ ᠲᠠᠯᠠᠪᠠᠢ ᠳᠤ ᠰᠡᠭᠦᠳᠡᠷ ᠳᠠᠳᠠᠭᠤᠯᠵᠤ᠂ | ᠬᠤᠳᠠ ᠶᠢᠨ ᠰᠤᠨᠢᠨ ᠰᠠᠶᠢᠬᠠᠨ ᠢ ᠬᠠᠷᠠᠭᠤᠯᠤᠭᠰᠠᠨ ᠶᠠᠪᠤᠳᠠᠯ ᠨᠢ ᠳᠡᠬᠦᠨ ᠤ ᠰᠡᠳᠬᠢᠯ ᠳᠤ ᠮᠠᠷᠳᠠᠭᠳᠠᠰᠢ ᠦᠬᠡᠢ | ᠰᠠᠭᠤᠭᠳᠠᠯ ᠦᠯᠡᠳᠡᠭᠡᠭᠰᠡᠨ ᠪᠠᠶᠢᠵᠠᠢ᠃ | | | | ᠡᠪᠤᠬᠡᠨ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠰᠦᠷᠦᠭ ᠢᠶᠠᠨ ᠪᠠᠷᠠᠭᠠᠯᠠᠨᠠ | | ᠤᠶᠠᠭᠠᠴᠢ ᠠᠪᠤ ᠶᠢᠨ ᠢᠶᠠᠨ ᠨᠦᠯᠦᠬᠡ ᠪᠠᠷ ᠬᠦᠯᠦᠭ ᠮᠤᠷᠢᠨ ᠤ ᠨᠢᠷᠤᠭᠤᠨ ᠲᠡᠬᠡᠷᠡ ᠦᠰᠦᠨ᠂ ᠮᠤᠷᠢᠨ ᠳᠤ | ᠬᠠᠶᠢᠷᠠᠳᠠᠢ ᠪᠤᠯᠵᠤ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠠᠷᠠᠴᠢᠯᠠᠨ ᠮᠠᠯᠵᠢᠬᠤ ᠵᠠᠩ ᠦᠢᠯᠡ ᠳᠤ ᠴᠠᠭᠠᠷᠠᠵᠤ᠂ | ᠠᠪᠤ ᠶᠢᠨ ᠢᠶᠠᠨ ᠰᠤᠷᠭᠠᠯ᠂ ᠡᠵᠢ ᠶᠢᠨ ᠢᠶᠠᠨ ᠬᠠᠶᠢᠷᠠ ᠪᠠᠷ ᠠᠵᠢᠯᠴᠢ ᠪᠤᠷᠤᠬᠵᠢᠭᠤᠨ ᠠᠴᠢᠯᠠᠯ ᠵᠢᠷᠤᠮ ᠲᠠᠢ ᠭᠤᠸᠠ | ᠰᠠᠶᠢᠬᠠᠨ ᠮᠤᠩᠭᠤᠯ ᠦᠬᠢᠨ ᠪᠤᠯᠵᠤ ᠬᠦᠮᠦᠵᠢᠭᠳᠡᠭᠰᠡᠨ ᠨᠠᠷᠠᠨᠬᠤᠸᠠᠷ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠬᠤ ᠦᠶᠡ ᠪᠠᠨ | ᠳᠤᠷᠠᠰᠤᠨ᠄ ︽ ᠶᠢᠰᠤᠨ ᠨᠠᠰᠤᠳᠠᠢ ᠵᠢᠯ ᠠᠪᠤ ᠡᠵᠢ ᠮᠢᠨᠢ ᠨᠠᠮᠠᠢᠢ ᠰᠣᠷᠭᠠᠭᠤᠯᠢ ᠳᠤ ᠬᠦᠷᠭᠡᠭᠡᠳ ᠭᠡᠷ ᠲᠡᠭᠡᠨ | ᠪᠣᠴᠠᠯᠠ᠃ ᠨᠢᠭᠡᠳᠦᠯ ᠤᠨ ᠰᠣᠷᠭᠠᠭᠤᠯᠢ ᠶᠢᠨ ᠲᠠᠨᠢᠯ ᠪᠣᠰᠣ ᠣᠷᠴᠢᠨ ᠲᠣᠭᠤᠷᠢᠨ ᠳᠤ ᠲᠠᠰᠬᠤ ᠦᠭᠡᠢ᠂ ᠠᠪᠤ | ᠡᠵᠢ ᠪᠠᠨ ᠰᠠᠨᠠᠵᠣ᠂ ᠭᠡᠷ ᠢᠶᠠᠨ ᠰᠠᠨᠠᠵᠣ ᠣᠬᠢᠯᠠᠵᠣ ᠡᠬᠢᠯᠡᠯᠡ᠃ ᠲᠣᠯᠣᠭᠠᠨ ᠬᠤᠨᠤᠭ ᠰᠣᠷᠭᠠᠭᠤᠯᠢ ᠳᠤ ᠰᠠᠭᠤᠭᠠᠳ | ᠡᠳᠦᠷ ᠡᠳᠦᠷ ᠣᠬᠢᠯᠠᠵᠣ ᠲᠣᠯᠣᠳᠣᠭᠠᠷ ᠡᠳᠦᠷ ᠨᠢ ᠠᠪᠤ ᠨᠢᠭᠡᠳᠦᠯ ᠤᠨ ᠬᠤᠷᠠᠯ ᠳᠤ ᠣᠷᠣᠯᠴᠠᠬᠤ ᠪᠠᠷ ᠢᠷᠡᠮᠡᠭᠴᠡ | ᠣᠷᠢᠳ ᠢᠶᠠᠷ ᠰᠣᠷᠭᠠᠭᠤᠯᠢ ᠳᠤ ᠣᠴᠢᠵᠣ ᠬᠡᠣᠬᠡᠨ ᠢᠶᠠᠨ ᠦᠵᠡᠭᠰᠡᠨ ᠴᠢᠨᠢ ᠬᠡᠣᠬᠡᠨ ᠨᠢ ᠣᠬᠢᠯᠠᠭᠰᠠᠭᠠᠷ ᠪᠠᠶᠢᠵᠣ | ᠨᠢᠳᠦ ᠨᠢ ᠣᠯᠠᠶᠢᠵᠣ ᠬᠠᠪᠣᠳᠣᠭᠰᠠᠨ ᠪᠠᠶᠢᠯᠠ᠂ ᠠᠪᠤ ᠶᠢᠨ ᠢᠶᠠᠨ ᠭᠤᠶᠠᠨ ᠠᠴᠠ ᠲᠡᠪᠡᠷᠢᠵᠦ ᠵᠠᠭᠤᠷᠠᠭᠠᠳ ᠶᠠᠷᠦ | ᠲᠠᠯᠪᠢᠬᠤ ᠦᠭᠡᠢ᠂ ᠨᠢᠭᠡ ᠯᠠ ᠵᠦᠭ ᠭᠡᠷ ᠲᠡᠭᠡᠨ ᠬᠠᠷᠢᠨᠠ ᠭᠡᠪᠡ᠃ ᠢᠩᠭᠢᠭᠡᠳ ᠲᠣᠯᠣᠭᠠᠨ ᠬᠤᠨᠤᠭ ᠰᠣᠷᠭᠠᠭᠤᠯᠢ | ᠳᠤ ᠰᠠᠭᠤᠭᠠᠳ ᠲᠣᠯᠣᠭᠠᠨ ᠬᠤᠨᠤᠭ ᠣᠬᠢᠯᠠᠵᠣ ᠪᠠᠶᠢᠭᠠᠳ ᠭᠡᠷ ᠲᠡᠭᠡᠨ ᠪᠣᠴᠠᠭᠠᠳ᠂ ᠠᠪᠤ ᠡᠵᠢ ᠲᠠᠬᠢᠨ | ᠰᠣᠷᠭᠠᠭᠤᠯᠢ ᠳᠤ ᠬᠦᠷᠭᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠬᠠᠶᠢᠷᠠ ᠶᠢᠨ ᠡᠷᠬᠡᠨ ᠳᠤ ᠬᠡᠣᠬᠡᠨ ᠢᠶᠠᠨ ᠰᠣᠷᠭᠠᠭᠤᠯᠢ ᠳᠤ | ᠰᠠᠭᠤᠯᠭᠠᠵᠣ ᠴᠢᠳᠠᠭᠰᠠᠨ ᠦᠭᠡᠢ ᠨᠢ ᠠᠪᠤ ᠡᠵᠢ ᠬᠤᠶᠠᠷ ᠤᠨ ᠮᠢᠨᠢ ᠲᠣᠶᠢᠯ ᠤᠨ ᠶᠡᠭᠡ ᠬᠠᠷᠠᠮᠰᠠᠯ ᠪᠣᠯᠣᠭᠰᠠᠨ ᠭᠡᠳᠡᠭ᠃ | ᠮᠢᠨᠤ ᠠᠪᠤ ᠤᠯᠤᠰ ᠤᠨ ᠺᠠᠳᠠᠷ ᠪᠠᠶᠢᠬᠰᠠᠨ᠂ ᠬᠤᠷᠳᠤᠨ ᠮᠤᠷᠢ ᠰᠠᠶᠢᠨ ᠲᠠᠨᠢᠳᠠᠭ ᠦᠪᠤᠷ ᠮᠤᠩᠭᠤᠯ ᠤᠨ ᠠᠯᠳᠠᠷᠳᠤ | ᠤᠶᠠᠭᠠᠴᠢᠨ ᠤ ᠨᠢᠬᠡ ᠪᠠᠶᠢᠬᠰᠠᠨ ᠲᠡᠤᠬᠡ ᠲᠠᠢ᠂ ᠦᠪᠤᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ | ᠪᠠᠶᠢᠭᠤᠯᠤᠬᠳᠠᠬᠰᠠᠨ ᠠᠷᠪᠠᠨ ᠵᠢᠯ ᠤᠨ ᠤᠢ ᠳᠤ ᠠᠪᠤ ᠶᠢᠨ ᠮᠢᠨᠢ ᠤᠶᠠᠬᠰᠠᠨ ᠬᠡᠳᠤᠨ ᠮᠤᠷᠢᠳ ᠡᠯᠡ ᠲᠦᠷᠤᠯ ᠤᠨ | ᠤᠷᠤᠯᠳᠤᠭᠠᠨ ᠳᠤ ᠵᠡᠯᠡ ᠪᠠᠷ ᠢᠶᠠᠨ ᠲᠡᠷᠢᠬᠦᠨ ᠳᠡᠳ᠋ ᠳᠤ ᠳᠠᠪᠬᠢᠵᠤ᠂ ᠰᠦᠨᠢᠳ ᠨᠤᠳᠤᠭ ᠤᠨ ᠲᠠᠮᠠᠴᠢ ᠬᠤᠷᠳᠤᠨ | ᠬᠦᠯᠦᠭ ᠤᠨ ᠠᠯᠳᠠᠷ ᠢ ᠮᠠᠨᠳᠤᠭᠤᠯᠵᠤ᠂ ᠦᠪᠡᠷ ᠢᠶᠠᠨ ᠴᠤ ᠦᠪᠤᠷ ᠮᠤᠩᠭᠤᠯ ᠤᠷᠤᠨ ᠤ ︿ᠰᠤᠳᠤᠨ ᠤᠶᠠᠭᠠᠴᠢᠨ﹀ | ᠠᠯᠳᠠᠨ ᠮᠧᠳᠠᠯ ᠢᠶᠠᠷ ᠡᠩᠬᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠵᠤ ᠪᠠᠶᠢᠵᠡᠢ﹀﹀ ᠬᠡᠵᠤ ᠪᠠᠭ᠋ᠠᠷᠬᠠᠯ ᠲᠠᠢ ᠶᠠᠷᠢᠯᠠ᠃ | | | | ᠡᠪᠤᠬᠡᠨ ᠬᠡᠳᠤᠨ ᠤᠮᠪᠤᠯᠤ ᠲᠠᠢ ᠪᠠᠨ | | | | ︽ᠬᠤᠷᠢᠨ ᠨᠠᠰᠤ ᠲᠠᠢ ᠳᠠᠭᠠᠨ ᠠᠪᠠᠭ᠋ᠠᠨᠠᠷ ᠬᠤᠰᠢᠭᠤᠨ ᠤ ᠳᠠᠪᠰᠢᠯᠳᠤ ᠰᠤᠮᠤᠨ ᠤ ᠬᠤᠷᠳᠤᠨ ᠮᠤᠷᠢᠨ ᠳᠤ | ᠪᠠᠭ᠋ᠠᠳᠡᠢ ᠤᠶᠠᠭᠠᠴᠢᠨ ᠵᠠᠯᠠᠭᠤ ᠰᠠᠶᠢᠨᠪᠠᠭᠠᠲᠣᠷ ᠲᠠᠢ ᠨᠠᠶᠢᠷ ᠲᠡᠭᠡᠷᠡ ᠳᠠᠨᠢᠯᠴᠠᠨ᠂ ᠮᠣᠩᠭᠤᠯ ᠵᠠᠩᠰᠢᠯ ᠢᠶᠠᠷ ᠬᠤᠷᠢᠮ | ᠨᠠᠶᠢᠷ ᠬᠢᠵᠦ᠂ ᠵᠣᠯ ᠵᠢᠷᠭᠠᠯᠲᠠᠢ ᠰᠢᠨᠡ ᠠᠶᠢᠯ ᠡᠷᠦᠬᠡ ᠪᠠᠨ ᠪᠠᠶᠢᠭᠤᠯᠵᠤ᠂ ᠭᠤᠷᠪᠠᠨ ᠬᠦᠤ ᠵᠠᠶᠠᠭᠠᠪᠠ᠃ ᠤᠳᠤ | ᠬᠡᠤᠬᠡᠳ ᠤᠳ ᠮᠢᠨᠢ ᠪᠦᠬᠦᠳᠡᠬᠡᠷ ᠢᠶᠠᠨ ᠰᠤᠷᠭᠠᠭᠤᠯᠢ ᠰᠤᠷᠳᠠᠯ ᠰᠤᠷᠴᠤ᠂ ᠬᠤᠯᠠ ᠤᠶᠢᠷᠠ ᠶᠠᠪᠤᠵᠤ ᠪᠤᠯᠪᠠᠰᠤᠷᠠᠯ | ᠬᠦᠷᠲᠡᠵᠤ᠂ ᠬᠤᠯᠠ ᠤᠶᠢᠷᠠ ᠶᠢᠨ ᠪᠡᠯᠴᠢᠬᠡᠷ ᠲᠤ ᠦᠦᠷᠰᠡᠬᠦ ᠠᠳᠤᠭᠤᠨ ᠰᠦᠷᠦᠭ ᠲᠠᠢ᠂ ᠬᠤᠳᠠ ᠪᠠᠯᠭᠠᠰᠤᠨ ᠤ | ᠠᠮᠢᠳᠤᠷᠠᠯ ᠳᠤ ᠰᠠᠭᠤᠬᠤ ᠠᠰᠠᠷ ᠰᠠᠭᠤᠴᠠ ᠲᠠᠢ ᠲᠠᠪᠠᠲᠠᠢ ᠠᠵᠤ ᠲᠦᠷᠤᠨ ᠰᠠᠶᠢᠬᠠᠨ ᠠᠮᠢᠳᠤᠷᠠᠵᠤ ᠪᠠᠶᠢᠨᠠ ᠃ | ᠬᠤᠶᠠᠷ ᠠᠴᠢᠳᠠᠨ ᠪᠤᠭᠤᠷᠤᠯ ᠮᠢᠨᠢ ᠲᠠᠯᠠᠨ ᠨᠠᠰᠤᠨ ᠤ ᠳᠠᠪᠠᠭᠠ ᠶᠢ ᠲᠠᠪᠠᠭᠠᠳ᠂ ᠬᠡᠳᠤᠨ ᠠᠴᠢ ᠤᠮᠪᠤᠯᠤ ᠤᠨ ᠢᠶᠠᠨ | ᠳᠠᠭᠠᠬᠢᠳᠠᠢ ᠵᠤᠯᠠᠢ ᠶᠢ ᠦᠨᠤᠷᠯᠡᠵᠤ᠂ ᠦᠳᠡᠯᠤᠬᠡ ᠨᠠᠰᠤ ᠪᠠᠨ ᠮᠢᠨᠦ ᠭᠠᠷ ᠲᠡᠬᠡᠷᠡ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠲᠠᠢ | ᠦᠩᠬᠡᠷᠡᠬᠡᠵᠤ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠪᠤᠷᠬᠠᠨ ᠪᠤᠯᠤᠬᠰᠠᠨ᠃ ᠪᠢ ᠶᠡᠷᠤᠨᠢ ᠵᠢᠩᠬᠢᠨᠢ ᠮᠣᠩᠭᠤᠯ ᠬᠦᠮᠦᠨ | ᠪᠣᠯᠵᠣ᠂ ᠶᠠᠳᠠᠬᠤ ᠳᠤ ᠬᠢᠲᠠᠳ ᠦᠭᠡ ᠴᠤ ᠶᠡᠷᠢᠵᠣ ᠴᠢᠳᠠᠬᠤ ᠦᠭᠡᠢ᠂ ᠮᠣᠩᠭᠤᠯ ᠨᠣᠲᠤᠭ ᠤᠨ ᠬᠦᠷᠦᠰᠦᠨ ᠲᠡᠭᠡᠷᠡ | ᠮᠣᠩᠭᠤᠯ ᠠᠪᠤ ᠡᠵᠢ ᠳᠤ ᠦᠷᠡᠴᠢᠯᠡᠭᠳᠡᠨ ᠶᠠᠮᠠᠷ ᠴᠣ᠋ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢ᠂ ᠵᠣᠯ ᠪᠣᠰᠣ ᠶᠠᠪᠤᠳᠠᠯ ᠲᠠᠭᠠᠷᠠᠭᠰᠠᠨ | ᠦᠭᠡᠢ᠂ ᠡᠷᠡᠭᠦᠯ ᠴᠢᠬᠢᠷᠠᠭ ᠡᠩᠬᠡ ᠠᠮᠢᠳᠤᠷᠠᠯ ᠲᠠᠢ᠂ ᠰᠠᠷᠠᠭᠤᠯ ᠣᠬᠠᠭᠠᠨ ᠲᠠᠢ ᠵᠣᠯ ᠵᠢᠷᠭᠠᠯ ᠲᠠᠢ ᠥᠰᠦᠨ | ᠪᠣᠶᠢᠵᠢᠵᠣ᠂ ᠣᠳᠣ ᠦᠷᠡ ᠬᠤᠶᠢᠴᠢᠰ ᠲᠠᠢ᠂ ᠮᠠᠯ ᠰᠦᠷᠦᠭ ᠦᠨᠢᠷ ᠥᠰᠴᠦ᠂ ᠠᠮᠢᠳᠣᠷᠠᠯ ᠪᠠᠳᠠᠷᠠᠨ ᠬᠥᠭᠵᠢᠵᠦ᠂ | ᠪᠠᠶᠠᠷ ᠬᠥᠷ ᠲᠠᠢ ᠪᠠᠶᠠᠨ ᠲᠠᠩᠰᠤᠭ ᠠᠮᠢᠳᠣᠷᠠᠵᠣ ᠪᠠᠶᠢᠨᠠ ᠃ ᠡᠩᠬᠡ ᠲᠦᠷᠤ᠂ ᠡᠭᠡᠯ ᠮᠤᠩᠭᠤᠯ ᠠᠪᠤ ᠡᠵᠢ ᠶᠢᠨ | ᠮᠢᠨᠢ ᠡᠨᠡᠷᠢᠯ ᠢᠪᠡᠬᠡᠯ ᠰᠦᠮᠪᠤᠷ ᠠᠭᠤᠯᠠᠨ ᠠᠴᠠ ᠶᠡᠭᠡ᠂ ᠰᠦᠨ ᠳᠠᠯᠠᠢ ᠠᠴᠠ ᠬᠦᠨ﹀﹀ ᠬᠡᠵᠤ ᠰᠡᠳᠬᠢᠯ | ᠲᠤᠬᠳᠤᠯᠤᠨ ᠶᠠᠷᠢᠯᠠ᠃ |