| ᠬᠦᠤ ᠲᠠᠯᠠ ᠠᠴᠠ ᠬᠡᠤᠭᠡᠨ ᠢ ᠨᠢ ᠭᠤᠶᠤᠬᠤ ᠠᠶᠢᠯ ᠳᠠᠭᠠᠨ ᠡᠳᠦᠷ ᠤᠨ ᠰᠠᠶᠢᠨ ᠢ ᠦᠵᠡᠵᠤ ᠰᠤᠩᠭᠤᠨ᠂ | ᠬᠡᠯᠡᠮᠦᠷᠴᠢ ᠤᠴᠢᠭᠤᠯᠵᠤ᠂ ᠬᠡᠤᠭᠡᠨ ᠢ ᠨᠢ ᠭᠤᠶᠤᠵᠤ᠂ ᠬᠠᠳᠠᠭ ᠲᠠᠯᠪᠢᠳᠠᠭ᠃ ᠬᠦᠦ ᠬᠡᠤᠭᠡᠨ ᠤ ᠬᠤᠶᠠᠷ ᠲᠠᠯᠠ ᠪᠠᠷ | ᠢᠶᠠᠨ ᠦᠯᠵᠡᠶᠢᠳᠤ ᠡᠳᠤᠷ ᠰᠤᠩᠭᠤᠨ ᠬᠤᠷᠢᠮ ᠤᠨ ᠶᠤᠰᠤᠯᠠᠯ ᠢᠶᠠᠨ ᠶᠠᠪᠤᠭᠳᠠᠭᠤᠯᠳᠠᠭ᠃ ᠬᠦᠤ ᠶᠢᠨ ᠲᠠᠯᠠ ᠬᠤᠷᠢᠮ | ᠤᠨ ᠡᠳᠤᠷ᠂ ᠬᠦᠤ ᠳᠡᠭᠡᠨ ᠮᠤᠩᠭᠤᠯ ᠬᠤᠪᠴᠠᠰᠤ᠂ ᠭᠤᠳᠤᠯ ᠢ ᠨᠢ ᠡᠮᠤᠰᠤᠬᠦᠯᠵᠦ᠂ ᠪᠦᠰᠡ ᠶᠢ ᠨᠢ | ᠪᠦᠰᠡᠯᠡᠭᠦᠯᠦᠭᠰᠡᠨ ᠤ ᠲᠠᠷᠠᠭᠠ ᠡᠷᠡ ᠬᠦᠮᠦᠨ ᠤ ᠮᠦᠩᠭᠦᠨ ᠡᠳ᠋ᠯᠠᠯ ᠵᠠᠰᠠᠯ ᠢ ᠦᠪᠴᠢ ᠵᠡᠭᠦᠯᠭᠡᠵᠤ᠂ ᠨᠤᠮᠤ ᠰᠠᠭᠠᠳᠠᠭ ᠢ | ᠴᠠᠭᠠᠨ ᠢᠳᠡᠭᠡ ᠪᠠᠷ ᠮᠢᠯᠢᠶᠠᠭᠠᠳ ᠠᠬᠰᠠᠭᠤᠯᠵᠤ᠂ ᠪᠡᠷᠢ ᠲᠤᠰᠬᠤ ᠬᠦᠮᠦᠨ ᠢ ᠳ᠋ᠠᠩ ᠲᠤᠭᠠ ᠪᠠᠷ ᠲᠤᠬᠢᠷᠠᠭᠤᠯᠤᠨ | ᠮᠠᠨᠳᠤᠬᠤ ᠨᠠᠷᠠ ᠲᠠᠢ ᠵᠡᠷᠭᠡᠴᠠᠨ ᠬᠡᠤᠭᠡᠨ ᠲᠠᠯᠠ ᠳᠤ ᠤᠴᠢᠭᠤᠯᠵᠤ ᠪᠡᠷᠢ ᠲᠤᠰᠴᠤ ᠠᠪᠴᠢᠷᠠᠭᠤᠯᠬᠤ ᠪᠠᠷ ᠶᠠᠪᠤᠭᠤᠯᠵᠦ | ᠂ ᠪᠤᠴᠠᠬᠤ ᠳᠠᠭᠠᠨ ᠰᠢᠨᠡ ᠪᠡᠷᠢ ᠪᠠᠨ ᠲᠤᠰᠤᠭᠠᠳ ᠬᠤᠤᠰ ᠲᠤᠭᠠ ᠪᠠᠷ ᠬᠠᠷᠢᠵᠦ ᠢᠷᠡᠳᠡᠭ᠃ ᠡᠨᠡ ᠨᠢ | ᠮᠤᠩᠭᠤᠯᠴᠤᠳ ᠬᠤᠤᠰ ᠬᠤᠤᠰ ᠢᠶᠠᠷ ᠢᠶᠠᠨ ᠦᠯᠵᠡᠢ ᠪᠡᠯᠭᠡ ᠲᠠᠢ ᠭᠡᠵᠦ ᠦᠵᠡᠳᠡᠭ᠃ ᠬᠡᠤᠭᠡᠨ ᠤ ᠲᠠᠯᠠ ᠶᠢᠨ ᠬᠢᠨᠢ | ᠲᠦᠷᠦᠬᠦᠦ ᠡᠳᠤᠷ ᠤᠨ ᠤᠷᠤᠢ ᠠᠴᠠ ᠨᠢ ᠡᠬᠢᠯᠡᠨ ᠲᠦᠷᠦᠯ ᠰᠠᠳᠤᠨ ᠨᠠᠶᠢᠵᠠ ᠨᠦᠬᠦᠳ ᠢᠶᠠᠨ ᠤᠷᠢᠵᠦ ᠬᠡᠤᠭᠡᠨ | ᠢᠶᠠᠨ ᠮᠤᠷᠳᠠᠭᠤᠯᠬᠤ ᠴᠠᠶᠢᠯᠠᠯᠭᠠ ᠬᠢᠳᠡᠭ᠃ ᠬᠦᠦ ᠲᠠᠯᠠ ᠶᠢᠨ ᠬᠢᠨᠢ ᠪᠡᠷᠢ ᠲᠤᠰᠬᠤ ᠦᠶᠠᠰ ᠬᠠᠳᠠᠮ ᠠᠪᠤ ᠳᠤᠨᠢ | ᠰᠡᠪᠠ ᠲᠠᠢ ᠰᠠᠷᠬᠤᠳ ᠤᠨ ᠪᠡᠯᠡᠭ ᠪᠠᠷᠢᠵᠤ᠂ ᠬᠠᠳᠠᠮ ᠡᠵᠢ ᠳᠤᠨᠢ ᠡᠭᠡ ᠶᠢᠨ ᠴᠠᠭᠠᠨ ᠰᠦ ᠬᠠᠷᠢᠭᠤᠯᠤᠨᠠ ᠭᠡᠵᠤ | ᠲᠤᠷᠭᠠᠨ ᠬᠠᠳᠠᠭ᠂ ᠲᠠᠪᠡᠯ ᠤᠨ ᠭᠠᠳᠠᠷᠠ ᠶᠢᠨ ᠲᠤᠷᠭᠠ ᠰᠤᠩᠭᠤᠵᠤ᠂ ᠬᠠᠳᠠᠮ ᠡᠵᠢ ᠳᠤᠨᠢ ᠪᠡᠯᠡᠭ ᠪᠠᠷᠢᠳᠠᠭ ᠵᠢᠮᠡ | ᠲᠠᠢ᠃ ᠪᠡᠷᠢ ᠲᠤᠰᠴᠦ ᠢᠷᠡᠭᠰᠡᠨ ᠤ ᠲᠠᠷᠠᠭᠠ ᠰᠢᠨᠡ ᠪᠡᠷᠢ ᠪᠠᠷ ᠮᠤᠷᠢ ᠤᠨᠤᠭᠤᠯᠵᠦ ᠬᠤᠳᠠ ᠪᠠᠨ ᠵᠦᠪ ᠲᠡᠰᠢ | ᠭᠤᠷᠪᠡ ᠲᠤᠭᠤᠷᠢᠭᠤᠯᠤᠭᠰᠠᠨ ᠤ ᠲᠠᠷᠠᠭᠠ᠂ ᠬᠦᠦ ᠲᠠᠯᠠ ᠶᠢᠨ ᠨᠢᠭᠡ ᠠᠬᠠᠮᠠᠳ ᠠᠴᠠ ᠰᠢᠨᠡ ᠪᠡᠷᠢ ᠶᠢ ᠮᠤᠷᠢᠨ | ᠠᠴᠠ ᠨᠢ ᠲᠤᠰᠴᠦ ᠪᠠᠭᠤᠯᠭᠠᠵᠦ᠂ ᠰᠦ ᠠᠮᠰᠠᠭᠤᠯᠳᠠᠭ᠃ ᠪᠡᠷᠢ ᠬᠦᠷᠭᠡᠭᠴᠢᠳ ᠭᠡᠷ ᠲᠤ ᠤᠷᠤᠵᠦ ᠬᠦᠦ ᠲᠠᠯᠠ ᠶᠢᠨ | ᠬᠦᠮᠦᠰ ᠲᠠᠢ ᠮᠡᠨᠳᠤᠴᠢᠯᠡᠭᠰᠡᠨ ᠤ ᠲᠠᠷᠠᠭᠠ ᠬᠤᠷᠢᠮ ᠤᠨ ᠶᠤᠰᠤᠯᠠᠯ ᠵᠢᠩᠬᠢᠨᠢ ᠪᠠᠷ ᠡᠬᠢᠯᠡᠳᠡᠭ᠃ ᠶᠤᠰᠤᠯᠠᠯ ᠲᠡᠭᠡᠷᠡ | ᠬᠦᠨᠳᠤᠳᠤ ᠠᠬᠠᠮᠠᠳ ᠠᠴᠠ ᠰᠢᠨᠡ ᠬᠦᠷᠭᠡᠨ ᠰᠢᠨᠡ ᠪᠡᠷᠢ ᠳᠤ ᠢᠷᠦᠬᠡᠯ ᠬᠠᠶᠢᠷᠠᠯᠠᠵᠦ᠂ ᠭᠠᠯ ᠪᠤᠷᠬᠠᠨ ᠳᠤ | ᠮᠦᠷᠬᠦᠬᠦᠯᠵᠦ ᠲᠠᠭᠤᠰᠤᠭᠰᠠᠨ ᠤ ᠲᠠᠷᠠᠭᠠ ᠨᠠᠶᠢᠷ ᠬᠦᠷ ᠬᠦᠭᠵᠢᠶᠠᠨ ᠲᠠᠢ ᠶᠠᠪᠤᠭᠳᠠᠳᠠᠭ᠃ ᠬᠡᠤᠭᠡᠨ ᠬᠦᠷᠭᠡᠭᠰᠡᠳ | ᠲᠤᠰ ᠤᠷᠤᠢ ᠳᠠᠭᠠᠨ ᠪᠤᠴᠠᠳᠠᠭ ᠵᠠᠩᠰᠢᠯ ᠲᠠᠢ᠃ |