| ︽ᠤᠯᠤᠰ ᠤᠨ ᠬᠡᠦᠬᠡᠳ︾ ᠤᠨ ᠲᠤᠰᠬᠠᠢ ᠰᠤᠷᠪᠤᠯᠵᠢᠯᠠᠭᠠ ᠪᠠᠷ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ | ᠡᠷᠢᠶᠡᠨᠨᠠᠭᠤᠷ ᠰᠤᠮᠤᠨ ᠤ ᠠᠬᠠᠮᠠᠳ ᠺᠠᠳ᠋ᠷ ᠮᠠᠯᠴᠢᠨ ᠲᠦᠮᠡᠨᠪᠠᠶᠠᠷ ᠢ ᠰᠤᠷᠪᠤᠯᠵᠢᠯᠠᠪᠠ᠃ ᠲᠡᠷᠡ ᠪᠤᠯ ᠱᠠᠩᠬᠠᠢ ᠶᠢᠨ | ᠭᠤᠷᠪᠠᠨ ᠮᠢᠩᠭᠠᠨ ᠦᠨᠦᠴᠢᠨ ᠬᠡᠦᠬᠡᠳ ᠤᠨ ᠨᠢᠬᠡ ᠶᠤᠮ᠃ 1960 ᠤᠨ ᠤ 8 ᠰᠠᠷᠠ ᠳᠤ ᠱᠠᠩᠬᠠᠢ ᠬᠤᠳᠠ | ᠠᠴᠠ ᠦᠪᠦᠷ ᠮᠤᠩᠭᠤᠯ ᠤᠨ ᠪᠤᠭᠤᠳᠤ ᠳᠤ ᠨᠢᠭᠡ ᠪᠦᠯᠦᠭ ᠦᠨᠦᠴᠢᠨ ᠬᠡᠦᠬᠡᠳ ᠢ ᠬᠦᠷᠭᠡᠵᠦ ᠢᠷᠡᠭᠰᠡᠨ ᠪᠠᠶᠢᠨᠠ᠃ | ᠠᠳᠡ ᠠᠴᠠ ᠲᠠᠬᠢᠨ ᠨᠢᠭᠡ ᠪᠦᠯᠦᠭ ᠦᠨᠦᠴᠢᠨ ᠬᠡᠦᠬᠡᠳ ᠢ ᠪᠠᠷᠠᠭᠤᠨ ᠰᠦᠨᠢᠳ ᠲᠤ ᠬᠦᠷᠭᠡᠭᠰᠡᠨ ᠤ ᠲᠠᠷᠠᠭᠠ᠂ | ᠡᠷᠢᠶᠡᠨᠨᠠᠭᠤᠷ ᠰᠤᠮᠤᠨ ᠳᠤ 37 ᠦᠨᠦᠴᠢᠨ ᠬᠡᠦᠬᠡᠳ ᠢ ᠬᠤᠪᠢᠶᠠᠷᠢᠯᠠᠨ ᠬᠦᠷᠭᠡᠵᠦ᠂ ᠬᠤᠶᠠᠷ ᠠᠰᠠᠷᠠᠭᠴᠢ᠂ ᠨᠢᠭᠡ | ᠲᠤᠭᠤᠭᠠᠴᠢ ᠨᠢᠭᠡ ᠡᠮᠴᠢ ᠲᠤᠬᠢᠷᠠᠭᠤᠯᠤᠨ᠂ ᠮᠠᠯᠴᠢᠳ ᠲᠤ ᠡᠷᠭᠦᠨ ᠲᠡᠵᠢᠭᠡᠯᠭᠡᠬᠦ ᠠᠵᠢᠯ ᠢᠶᠠᠨ ᠡᠬᠢᠯᠡᠭᠦᠯᠦᠭᠰᠡᠨ | ᠪᠠᠶᠢᠨᠠ᠃ ᠢᠩᠭᠢᠭᠡᠳ ᠲᠦᠮᠡᠨᠪᠠᠶᠠᠷ ᠢ ᠬᠦᠭᠵᠢᠯᠳᠤᠶᠠᠭᠠ ᠪᠠᠷᠢᠭᠠᠳᠠ ᠶᠢᠨ ᠮᠠᠯᠴᠢᠨ ᠲᠠᠩᠰᠦ᠋ᠷᠦᠩ᠂ ᠴᠡᠷᠮᠠ ᠬᠤᠶᠠᠷ | ᠦᠷᠡᠴᠢᠯᠡᠨ ᠡᠷᠭᠦᠨ ᠠᠪᠤᠭᠰᠠᠨ ᠪᠠᠶᠢᠨᠠ᠃ ᠢᠩᠭᠢᠭᠡᠳ ᠬᠡᠦᠬᠡᠳ ᠳᠤᠭᠲᠠᠳᠠᠭ ᠦᠭᠡᠢ ᠡᠨᠡ ᠠᠶᠢᠯ ᠲᠦᠮᠡᠨᠪᠠᠶᠠᠷ ᠢ | ᠡᠷᠭᠦᠵᠦ ᠠᠪᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠬᠤᠶᠠᠷ ᠬᠡᠦᠬᠡᠨ ᠨᠢᠭᠡ ᠬᠦᠦ ᠲᠥᠷᠦᠵᠦ᠂ ᠲᠦᠮᠡᠨᠪᠠᠶᠠᠷ ᠴᠦ ᠭᠤᠷᠪᠠᠨ ᠲᠡᠭᠦᠦ | ᠲᠠᠢ ᠪᠤᠯᠵᠠᠢ᠃ | ᠲᠥᠮᠡᠨᠪᠠᠶᠠᠷ ᠪᠠᠭᠠ ᠶᠢᠨ ᠦᠷᠡ ᠪᠠᠨ ᠡᠷᠭᠢᠴᠡᠭᠦᠯᠬᠦ ᠳᠡᠭᠡᠨ᠄ ︽ ᠡᠮᠦᠨᠡᠳᠦ ᠤᠷᠤᠨ ᠤ ᠦᠨᠦᠴᠢᠨ ᠬᠦᠦ ᠪᠢ | ᠤᠮᠠᠷᠠᠳᠤ ᠤᠷᠤᠨ ᠳᠤ ᠢᠷᠡᠵᠦ᠂ ᠬᠤᠶᠠᠳᠠᠬᠢ ᠠᠮᠢ ᠨᠠᠰᠤ ᠶᠢ ᠤᠯᠵᠤ᠂ ᠡᠵᠢ ᠶᠢᠨ ᠪᠦᠪᠡᠢ ᠲᠠᠢ ᠠᠮᠢᠳᠤᠷᠠᠯ ᠮᠢᠨᠢ | ᠦᠷᠭᠦᠯᠵᠢᠯᠡᠭᠰᠡᠨ ᠶᠤᠮ᠃ ᠪᠢ ᠢᠷᠡᠬᠦ ᠦᠶᠡ ᠳᠤ ᠪᠠᠨ ᠤᠢ ᠬᠦᠷᠦᠭᠡᠳᠦᠢ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠦᠷᠭᠦᠯᠵᠢ | ᠦᠨᠢᠶᠡᠨ ᠰᠦ ᠪᠠᠷ ᠤᠭᠵᠢᠳᠠᠭ ᠪᠠᠶᠢᠵᠠᠢ᠃ ᠮᠦᠨ ᠴᠦ ᠶᠡᠭᠡ ᠪᠠᠭᠤᠷᠠᠢ ᠬᠡᠦᠬᠡᠳ ᠪᠠᠶᠢᠵᠤ ᠶᠡᠭᠡ ᠠᠭᠠᠵᠢᠭᠤ ᠬᠦᠯ | ᠳᠤ ᠤᠷᠤᠵᠤ ᠬᠦᠶᠦᠭᠰᠡᠨ ᠭᠡᠳᠡᠭ ᠶᠤᠮ᠂ ᠠᠪᠤ ᠮᠢᠨᠢ ᠨᠠᠮᠠᠢᠢ ᠡᠷᠳᠡ ᠬᠦᠯ ᠳᠤ ᠤᠷᠤᠭᠤᠯᠬᠤ ᠭᠡᠵᠦ᠂ ᠦᠩᠭᠡ | ᠦᠩᠭᠡ ᠶᠢᠨ ᠪᠦᠭᠡᠷᠡᠩᠬᠡᠢ ᠰᠢᠬᠢᠷ ᠢ ᠰᠢᠷᠢᠮᠡᠯ ᠰᠢᠷᠳᠡᠭ ᠲᠡᠭᠡᠷᠡ ᠲᠠᠷᠬᠠᠭᠠᠵᠤ ᠦᠭᠬᠦ ᠳᠤ ᠪᠢ ᠨᠢᠭᠡ ᠨᠢᠭᠡ ᠪᠠᠷ | ᠲᠡᠭᠦᠵᠦ ᠢᠳᠡᠬᠦ ᠭᠡᠳ ᠪᠠᠭᠠ ᠪᠠᠭᠠ ᠪᠠᠷ ᠮᠦᠯᠬᠦᠭᠰᠡᠭᠡᠷ ᠪᠠᠶᠢᠵᠤ᠂ ᠠᠭᠠᠵᠢᠮ ᠢᠶᠠᠷ ᠶᠠᠭᠤᠮᠠ ᠲᠦᠰᠢᠨ ᠵᠤᠭᠰᠤᠵᠤ | ᠬᠦᠯ ᠳᠤ ᠤᠷᠤᠵᠤ ᠬᠦᠶᠦᠵᠡᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠮᠠᠨ ᠤ ᠬᠢᠨ ᠠᠮᠢᠳᠤᠷᠠᠯ ᠶᠠᠳᠠᠭᠤ᠂ ᠭᠤᠯᠢᠷ ᠪᠤᠳᠠᠭᠠ | ᠴᠤ ᠬᠠᠩᠭᠠᠯᠭᠠ ᠶᠢᠨ ᠬᠡᠮᠵᠢᠶᠡ ᠲᠠᠢ ᠠᠮᠤ ᠪᠤᠳᠠᠭᠠ ᠪᠠᠶᠢᠭᠰᠠᠨ ᠶᠤᠮ᠃ ᠶᠠᠭᠠᠬᠢᠵᠤ ᠶᠠᠳᠠᠭᠤ ᠪᠤᠯᠪᠠᠴᠣ ᠠᠪᠤ ᠡᠵᠢ | ᠮᠢᠨᠢ ᠬᠦᠳᠡᠯᠮᠦᠷᠢᠯᠡᠵᠦ ᠤᠯᠤᠭᠰᠠᠨ ᠬᠡᠳᠦᠨ ᠮᠦᠩᠭᠦ ᠲᠦᠬᠦᠷᠢᠭ ᠢᠶᠠᠨ ᠠᠷᠪᠢᠯᠠᠵᠤ ᠢᠯᠡᠭᠦᠴᠢᠯᠡᠵᠦ ᠪᠠᠶᠢᠭᠠᠳ ᠨᠠᠳᠠ | ᠳᠤ ᠠᠷᠪᠠᠨ ᠲᠦᠭᠦᠷᠢᠭ ᠤᠨ ᠦᠨᠡ ᠲᠠᠢ ᠭᠤᠣᠯ ᠬᠢᠪᠡᠯ ᠴᠠᠬᠢᠯᠭᠠᠨ ᠢᠶᠠᠷ ᠶᠠᠪᠤᠳᠠᠭ ᠨᠠᠭᠠᠳᠤᠮ ᠤᠨ ᠮᠠᠰᠢᠨ ᠠᠪᠴᠤ | ᠦᠭᠭᠦᠭᠡᠳ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠨᠢᠭᠡᠳᠦᠯ ᠤᠨ ᠺᠠᠳ᠋ᠷ ᠢᠶᠠᠷ ︿ᠪᠤᠳᠠᠭᠠ ᠭᠤᠯᠢᠷ ᠢᠶᠠᠨ ᠠᠪᠬᠤ ᠦᠭᠡᠢ ᠪᠠᠷ | ᠬᠡᠦᠬᠡᠳ ᠲᠤ ᠪᠠᠨ ᠦᠨᠡ ᠲᠠᠢ ᠨᠠᠭᠠᠳᠤᠮ ᠠᠪᠴᠤ ᠦᠭᠭᠦᠯᠡ﹀ ᠭᠡᠵᠦ ᠵᠢᠮᠡᠯᠡᠭᠦᠯᠵᠦ ᠪᠠᠶᠢᠯᠠ ᠭᠡᠳᠡᠭ᠃ ᠨᠠᠮᠠᠢᠢ | ᠲᠠᠪᠤᠨ ᠨᠠᠰᠤᠳᠠᠢ ᠲᠠᠷᠡ ᠵᠢᠯ ᠳᠤ ᠮᠠᠨ ᠤ ᠨᠤᠳᠤᠭ ᠶᠡᠭᠡ ᠪᠠᠷ ᠭᠠᠩᠳᠠᠵᠤ᠂ ᠮᠠᠨ ᠤ ᠬᠢᠨ ᠠᠪᠠᠭᠠ ᠬᠤᠰᠢᠭᠤᠨ ᠳᠤ | ᠤᠳᠤᠷ ᠢᠶᠠᠷ ᠶᠠᠪᠤᠭᠰᠠᠨ᠂ ᠪᠢ ᠦᠷᠭᠦᠯᠵᠢ ᠡᠵᠢ ᠪᠠᠨ ᠲᠠᠭᠠᠵᠤ ᠰᠠᠭᠠᠬᠠᠯᠳᠠ ᠠᠶᠢᠯ ᠤᠳ ᠢᠶᠠᠷ ᠤᠴᠢᠳᠠᠭ᠂ ᠲᠠᠷᠡ | ᠭᠠᠵᠠᠷ ᠤᠨ ᠬᠦᠮᠦᠰ ᠶᠡᠭᠡ ᠬᠠᠯᠠᠭᠤᠮᠰᠤᠭ ᠲᠤᠳᠤᠨᠤ᠂ ᠶᠠᠭ ᠯᠡ ᠲᠦᠷᠦᠯ ᠰᠠᠳᠤᠨ ᠢᠶᠠᠨ ᠰᠢᠭ᠋ ᠬᠠᠨᠳᠤᠳᠠᠭ | ᠪᠠᠶᠢᠭᠰᠠᠨ ᠨᠢ ᠮᠢᠨᠦ ᠨᠢᠯᠬᠠ ᠪᠠᠯᠴᠢᠷ ᠪᠤᠳᠤᠯ ᠳᠤ ᠬᠦᠨ ᠰᠠᠭᠤᠭᠳᠠᠭᠰᠠᠨ ᠶᠤᠮ︾ ᠭᠡᠵᠦ ᠶᠠᠷᠢᠯᠠ᠃ | ︽ᠲᠠ ᠢᠷᠡᠬᠦ ᠦᠶᠡ ᠳᠤ ᠪᠠᠨ ᠡᠮᠦᠰᠴᠦ ᠪᠠᠶᠢᠭᠰᠠᠨ ᠮᠠᠯᠠᠭᠠᠢ ᠪᠠᠨ ᠤᠳᠤ ᠪᠤᠯᠳᠠᠯᠠ ᠬᠠᠳᠠᠭᠠᠯᠠᠵᠤ ᠪᠠᠶᠢᠨᠠ | ᠭᠡᠰᠡᠨ᠂ ᠡᠨᠡ ᠲᠤᠬᠠᠢ ᠰᠤᠨᠢᠷᠬᠠᠯᠳᠠᠢ ᠵᠦᠢᠯ ᠠᠴᠠ ᠪᠠᠨ ᠶᠠᠷᠢᠨᠠ ᠤᠤ︖︾ ᠭᠡᠵᠦ ᠠᠰᠠᠭᠤᠬᠤ ᠳᠤ ᠲᠥᠮᠡᠨᠪᠠᠶᠠᠷ | ︽ᠦ᠂ ᠲᠡᠶᠢᠮᠤ ᠡ︕ ᠲᠤᠮᠤᠭᠠ ᠦᠭᠡᠢ ᠬᠡᠦᠬᠡᠳ ᠨᠠᠰᠤ ᠭᠡᠭᠴᠢ ᠪᠠᠰᠠ ᠭᠡᠴᠡᠭᠦᠦ᠂ ᠨᠠᠮᠠᠢᠢ ᠵᠢᠷᠭᠤᠭᠠᠨ ᠨᠠᠰᠤᠳᠠᠢ | ᠪᠠᠶᠢᠬᠤ ᠳᠤ ᠡᠵᠢ ᠮᠢᠨᠢ ᠨᠢᠭᠡ ᠡᠳᠦᠷ᠂ ᠠᠪᠳᠠᠷᠠ ᠶᠢᠨ ᠢᠷᠤᠭᠠᠷ ᠠᠴᠠ ᠨᠢᠭᠡ ᠴᠢᠬᠢᠪᠴᠢ ᠲᠠᠢ ᠬᠠᠷᠠ ᠲᠠᠩᠽᠢᠷᠦᠩ | ᠬᠦᠪᠦᠩ ᠲᠠᠢ ᠮᠠᠯᠠᠭᠠᠢ ᠭᠠᠷᠭᠠᠵᠤ ᠨᠠᠳᠠ ᠳᠤ ︿ᠡᠨᠡ ᠴᠢᠨᠢ ᠮᠢᠨᠦ ᠬᠦᠦ ᠶᠢᠨ ᠡᠮᠦᠨᠡ ᠤᠷᠤᠨ ᠠᠴᠠ ᠢᠷᠡᠬᠦ ᠳᠤ | ᠪᠠᠨ ᠡᠮᠦᠰᠴᠦ ᠢᠷᠡᠭᠰᠡᠨ ᠮᠠᠯᠠᠭᠠᠢ ᠰᠢᠦ﹀ ᠭᠡᠵᠦ ᠬᠡᠯᠡᠬᠦ ᠳᠤ ︿ᠪᠢ ᠡᠮᠦᠨᠡ ᠤᠷᠤᠨ ᠠᠴᠠ ᠢᠷᠡᠭᠰᠡᠨ ᠪᠢᠰᠢ᠂ ᠪᠢ | ᠡᠵᠢ ᠶᠢᠨ ᠬᠦᠦ﹀ ᠭᠡᠵᠦ ᠶᠡᠭᠡ ᠲᠤᠷᠠ ᠦᠭᠡᠢ ᠬᠦᠷᠴᠦ᠂ ᠦᠨᠦ ᠮᠠᠯᠠᠭᠠᠢ ᠶᠢᠨ ᠴᠢᠬᠢᠪᠴᠢ ᠲᠡᠭᠡᠷᠡ ᠨᠢ ᠴᠠᠭᠠᠨ | ᠤᠳᠠᠰᠤ ᠪᠠᠷ ᠤᠶᠤᠭᠰᠠᠨ ᠭᠤᠷᠪᠠᠨ ᠭᠢᠳᠠᠳ ᠦᠰᠦᠭ ᠢ ᠠᠳᠠ ᠲᠡᠨᠳᠡ ᠠᠴᠠ ᠨᠢ ᠬᠢᠳᠤᠭᠠ ᠪᠠᠷ ᠳᠠᠰᠤᠳᠠᠵᠤ | ᠪᠠᠶᠢᠭᠰᠠᠨ ᠢ ᠡᠵᠢ ᠦᠵᠡᠭᠡᠳ ︿ᠬᠦᠢ︕ ᠴᠢ ᠶᠠᠭᠤ ᠭᠡᠵᠦ ᠲᠡᠷᠡ ᠦᠰᠦᠭ ᠢ ᠲᠠᠰᠤᠳᠠᠵᠤ ᠪᠠᠶᠢᠬᠤ ᠶᠤᠮ᠂ | ᠬᠤᠵᠢᠮ ᠡᠨᠡ ᠨᠡᠷᠡ ᠪᠠᠷ ᠡᠯᠢᠭᠡᠨ ᠰᠠᠳᠤᠨ ᠢᠶᠠᠨ ᠡᠷᠢᠵᠦ ᠰᠣᠷᠠᠵᠤ ᠪᠤᠯᠤᠨᠠ ᠰᠢᠳᠠ﹀ ᠭᠡᠳ ᠨᠠᠳᠠ ᠠᠴᠠ ᠰᠢᠭᠦᠷᠡᠨ | ᠠᠪᠴᠤ ᠠᠪᠳᠠᠷᠠ ᠳᠤ ᠪᠠᠨ ᠬᠢᠵᠦ ᠤᠨᠢᠰᠤᠯᠠᠪᠠ᠃ ᠡᠵᠢ ᠲᠠᠬᠢᠭᠠᠳ ᠡᠨᠡ ᠮᠠᠯᠠᠭᠠᠢ ᠶᠢ ᠭᠠᠷᠭᠠᠭᠰᠠᠨ ᠦᠭᠡᠢ᠃ ᠶᠡᠭᠡ | ᠪᠤᠯᠤᠭᠰᠠᠨ ᠤ ᠪᠠᠨ ᠲᠠᠷᠠᠭᠠ ᠡᠮᠦᠨᠡᠳᠦ ᠤᠷᠤᠨ ᠤ ᠦᠨᠦᠴᠢᠨ ᠬᠡᠦᠬᠡᠳ ᠭᠡᠳᠡᠭ ᠢᠶᠠᠨ ᠮᠡᠳᠡᠭᠰᠡᠨ ᠠᠴᠠ ᠬᠤᠶᠢᠰᠢ᠂ | ᠡᠵᠢ ᠳᠤ ᠬᠡᠯᠡᠵᠦ ᠠᠪᠳᠠᠷᠠ ᠠᠴᠠ ᠮᠠᠯᠠᠭᠠᠢ ᠶᠢ ᠭᠠᠷᠭᠠᠵᠤ ᠦᠵᠡᠬᠦ ᠳᠤ ᠦᠨᠡᠭᠡᠷ ᠭᠤᠷᠪᠠᠨ ᠭᠢᠳᠠᠳ ᠦᠰᠦᠭ | ᠪᠠᠶᠢᠵᠤ᠂ ᠪᠢ ᠲᠡᠷᠡ ᠤᠳᠠᠭᠠ ᠦᠰᠦᠭ ᠢ ᠤᠷᠠᠵᠤ ᠲᠠᠰᠤᠳᠠᠭᠰᠠᠨ ᠠᠴᠠ ᠪᠤᠯᠵᠤ ᠶᠠᠮᠠᠷ ᠦᠰᠦᠭ ᠭᠡᠳᠡᠭ ᠨᠢ | ᠲᠤᠳᠤᠷᠬᠠᠢ ᠦᠭᠡᠢ ᠪᠤᠯᠵᠠᠢ᠃ ᠪᠤᠰᠤᠳ ᠢᠶᠠᠷ ᠶᠠᠮᠠᠷ ᠦᠰᠦᠭ ᠪᠤᠯᠬᠤ ᠶᠢ ᠲᠠᠨᠢᠭᠤᠯᠬᠤ ᠳᠤ ᠡᠾᠧ ᠬᠦ᠋ ᠰᠦᠩ ︵河 | 古宋︶ ᠭᠡᠵᠦ ᠲᠠᠭᠠᠮᠠᠭᠯᠠᠵᠤ᠂ ᠡᠨᠡ ᠦᠰᠦᠭ ᠢ ᠲᠤᠣᠷᠠ ᠠᠴᠠ ᠨᠢ ᠲᠡᠭᠡᠭᠰᠢ ᠤᠩᠰᠢᠪᠠᠯ ᠰᠦᠩ ᠬᠦ᠋ ᠡᠾᠧ ︵ | 宋古河︶ ᠭᠡᠰᠡᠨ ᠨᠡᠷᠡ ᠪᠠᠶᠢᠬᠠ ᠬᠡᠵᠦ ᠬᠡᠯᠡᠭᠰᠡᠨ ᠶᠤᠮ᠃ ᠭᠡᠪᠡᠴᠦ ᠤᠳᠤ ᠪᠤᠯᠳᠠᠯᠠ ᠶᠠᠮᠠᠷ ᠨᠡᠷᠡ ᠪᠤᠯᠬᠤ | ᠶᠢ ᠪᠦᠷᠢᠨ ᠭᠦᠢᠴᠡᠳ ᠲᠤᠳᠤᠷᠠᠬᠠᠯᠠᠵᠤ ᠴᠢᠳᠠᠭᠠ ᠦᠭᠡᠢ ᠪᠠᠶᠢᠭᠰᠠᠭᠠᠷ ᠡ︾ ᠭᠡᠵᠦ ᠶᠠᠷᠢᠪᠠ᠃ | ᠲᠥᠮᠡᠨᠪᠠᠶᠠᠷ᠄ ︽ᠠᠮᠢᠳᠤᠷᠠᠯ ᠤᠨ ᠬᠦᠴᠢᠷᠳᠡᠯ ᠠᠴᠠ ᠪᠤᠯᠵᠤ᠂ ᠠᠪᠤ ᠡᠵᠢ ᠮᠢᠨᠢ ᠦᠪᠡᠷ ᠤᠨ ᠲᠦᠷᠦᠭᠰᠡᠨ | ᠭᠤᠷᠪᠠᠨ ᠬᠡᠦᠬᠡᠳ ᠢᠶᠠᠨ ᠰᠤᠷᠭᠠᠭᠤᠯᠢ ᠰᠤᠷᠳᠠᠯ ᠭᠦᠢᠴᠡᠳ ᠲᠠᠭᠠᠭᠤᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠪᠤᠯᠪᠠᠴᠤ ᠡᠷᠭᠦᠮᠡᠯ | ᠬᠦᠦ ᠨᠠᠮᠠᠶᠢ ᠪᠠᠨ ᠠᠩᠬᠠ ᠵᠡᠷᠭᠡ ᠶᠢᠨ ᠲᠤᠮᠳᠠᠳᠤ ᠰᠣᠷᠭᠠᠭᠤᠯᠢ ᠲᠡᠭᠦᠰᠭᠡᠵᠦ᠂ ᠲᠤᠮᠳᠠᠳᠤ ᠵᠡᠷᠭᠡ ᠶᠢᠨ ᠲᠤᠰᠬᠠᠢ | ᠮᠡᠷᠭᠡᠵᠢᠯ ᠤᠨ ᠰᠤᠷᠭᠠᠭᠤᠯᠢ ᠰᠢᠯᠭᠠᠭᠤᠯᠤᠭᠠᠳ ᠬᠤᠪᠢ ᠶᠢᠨ ᠪᠠᠷᠢᠮᠵᠢᠶᠠ ᠳᠤ ᠬᠦᠷᠦᠭᠰᠡᠨ ᠪᠤᠯᠪᠠᠴᠣ ᠪᠡᠶᠡ ᠮᠠᠬᠠᠪᠤᠳ | ᠤᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠤ ᠡᠯᠰᠡᠭᠳᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ 1977 ᠤᠨ ᠤ ᠨᠠᠮᠤᠷ᠂ ᠬᠦᠭᠵᠢᠯᠳᠤᠶᠠᠭᠠ | ᠪᠠᠷᠢᠭᠠᠳᠠ ᠳᠤ ᠪᠠᠨ ᠬᠠᠷᠢᠵᠤ ᠢᠷᠡᠬᠡᠳ᠂ ᠠᠪᠤ ᠡᠵᠢ ᠳᠤ ᠪᠠᠨ ᠲᠤᠰᠠ ᠲᠡᠮ ᠪᠤᠯᠵᠤ᠂ ᠨᠠᠮᠤᠷ ᠤᠨ ᠬᠠᠳᠤᠯᠠᠩ ᠳᠤ | ᠭᠠᠷᠴᠤ ᠡᠪᠡᠰᠦ ᠬᠠᠳᠤᠵᠤ ᠵᠦᠭᠡᠭᠡᠪᠦᠷᠢᠯᠡᠬᠦ᠂ ᠡᠪᠦᠯ ᠬᠠᠪᠤᠷ ᠲᠤ ᠪᠠᠨ ᠭᠠᠮᠰᠢᠭ ᠠᠴᠠ ᠰᠡᠷᠭᠡᠶᠢᠯᠡᠵᠦ᠂ ᠭᠠᠮᠰᠢᠭ ᠲᠠᠢ | ᠲᠡᠮᠡᠴᠡᠵᠦ ᠮᠠᠯ ᠰᠦᠷᠦᠭ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠳᠤ ᠢᠳᠡᠪᠬᠢᠯᠡᠨ ᠤᠷᠤᠯᠴᠠᠵᠤ᠂ ᠫᠧᠩ ᠬᠤᠷᠤᠭᠠ ᠪᠠᠷᠢᠬᠤ᠂ | ᠡᠪᠡᠰᠦ ᠪᠤᠷᠳᠤᠭᠠ ᠲᠡᠭᠡᠭᠡᠪᠦᠷᠢᠯᠡᠬᠦ ᠵᠡᠷᠭᠡ ᠬᠠᠮᠢᠭᠠ ᠬᠦᠨᠳᠦ ᠨᠦᠰᠡᠷ ᠠᠵᠢᠯ ᠪᠠᠶᠢᠪᠠᠯ ᠲᠡᠨᠳᠡ ᠤᠴᠢᠨ ᠠᠵᠢᠯᠯᠠᠵᠤ᠂ | ᠮᠠᠯᠴᠢᠨ ᠲᠦᠮᠡᠨ ᠤ ᠪᠠᠨ ᠮᠠᠭᠳᠠᠭᠠᠯ ᠰᠠᠶᠢᠰᠢᠶᠠᠯ ᠢ ᠤᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ 1978 ᠣᠨ ᠳᠤ ᠪᠠᠷᠢᠭᠠᠳᠠ | ᠶᠢᠨ ᠢᠶᠠᠨ ᠡᠪ ᠬᠠᠮᠳᠤ ᠵᠠᠯᠠᠭᠤᠴᠤᠳ ᠤᠨ ᠡᠪᠯᠡᠯ ᠤᠨ ᠡᠭᠦᠷ ᠤᠨ ᠱᠦᠵᠢ ᠶᠢᠨ ᠠᠵᠢᠯ ᠢ ᠬᠢᠵᠦ᠂ 1984 ᠤᠨ | ᠠᠴᠠ ᠭᠠᠴᠠᠭᠠᠨ ᠤ ᠨᠢᠭᠳᠠᠯᠠᠨ ᠪᠤᠳᠤᠭᠴᠢ ᠪᠠ ᠲᠤᠭᠠ ᠪᠦᠷᠢᠳᠭᠡᠭᠴᠢ ᠶᠢᠨ ᠠᠵᠢᠯ ᠢ ᠬᠠᠪᠰᠤᠷᠭᠠᠨ ᠬᠢᠪᠡ᠃ | 1995 ᠣᠨ ᠤ 4 ᠰᠠᠷᠠ ᠳᠤ ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠳᠤ ᠨᠠᠮ ᠳᠤ ᠦᠩᠭᠡ ᠭᠡᠷᠡᠯᠳᠡᠢ ᠪᠠᠷ ᠡᠯᠰᠡᠭᠳᠡᠵᠦ᠂ | 1996 ᠤᠨ ᠳᠤ ᠭᠠᠴᠠᠭᠠᠨ ᠤ ᠪᠠᠨ ᠨᠠᠮ ᠤᠨ ᠡᠭᠦᠷ ᠤᠨ ᠱᠦᠵᠢ ᠶᠢᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ᠂ ᠭᠠᠴᠠᠭᠠ | ᠪᠠᠨ ᠲᠠᠪᠰᠢᠩᠭᠤᠢ ᠲᠡᠷᠢᠭᠦᠨ ᠤ ᠬᠢ᠂ ᠮᠠᠯ ᠰᠦᠷᠦᠭ ᠨᠢ ᠦᠨᠢᠷ ᠦᠰᠴᠦ ᠮᠠᠯ ᠠᠵᠤ ᠠᠬᠤᠢ ᠨᠢ ᠭᠦᠭᠵᠢᠭᠰᠡᠨ᠂ | ᠮᠠᠯᠴᠢᠳ ᠤᠨ ᠤᠷᠤᠯᠭᠠ ᠨᠢ ᠦᠨᠳᠦᠷ᠂ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ ᠲᠠᠢ ᠪᠤᠯᠭᠠᠬᠤ ᠪᠠᠷ ᠴᠢᠷᠮᠠᠶᠢᠨ ᠠᠵᠢᠯᠯᠠᠵᠤ | ᠢᠷᠡᠭᠰᠡᠨ ᠠᠴᠠ ᠬᠤᠰᠢᠭᠤ ᠬᠤᠳᠠ᠂ ᠰᠤᠮᠤ ᠶᠢᠨ ᠲᠡᠰ ᠤᠨ ᠰᠢᠯᠢᠳᠡᠭ ᠡᠪᠯᠡᠯ ᠤᠨ ᠭᠡᠰᠢᠭᠦᠨ᠂ ᠰᠢᠯᠢᠳᠡᠭ ᠡᠷᠦᠬᠡ | ᠶᠢᠨ ᠴᠡᠷᠢᠭ᠂ ᠪᠤᠯᠪᠠᠰᠤᠨ ᠴᠢᠨᠡᠭᠡᠯᠢᠭ ᠡᠷᠦᠬᠡ᠂ ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ᠂ ᠰᠢᠯᠢᠳᠡᠭ ᠨᠠᠮ ᠤᠨ ᠭᠡᠰᠢᠭᠦᠨ | ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷ ᠢ ᠤᠯᠠᠨᠳᠠ ᠬᠦᠷᠳᠡᠵᠦ᠂ ᠬᠤᠰᠢᠭᠤ ᠰᠤᠮᠤᠨ ᠤ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢ᠂ ᠨᠠᠮ ᠤᠨ | ᠲᠦᠯᠦᠭᠡᠯᠡᠭᠴᠢ ᠪᠠᠷ ᠬᠡᠳᠦᠨ ᠬᠤᠭᠤᠴᠠᠭᠠ ᠰᠤᠩᠭᠤᠭᠳᠠᠵᠤ᠂ ᠠᠷᠠᠳ ᠤᠯᠠᠨ ᠤ ᠪᠠᠨ ᠬᠦᠴᠢᠷᠳᠡᠯ᠂ ᠬᠦᠰᠡᠯ | ᠱᠠᠭᠠᠷᠳᠠᠯᠭᠠ ᠶᠢ ᠲᠡᠭᠡᠳᠦ ᠱᠠᠳᠤᠨ ᠳᠤ ᠲᠣᠰᠬᠠᠵᠤ᠂ ᠪᠤᠳᠠᠳᠠᠢ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠵᠤ᠂ ᠨᠠᠮ ᠠᠷᠠᠳ ᠤᠨ | ᠲᠦᠯᠦᠭᠡᠯᠡᠭᠴᠢ ᠶᠢᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠭᠦᠢᠴᠡᠳᠭᠡᠵᠦ ᠶᠠᠪᠤᠭᠰᠠᠨ ᠶᠤᠮ︾᠃ | 1984 ᠤᠨ ᠳᠤ ᠲᠥᠮᠡᠨᠪᠠᠶᠠᠷ ᠭᠠᠴᠠᠭᠠᠨ ᠤ ᠪᠠᠨ ᠰᠤᠳᠤᠡᠷᠳᠡᠨᠢ ᠬᠡᠦᠬᠡᠨ ᠲᠠᠢ ᠬᠤᠷᠢᠮᠯᠠᠵᠤ᠂ ᠠᠶᠢᠯ ᠡᠷᠦᠬᠡ | ᠪᠤᠰᠬᠠᠵᠤ᠂ ᠠᠰ ᠤᠨ ᠠᠮᠢᠳᠤᠷᠠᠯ ᠢᠶᠠᠨ ᠡᠬᠢᠯᠡᠭᠦᠯᠵᠦ᠂ ᠦᠪᠡᠷ ᠤᠨ ᠬᠦᠴᠦ ᠬᠦᠳᠡᠯᠮᠦᠷᠢ ᠤᠶᠤᠨ ᠤᠬᠠᠭᠠᠨ ᠳᠤ | ᠪᠠᠨ ᠲᠦᠰᠢᠭᠯᠡᠵᠦ᠂ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠦᠭᠡᠳᠡᠯᠡᠭᠦᠯᠵᠦ᠂ ᠦᠷᠡ ᠬᠡᠦᠬᠡᠳ ᠢᠶᠠᠨ ᠦᠰᠭᠡᠨ ᠬᠦᠮᠦᠵᠢᠬᠦᠯᠵᠦ᠂ | ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠬᠦᠮᠦᠵᠢᠯ ᠭᠦᠷᠳᠡᠭᠡᠵᠦ᠂ ᠬᠦᠮᠦᠨ ᠤ ᠵᠡᠷᠭᠡ ᠳᠤ ᠬᠦᠷᠭᠡᠨ᠂ ᠭᠤᠷᠪᠠᠨ ᠬᠦᠦ ᠪᠠᠨ | ᠭᠡᠷᠯᠡᠭᠦᠯᠵᠦ᠂ ᠨᠢᠬᠡ ᠬᠡᠦᠬᠡᠨ ᠢᠶᠠᠨ ᠬᠠᠷᠢ ᠳᠤ ᠮᠤᠷᠳᠠᠭᠤᠯᠵᠤ᠂ ᠠᠰ ᠠᠰ ᠤᠨ ᠠᠵᠤ ᠠᠮᠢᠳᠤᠷᠠᠯᠭᠠ ᠲᠠᠢ | ᠪᠤᠯᠭᠠᠭᠰᠠᠨ ᠪᠦᠭᠡᠳ ᠡᠵᠢ ᠨᠢ ᠤᠳᠤ ᠪᠠᠭᠠ ᠲᠡᠭᠦᠦ ᠲᠠᠢ ᠨᠢ ᠬᠠᠮᠳᠤ ᠰᠠᠭᠤᠵᠤ᠂ ᠪᠡᠶᠡ ᠲᠡᠩᠭᠡᠯᠡᠭᠦᠨ ᠰᠠᠨᠠᠭᠠ | ᠰᠠᠷᠠᠭᠤᠯ ᠦᠷᠡ ᠬᠡᠦᠬᠡᠳ ᠤᠳ ᠤᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠦᠵᠡᠨ ᠪᠠᠶᠠᠰᠴᠤ᠂ ᠤᠮᠪᠤᠯ ᠲᠤᠮᠪᠤᠯ ᠤᠳ ᠤᠨ | ᠢᠶᠠᠨ ᠦᠰᠦᠨ ᠲᠤᠷᠨᠢᠬᠤ ᠶᠢ ᠬᠠᠷᠠᠨ ᠪᠠᠶᠠᠷᠯᠠᠵᠤ᠂ ᠪᠠᠶᠠᠷ ᠪᠠᠶᠠᠰᠤᠯ ᠲᠠᠢ ᠵᠣᠯ ᠵᠢᠷᠭᠠᠯ ᠲᠠᠢ ᠰᠠᠭᠤᠵᠤ ᠪᠠᠶᠢᠨᠠ᠃ | ᠲᠡᠷᠡ ᠡᠨᠡ ᠤᠳᠠᠭᠠᠨ ᠤ ᠰᠤᠷᠪᠤᠯᠵᠢᠯᠠᠭᠠ ᠶᠢ᠄ ︽ᠪᠢ ᠦᠪᠡᠷ ᠢ ᠪᠠᠨ ᠶᠡᠭᠡ ᠠᠵᠠ ᠪᠤᠶᠠᠨ ᠲᠠᠢ ᠬᠦᠮᠦᠨ ᠭᠡᠵᠦ | ᠦᠵᠡᠳᠡᠭ᠃ ᠵᠢᠷᠠ ᠭᠠᠷᠴᠤ ᠵᠠᠵᠢᠨ ᠦᠰᠦ ᠴᠠᠶᠢᠭᠠᠳ ᠵᠢᠷᠭᠤᠭᠠᠨ ᠤᠮᠪᠤᠯ ᠤᠨ ᠡᠪᠦᠭᠡ ᠰᠠᠭᠤᠭᠠᠳ ᠡᠵᠢ ᠲᠠᠢ ᠪᠠᠨ | ᠬᠠᠮᠳᠤ ᠵᠢᠷᠭᠠᠵᠤ ᠰᠠᠭᠤᠭᠠ ᠪᠠᠨ ᠪᠤᠳᠤᠬᠤ ᠲᠤᠳᠤᠮ ᠶᠡᠭᠡ ᠠᠵᠠ ᠪᠤᠶᠠᠨ ᠲᠠᠢ ᠭᠡᠵᠦ ᠪᠤᠳᠤᠭᠳᠠᠨᠠ᠃ ᠮᠢᠨᠦ ᠡᠨᠡ | ᠬᠦ ᠡᠵᠢ ᠶᠢᠨ ᠪᠦᠪᠡᠢ ᠲᠠᠢ ᠠᠮᠢᠳᠤᠷᠠᠯ ᠮᠢᠨᠢ ᠤᠷᠳᠤ ᠤᠳᠠᠭᠠᠨ ᠤᠷᠤᠰᠢᠬᠤ ᠪᠤᠯᠳᠤᠭᠠᠢ ᠭᠡᠵᠦ ᠵᠦᠩᠨᠡᠨ | ᠲᠠᠭᠠᠳᠬᠠᠵᠤ ᠪᠠᠶᠢᠨᠠ︾ ᠭᠡᠰᠡᠨ ᠶᠠᠷᠢᠶᠠ ᠪᠠᠷ ᠲᠡᠭᠦᠰᠭᠡᠪᠡ᠃ | |