| ᠥᠷᠭᠡᠨᠲᠠᠯᠠ ᠪᠠᠯᠭᠠᠰᠤᠨ ᠤ ᠬᠥᠭᠵᠢᠯᠲᠦ ᠭᠠᠴᠠᠭᠠᠨ ᠤ ᠨᠤᠲᠤᠭ ᠲᠤ ᠵᠠᠭᠠᠨ ᠳᠠᠰᠤᠷᠬᠠᠢ ᠭᠡᠵᠦ ᠪᠠᠶᠢᠳᠠᠭ᠃ | ᠡᠷᠲᠡ ᠤᠷᠢᠳᠤ ᠶᠢᠨ ᠴᠠᠭ ᠲᠤ ᠠᠭᠤᠳᠠᠮ ᠴᠡᠯᠡᠭᠡᠷ ᠰᠥᠨᠢᠳ ᠤᠨ ᠨᠤᠲᠤᠭ ᠢ ᠨᠢᠭᠡᠨ ᠠᠪᠤᠷᠭᠤ ᠲᠣᠮᠤ ᠵᠠᠭᠠᠨ | ᠡᠵᠡᠯᠡᠨ ᠠᠮᠢᠳᠤᠷᠠᠵᠤ ᠪᠠᠶᠢᠵᠦ ᠭᠡᠨᠡ᠃ ᠲᠡᠷᠡ ᠥᠶᠡ ᠳᠤ ᠡᠨᠡ ᠨᠤᠲᠤᠭ ᠲᠤ ᠵᠦᠢᠯ ᠤᠨ ᠴᠡᠴᠡᠭ ᠳᠡᠯᠭᠡᠷᠡᠨ | ᠵᠢᠭᠦᠷᠲᠡᠨ ᠰᠢᠪᠠᠭᠤ ᠳᠣᠩᠭᠤᠳᠴᠦ᠂ ᠠᠷᠢᠶᠠᠲᠠᠨ ᠭᠥᠷᠦᠭᠡᠰᠦ ᠰᠦᠷᠦᠭᠯᠡᠭᠰᠡᠨ ᠠᠷᠤ ᠭᠠᠵᠠᠷ ᠤᠨ ᠰᠠᠶᠢᠬᠠᠨ ᠨᠤᠲᠤᠭ | ᠪᠠᠶᠢᠵᠠᠢ᠃ ᠠᠡᠭ ᠠᠮᠢᠲᠠᠨ ᠡᠯᠪᠡᠭ ᠡᠨᠡ ᠰᠠᠶᠢᠬᠠᠨ ᠨᠤᠲᠤᠭ ᠲᠤ ᠠᠷᠤ ᠬᠠᠩᠭᠠᠢ ᠠᠭᠤᠯᠠ ᠶᠢᠨ ᠠᠷᠢᠶᠠᠲᠠᠨ ᠤ | ᠬᠠᠭᠠᠨ ᠠᠷᠰᠠᠯᠠᠨ ᠢᠳᠡᠰᠢ ᠡᠷᠢᠭᠰᠡᠭᠡᠷ ᠶᠠᠪᠤᠵᠤ ᠪᠠᠶᠢᠭᠠᠳ ᠡᠨᠡ ᠨᠤᠲᠤᠭ ᠤᠨ ᠡᠵᠡᠨ ᠠᠪᠤᠷᠭᠤ ᠵᠠᠭᠠᠨ ᠲᠠᠢ | ᠬᠠᠷᠭᠤᠵᠦ ᠭᠡᠨᠡ᠃ | ᠬᠤᠶᠠᠷ ᠠᠪᠤᠷᠭᠤ ᠠᠮᠢᠲᠠᠨ ᠬᠠᠷᠭᠤᠮᠠᠭᠴᠠ ᠥᠪᠡᠷ ᠥᠪᠡᠷ ᠤᠨ ᠠᠪᠢᠶᠠᠰ ᠪᠢᠯᠢᠭ᠂ ᠬᠦᠴᠦᠨ ᠴᠢᠳᠠᠯ ᠢᠶᠠᠨ | ᠭᠠᠶᠢᠬᠠᠭᠤᠯᠵᠤ᠃ ᠨᠣᠣᠷᠠᠯᠳᠤᠨ ᠨᠣᠴᠤᠯᠳᠤᠵᠤ ᠭᠡᠨᠡ᠃ ᠠᠪᠤᠷᠭᠤ ᠵᠠᠭᠠᠨ᠂ ᠠᠷᠢᠶᠠᠲᠠᠨ ᠤ ᠬᠠᠭᠠᠨ ᠠᠷᠰᠠᠯᠠᠨ | ᠬᠤᠶᠠᠷ ᠬᠡᠳᠦᠨ ᠠᠷᠪᠠᠨ ᠡᠳᠦᠷ ᠨᠣᠣᠷᠠᠯᠳᠤᠨ᠂ ᠲᠡᠮᠡᠴᠡᠯᠳᠦᠭᠰᠡᠨ ᠭᠠᠵᠠᠷ ᠨᠢ ᠶᠡᠭᠡ ᠪᠠᠭᠠ ᠬᠤᠩᠬᠤᠷ᠂ ᠬᠤᠲᠤᠭᠤᠷ | ᠭᠠᠵᠠᠷ ᠪᠣᠯᠤᠨ ᠪᠥᠷᠢᠯᠳᠦᠵᠦ᠂ ᠡᠪᠡᠰᠦ ᠤᠷᠭᠤᠮᠠᠯ ᠨᠢ ᠭᠢᠰᠬᠢᠭᠳᠡᠨ ᠬᠠᠯᠴᠠᠭᠠᠶᠢᠷᠠᠵᠦ᠂ ᠲᠠᠴᠢᠷ ᠨᠢᠮᠬᠡᠨ ᠭᠤᠪᠢᠷᠬᠠᠭ | ᠭᠠᠵᠠᠷ ᠪᠣᠯᠤᠨ ᠪᠥᠷᠢᠯᠳᠦᠵᠦ ᠭᠡᠨᠡ᠃ ᠬᠠᠮᠤᠭ ᠡᠴᠦᠰ ᠲᠤ ᠬᠥᠳᠡᠯᠵᠦ ᠦᠰᠦᠷᠬᠦ ᠳᠡᠭᠡᠨ ᠬᠤᠷᠴᠠ ᠱᠠᠯᠠᠮᠠᠭᠠᠢ᠂ | ᠠᠷᠢᠶᠠᠲᠠᠨ ᠤ ᠬᠠᠭᠠᠨ ᠠᠷᠰᠠᠯᠠᠨ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠤᠨ ᠰᠢᠪᠲᠤ ᠳᠠᠭᠠᠷᠢᠨ᠂ ᠠᠪᠤᠷᠭᠤ ᠵᠠᠭᠠᠨ ᠤ | ᠪᠠᠭᠠᠯᠵᠤᠤᠷ ᠢ ᠠᠯᠮᠠᠰ ᠬᠤᠷᠴᠠ ᠰᠣᠶᠤᠭᠠ ᠪᠠᠷ ᠢᠶᠠᠨ ᠲᠠᠰᠤ ᠬᠠᠵᠠᠭᠰᠠᠨ ᠠᠴᠠ ᠵᠠᠭᠠᠨ ᠦᠬᠦᠵᠦ ᠭᠡᠨᠡ᠃ ᠵᠠᠭᠠᠨ ᠤ | ᠲᠣᠯᠣᠭᠠᠢ ᠤᠷᠤᠭᠰᠢ ᠪᠠᠨ ᠤᠨᠠᠵᠦ᠂ ᠠᠪᠤᠷᠭᠤ ᠪᠦᠳᠦᠭᠦᠨ ᠪᠡᠶᠡ ᠨᠢ ᠣᠷᠣᠨ ᠳᠠᠭᠠᠨ ᠠᠪᠤᠷᠭᠤ ᠥᠨᠳᠦᠷ ︽ | ᠰᠢᠯᠢ ᠶᠢᠨ ᠨᠢᠷᠤᠭᠤ︾ ᠪᠤᠯᠤᠨ ᠦᠯᠡᠳᠡᠵᠦ᠂ ᠡᠨᠡ ᠨᠢᠷᠤᠭᠤ ᠳᠠᠰᠤᠷᠬᠠᠶᠢᠳᠠᠨ ᠬᠠᠷᠠᠭᠳᠠᠳᠠᠭ ᠠᠴᠠ ᠬᠤᠵᠢᠮ ᠨᠢ | ᠬᠥᠮᠦᠰ ᠵᠠᠭᠠᠨ ᠤ ᠳᠠᠰᠤᠷᠬᠠᠢ ᠬᠡᠮᠡᠨ ᠨᠡᠷᠡᠯᠡᠵᠦ ᠭᠡᠨᠡ᠃ | | | ᠵᠣ᠂ ᠰᠡᠴᠡᠨᠪᠠᠭᠠᠲᠤᠷ ︽ᠳᠣᠮᠣᠭᠲᠤ ᠨᠤᠲᠤᠭ ᠤᠨ ᠴᠤᠤᠲᠤ ᠬᠦᠮᠦᠰ︾ ᠰᠥᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ | ᠰᠣᠶᠣᠯ ᠲᠡᠦᠬᠡ ᠶᠢᠨ ᠮᠠᠲ᠋ᠧᠷᠢᠶᠠᠯ 13 ᠠᠴᠠ ᠰᠡᠶᠢᠷᠡᠭᠦᠯᠪᠡ᠃ | |