| ᠤᠯᠤᠰ ᠤᠨ ᠬᠡᠤᠬᠡᠳ ᠤᠨ ᠲᠤᠰᠬᠠᠢ ᠰᠡᠳᠤᠪᠳᠤ ᠰᠤᠷᠪᠤᠯᠵᠢᠯᠠᠭᠠ ᠶᠢᠨ ᠠᠶᠠᠯᠠᠯ ᠢᠶᠠᠷ ᠰᠦᠨᠢᠳ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠤ ᠰᠠᠶᠢᠬᠠᠨᠳᠠᠯᠠ ᠪᠠᠯᠭᠠᠰᠤᠨ ᠤ ᠪᠠᠶᠠᠨ ᠳᠤᠭᠤᠷᠢᠭ ᠳᠤ ᠰᠠᠭᠤᠭᠠ ᠪᠠᠳᠤᠪᠠᠭᠠᠳᠤᠷ ᠤᠨ ᠳᠤ ᠬᠦᠷᠴᠤ | ᠲᠡᠬᠦᠨ ᠤ ᠬᠡᠷᠬᠡᠢ ᠰᠠᠶᠢᠬᠠᠨ ᠢ ᠰᠤᠷᠪᠤᠯᠵᠢᠯᠠᠯᠠ᠃ | ᠰᠠᠶᠢᠬᠠᠨ᠄ ︽ᠪᠢ ᠪᠤᠯ 1958 ᠤᠨ ᠳᠤ ᠡᠮᠤᠨᠡ ᠤᠷᠤᠨ ᠠᠴᠠ ᠢᠷᠡᠭᠰᠡᠨ ᠤᠯᠤᠰ ᠤᠨ ᠭᠤᠷᠪᠠᠨ ᠮᠢᠩᠭᠠᠨ | ᠦᠨᠤᠴᠢᠨ ᠬᠡᠤᠬᠡᠳ ᠤᠨ ᠨᠢᠭᠡ᠂ ᠰᠠᠶᠢᠬᠠᠨ ᠬᠡᠳᠡᠭ᠃ ᠳᠦᠩᠬᠡᠵᠤ ᠲᠠᠪᠤ ᠵᠢᠷᠭᠤᠭᠠᠨ ᠰᠠᠷᠠ ᠪᠤᠯᠵᠤ ᠪᠠᠶᠢᠬᠰᠠᠨ | ᠰᠢᠮᠡ ᠳᠡᠵᠢᠬᠡᠯ ᠳᠤᠳᠠᠬᠳᠠᠬᠰᠠᠨ ᠡᠴᠡᠩᠬᠡᠢ ᠳᠤᠷᠠᠩᠬᠠᠢ ᠲᠤᠯᠤᠭᠠᠢ ᠬᠡᠳᠡᠰᠤ ᠬᠤᠶᠠᠷ ᠪᠤᠯᠤᠬᠰᠠᠨ ᠪᠠᠭᠤᠷᠠᠢ ᠬᠡᠤᠬᠡᠳ | ᠪᠠᠶᠢᠯᠠ ᠬᠡᠳᠡᠭ᠃ ᠨᠠᠮᠠᠶᠢ ᠡᠷᠬᠦᠭᠰᠡᠨ ᠠᠪᠤ ᠪᠤᠯ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ | ᠰᠠᠯᠠᠭᠠᠨ ᠤ ᠳᠡᠳ᠋ ᠳᠠᠷᠤᠭᠠ᠂ ᠬᠤᠰᠢᠭᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠤᠯ ᠭᠤᠮᠪᠤ ᠬᠡᠳᠡᠭ᠂ ᠡᠷᠬᠦᠭᠰᠡᠨ ᠡᠵᠢ | ᠪᠤᠯ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠨᠢᠬᠡᠳᠤᠬᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠤᠯ ᠠᠯᠳᠠᠨᠴᠡᠴᠡᠭ ᠬᠡᠳᠡᠭ᠃ | ᠦᠷᠡ ᠬᠡᠤᠬᠡᠳ ᠦᠬᠡᠢ ᠡᠨᠡ ᠬᠤᠶᠠᠷ ᠪᠤᠭᠤᠷᠤᠯ ᠳᠤ ᠦᠷᠡᠴᠢᠯᠡᠭᠳᠡᠨ ᠡᠷᠬᠦᠭᠳᠡᠵᠦ᠂ ᠡᠨᠡ ᠠᠶᠢᠯ ᠤᠨ ᠬᠠᠶᠢᠷᠠ ᠲᠠᠢ | ᠭᠠᠭᠴᠠ ᠬᠡᠤᠬᠡᠨ ᠪᠤᠯᠵᠡᠢ᠃ ᠠᠮᠠᠨ ᠳᠠᠭᠠᠨ ᠬᠢᠪᠡᠯ ᠬᠠᠶᠢᠯᠬᠤ ᠠᠴᠠ ᠠᠶᠤᠵᠤ᠂ ᠠᠯᠠᠭᠠᠨ ᠳᠡᠬᠡᠷᠡ ᠪᠠᠨ ᠲᠡᠪᠡᠷᠢᠪᠡᠯ | ᠤᠨᠠᠬᠤ ᠠᠴᠠ ᠬᠢᠴᠢᠶᠡᠨ ᠬᠠᠶᠢᠷᠠᠯᠠᠵᠤ ᠦᠰᠬᠡᠨ ᠪᠤᠶᠢᠵᠢᠭᠤᠯᠵᠤ᠂ ᠰᠤᠶᠤᠯ ᠪᠤᠯᠪᠠᠰᠤᠷᠠᠯ ᠲᠠᠢ ᠰᠤᠷᠭᠠᠨ | ᠬᠦᠮᠤᠵᠢᠬᠦᠯᠵᠡᠢ᠃ | ᠮᠢᠨᠤ ᠠᠪᠤ ᠪᠤᠯ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠴᠢᠲᠦᠠᠠᠭᠤᠯᠠ ᠰᠤᠮᠤᠨ ᠤ ᠳᠦᠰᠢᠠᠠᠭᠤᠯᠠ ᠭᠠᠴᠠᠭᠠ ᠪᠠᠷ | ᠨᠤᠳᠤᠭ ᠲᠠᠢ᠂ ᠦᠬᠡ ᠳᠠᠭᠤ ᠴᠦᠬᠡᠨ ᠲᠠᠢ᠂ ᠠᠵᠢᠯ ᠳᠠᠭᠠᠨ ᠬᠢᠨᠠᠮᠠᠭᠠᠢ ᠲᠦᠪ ᠭᠤᠤᠯᠴᠢ ᠯᠠᠪᠳᠠᠭᠤᠨ᠂ ᠦᠷᠬᠡᠨ | ᠳᠡᠯᠬᠡᠷ ᠮᠡᠳᠡᠯᠬᠡ ᠲᠠᠢ᠂ ᠡᠷᠳᠡ ᠰᠡᠬᠡᠬᠡᠷᠡᠭᠰᠡᠨ ᠬᠦᠮᠤᠨ ᠤ ᠨᠢᠬᠡ ᠪᠠᠶᠢᠵᠠᠢ᠃ ᠠᠪᠤ ᠮᠢᠨᠢ ᠨᠠᠮᠠᠶᠢ ᠬᠡᠵᠢᠶᠡᠳᠡ ︽ᠨᠤᠮ | ᠪᠢᠴᠢᠭ ᠢ ᠰᠠᠶᠢᠨ ᠰᠤᠷᠤᠯᠴᠠ᠂ ᠮᠡᠳᠡᠯᠬᠡ ᠴᠢᠳᠠᠪᠤᠷᠢ ᠪᠤᠯ ᠬᠦᠮᠤᠨ ᠳᠤ ᠬᠡᠵᠢᠶᠡᠳᠡ ᠢᠯᠡᠬᠦᠳᠡᠬᠦ ᠦᠬᠡᠢ ᠶᠤᠮ᠂ ᠨᠤᠮ | ᠰᠠᠶᠢᠨ ᠤᠩᠰᠢ︾ ᠬᠡᠵᠤ ᠵᠢᠭᠠᠨ ᠰᠤᠷᠭᠠᠳᠠᠭ ᠪᠠᠶᠢᠬᠰᠠᠨ ᠶᠤᠮ᠃ ᠡᠵᠢ ᠪᠤᠯ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ | ᠪᠦᠳᠤᠮᠵᠢ ᠰᠤᠮᠤ ᠪᠠᠷ ᠨᠤᠳᠤᠭ ᠲᠠᠢ᠂ ᠠᠰᠪᠤᠷᠢ ᠴᠠᠭᠠᠪᠤᠷ ᠵᠠᠩ ᠲᠠᠢ᠂ ᠠᠵᠢᠯᠴᠢ ᠪᠤᠷᠤᠬᠵᠢᠭᠤᠨ ᠰᠤᠷᠳᠠᠯ ᠲᠠᠢ᠂ | ᠪᠤᠰᠤᠳ ᠢ ᠳᠤᠰᠠᠯᠠᠵᠤ ᠳᠡᠮᠵᠢᠬᠦ ᠳᠤᠷᠠ ᠲᠠᠢ᠂ ᠦᠷᠬᠡᠨ ᠤᠯᠡᠨ ᠤ ᠪᠠᠨ ᠳᠤᠮᠳᠡ ᠲᠤᠩ ᠶᠡᠭᠡ ᠬᠦᠷᠢᠶᠡᠯᠡᠯ | ᠬᠦᠨᠳᠤᠳᠬᠡᠯ ᠲᠠᠢ ᠬᠦᠮᠤᠨ ᠪᠠᠶᠢᠪᠠ᠃ | ᠪᠢ ᠪᠠᠭᠠ ᠳᠠᠭᠠᠨ ᠪᠡᠶᠡ ᠳᠤᠩ ᠪᠠᠭᠤᠷᠠᠢ ᠪᠠᠶᠢᠬᠰᠠᠨ ᠠᠴᠠ ᠨᠢᠬᠡ ᠤᠳᠠᠭᠠ ᠳᠤᠩ ᠦᠨᠳᠤᠷ ᠬᠠᠯᠠᠭᠤᠷᠠᠭᠠᠳ | ᠬᠠᠯᠠᠭᠤᠨ ᠨᠢ ᠪᠤᠴᠠᠬᠤ ᠦᠬᠡᠢ ᠲᠤᠯᠠ ᠡᠵᠢ ᠠᠪᠤ ᠶᠢ ᠡᠳᠤᠷ ᠰᠦᠨᠢ ᠦᠬᠡᠢ ᠶᠡᠭᠡ ᠵᠤᠪᠠᠭᠠᠵᠤ ᠪᠠᠶᠢᠵᠡᠢ᠃ ᠲᠡᠬᠡᠬᠡᠳ | ᠡᠮᠴᠢ ᠲᠠᠢ ᠪᠠᠨ ᠪᠠᠭᠠ ᠵᠦᠷᠢᠯᠳᠤᠭ᠍ᠰᠡᠨ ᠬᠡᠳᠡᠭ᠂ ᠦᠨᠡᠨ ᠳᠡᠭᠡᠨ ᠪᠢ ᠤᠯᠠᠭᠠᠨ ᠨᠤᠳ ᠬᠦᠷᠤᠭ᠍ᠰᠡᠨ ᠪᠠᠶᠢᠬᠰᠠᠨ ᠢ ᠨᠢ | ᠡᠮᠴᠢ ᠪᠤᠷᠤᠭᠤ ᠤᠨᠤᠰᠢᠯᠠᠵᠤ ᠡᠮᠨᠡᠭᠰᠡᠨ ᠪᠠᠶᠢᠵᠡᠢ᠃ ᠪᠢ ᠪᠠᠭᠠ ᠳᠠᠭᠠᠨ ᠪᠠᠰᠠ ᠶᠠᠰᠤ ᠵᠦᠬᠡᠯᠡᠷᠡᠬᠦ ᠡᠪᠡᠳᠴᠢᠨ ᠳᠤ | ᠨᠡᠷᠪᠡᠭᠳᠡᠵᠦ᠂ ᠬᠦᠶᠤᠵᠤ ᠪᠠᠶᠢᠬᠰᠠᠨ ᠬᠡᠤᠬᠡᠳ ᠬᠡᠨᠡᠳᠳᠡ ᠪᠤᠰᠴᠤ ᠴᠢᠳᠠᠬᠤ ᠦᠬᠡᠢ ᠰᠠᠭᠤᠭᠠ ᠪᠤᠯᠤᠬᠰᠠᠨ ᠶᠤᠮ᠃ | ᠲᠡᠬᠡᠬᠡᠳ ᠡᠮᠴᠢ ᠠᠴᠠ ᠶᠠᠰᠤ ᠵᠦᠬᠡᠯᠡᠷᠡᠬᠦ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠬᠠᠮᠤᠭ ᠰᠠᠶᠢᠨ ᠠᠷᠭᠠ ᠪᠤᠯ ᠬᠦᠳᠡᠭᠡ ᠮᠠᠯ ᠤᠨ | ᠳᠡᠷᠬᠡᠳᠡ ᠬᠦᠷᠴᠤ ᠰᠦ ᠴᠠᠭᠠᠨ ᠢᠳᠡᠭᠡ ᠢᠳᠡ ᠬᠡᠵᠤ ᠵᠥᠪᠯᠡᠯᠭᠡ ᠦᠭᠴᠡᠢ᠃ ᠲᠡᠬᠡᠬᠡᠳ ᠡᠵᠢ ᠮᠢᠨᠢ ᠳᠠᠪᠤᠨ | ᠰᠠᠷᠠ ᠶᠢᠨ ᠠᠮᠠᠷᠠᠯᠳᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠨᠠᠮᠠᠶᠢ ᠠᠪᠴᠤ᠂ ᠮᠢᠨᠤ ᠨᠢᠬᠡ ᠲᠦᠷᠤᠯ ᠤᠨ ᠡᠬᠡᠴᠢ ᠶᠢ ᠳᠠᠭᠠᠭᠤᠯᠵᠤ | ᠰᠢᠯᠢ ᠶᠢᠨ ᠬᠤᠲᠠ ᠳᠤ ᠶᠠᠪᠤᠬᠤ ᠵᠠᠮ ᠤᠨ ᠮᠠᠰᠢᠨ ᠲᠡᠷᠬᠡᠨ ᠳᠤ ᠭᠠᠷᠤᠬᠰᠠᠨ ᠶᠤᠮ ᠪᠠᠶᠢᠨᠠ᠃ ᠲᠡᠬᠡᠬᠡᠳ ᠵᠠᠮ | ᠵᠠᠭᠤᠷᠠ ᠪᠠᠨ ᠮᠠᠰᠢᠨ ᠲᠡᠷᠬᠡᠨ ᠠᠴᠠ ᠪᠠᠨ ᠪᠠᠭᠤᠭᠠᠳ ᠨᠢᠬᠡ ᠨᠢ ᠬᠡᠤᠬᠡᠳ ᠢᠶᠠᠨ ᠡᠬᠦᠷᠴᠤ ᠨᠢᠬᠡ ᠨᠢ ᠪᠠᠭᠠ ᠰᠠᠭᠠ | ᠶᠠᠭᠤᠮᠠ ᠪᠠᠨ ᠡᠬᠦᠷᠤᠬᠡᠳ ᠲᠤᠩ ᠶᠠᠳᠠᠷᠠᠯ ᠵᠦᠳᠡᠷᠡᠯ ᠲᠠᠢ ᠶᠠᠪᠠᠭᠠᠨ ᠢᠶᠠᠷ ᠵᠠᠮ ᠠᠶᠠᠯᠠᠵᠤ ᠪᠠᠶᠢᠭᠠᠳ ᠨᠢᠬᠡ ᠦᠨᠳᠤᠷ | ᠮᠠᠩᠬᠠᠨ ᠲᠡᠬᠡᠷᠡ ᠭᠠᠷᠤᠭᠠᠳ ᠠᠮᠠᠷᠠᠵᠤ ᠰᠠᠭᠤᠭᠠᠳ ᠠᠵᠢᠬᠯᠠᠪᠠᠯ ᠮᠠᠩᠬᠠᠨ ᠤ ᠬᠤᠩᠬᠤᠷ ᠲᠤ ᠨᠢᠬᠡ ᠪᠤᠷᠠᠨᠳᠠᠭ | ᠳᠤᠬᠤᠰᠢ ᠲᠠᠢ ᠤᠨᠤᠭᠠᠷᠠᠢ ᠶᠢᠨ ᠲᠡᠮᠡᠭᠡ ᠪᠠᠶᠢᠵᠠᠢ᠃ ᠲᠡᠷᠡ ᠲᠡᠮᠡᠭᠡ ᠶᠢ ᠪᠠᠷᠢᠵᠤ ᠤᠨᠤᠭᠠᠳ ᠳᠡᠮᠡᠢ ᠤᠳᠠᠬᠰᠠᠨ | ᠦᠬᠡᠢ᠂ ᠡᠨᠡ ᠲᠡᠮᠡᠬᠡᠨ ᠤ ᠠᠴᠢ ᠪᠠᠷ ᠰᠢᠭᠤᠳ ᠮᠠᠨ ᠤ ᠠᠪᠠᠭᠠ ᠡᠵᠢ ᠶᠢᠨ ᠳᠤ ᠤᠴᠢᠬᠰᠠᠨ ᠪᠢᠯᠡ᠃ ᠪᠢ | ᠳᠡᠬᠡᠬᠡᠳ ᠬᠦᠳᠡᠭᠡ ᠠᠪᠠᠭᠠ ᠡᠵᠢ ᠶᠢᠨ ᠳᠡᠭᠡᠨ ᠦᠯᠡᠳᠡᠵᠤ ᠨᠢᠬᠡ ᠬᠤᠭᠤᠴᠠᠭᠠ ᠰᠦ ᠰᠠᠭᠠᠯᠢ᠂ ᠮᠢᠬᠠ ᠱᠦᠯᠤ | ᠤᠤᠭᠤᠵᠤ ᠢᠳᠡᠵᠦ ᠪᠠᠶᠢᠭᠠᠳ ᠲᠠᠮᠢᠷ ᠳᠡᠩᠬᠡ ᠤᠷᠤᠵᠤ ᠨᠡᠯᠢᠶᠡᠳ ᠰᠠᠶᠢᠨ ᠪᠤᠯᠵᠤ᠂ ᠬᠡᠷ ᠲᠡᠭᠡᠨ ᠬᠠᠷᠢᠵᠤ ᠢᠷᠡᠭᠰᠡᠨ | ᠬᠡᠳᠡᠭ᠃ ᠮᠢᠨᠤ ᠠᠪᠤ ᠡᠵᠢ ᠨᠠᠮᠠᠶᠢ ᠡᠷᠬᠦᠵᠤ ᠠᠪᠤᠭᠠᠳ ᠦᠪᠡᠷ ᠤᠨ ᠲᠦᠷᠤᠭ᠍ᠰᠡᠨ ᠬᠡᠤᠬᠡᠳ ᠲᠠᠢ ᠪᠠᠨ ᠠᠳᠠᠯᠢ | ᠡᠨᠡᠷᠢᠨ ᠬᠠᠶᠢᠷᠠᠯᠠᠵᠤ ᠦᠰᠬᠡᠨ ᠪᠤᠶᠢᠵᠢᠭᠤᠯᠵᠤ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠠᠴᠠ ᠦᠨᠳᠤᠷ ᠵᠡᠷᠬᠡ ᠶᠢᠨ ᠲᠤᠮᠳᠡᠳᠤ | ᠰᠤᠷᠭᠠᠭᠤᠯᠢ ᠲᠡᠬᠦᠰᠳᠡᠯᠡ ᠰᠢᠰᠲ᠋ᠧᠮ ᠲᠠᠢ ᠰᠠᠶᠢᠬᠠᠨ ᠨᠤᠮ ᠪᠢᠴᠢᠭ ᠰᠤᠷᠭᠠᠵᠤ᠂ ᠦᠨᠳᠤᠰᠤᠨ ᠰᠤᠷᠭᠠᠨ | ᠬᠦᠮᠤᠵᠢᠯ ᠢ ᠪᠦᠷᠢᠨ ᠬᠦᠢᠴᠡᠳ ᠬᠦᠷᠳᠡᠬᠡᠵᠤ᠂ ᠵᠠᠯᠭᠠᠭᠠᠳ ᠴᠠᠭ ᠦᠶᠡ ᠵᠠᠰᠠᠭ ᠲᠦᠷᠤ ᠶᠢᠨ ᠤᠷᠢᠶᠠᠯᠠᠭᠠ ᠪᠠᠷ ᠪᠢ | ᠬᠦᠳᠡᠭᠡ ᠳᠤᠰᠬᠤᠨ ᠳᠤ ᠪᠠᠭᠤᠵᠤ᠂ ᠨᠡᠶᠢᠬᠡᠮ ᠤᠨ ᠦᠢᠯᠡᠳᠤᠯᠬᠡ ᠳᠤ ᠳᠠᠪᠳᠠᠨ ᠪᠤᠯᠪᠠᠰᠤᠷᠠᠵᠠᠢ᠃ | 1977 ᠤᠨ ᠳᠤ᠂ ᠦᠨᠳᠤᠷ ᠵᠡᠷᠬᠡ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠬᠦᠰᠣᠬᠡᠳ᠂ ᠲᠦᠷᠤ ᠶᠢᠨ | ᠪᠤᠳᠤᠯᠭᠠ ᠶᠢᠨ ᠰᠠᠶᠢᠨ ᠢᠶᠠᠷ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠠᠩᠪᠤᠯᠠᠭ ᠰᠤᠮᠤᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ | ᠪᠠᠭᠰᠢᠯᠠᠵᠤ ᠠᠵᠢᠯ ᠤᠨ ᠭᠠᠷᠤᠭᠠ ᠪᠠᠨ ᠠᠪᠴᠤ᠂ ᠭᠤᠴᠢᠨ ᠲᠠᠪᠤᠨ ᠵᠢᠯ ᠠᠷᠠᠳ ᠤᠨ ᠪᠠᠭᠰᠢ ᠶᠢᠨ ᠠᠵᠢᠯ ᠬᠢᠵᠦ | ᠪᠠᠶᠢᠭᠠᠳ ᠠᠵᠢᠯ ᠤᠨ ᠠᠮᠠᠷᠠᠯᠳᠠ ᠪᠠᠨ ᠠᠪᠴᠠᠢ᠂ ᠠᠵᠢᠯᠯᠠᠵᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠡᠯᠡ ᠱᠠᠳᠤᠨ ᠤ | ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ᠂ ᠨᠢᠬᠡᠴᠠ ᠶᠢᠨ ︽ᠲᠡᠷᠢᠬᠦᠨ ᠤ ᠪᠠᠭᠰᠢ︾᠂ ︽ᠰᠢᠯᠢᠳᠡᠭ ᠠᠵᠢᠯᠳᠠᠨ︾ ᠢᠶᠠᠷ ᠤᠯᠠᠨᠲᠠ | ᠰᠤᠩᠭᠤᠬᠳᠠᠵᠤ᠂ ᠢᠷᠠᠭᠤ ᠠᠯᠳᠠᠷ ᠢ ᠤᠯᠵᠤ᠂ ᠨᠡᠶᠢᠬᠡᠮ ᠨᠡᠶᠢᠳᠠ ᠶᠢᠨ ᠪᠢᠰᠢᠷᠡᠯ ᠬᠦᠨᠳᠤᠳᠬᠡᠯ ᠢ ᠤᠯᠤᠭᠰᠠᠭᠠᠷ | ᠢᠷᠡᠵᠡᠢ᠃ | ᠬᠠᠮᠳᠤ ᠰᠤᠷᠤᠬᠴᠢ᠂ ᠨᠢᠬᠡ ᠰᠤᠷᠭᠠᠭᠤᠯᠢ ᠳᠤ ᠬᠠᠮᠳᠤ ᠪᠠᠭᠰᠢᠯᠠᠵᠤ ᠪᠠᠶᠢᠭᠠ ᠰᠢᠯᠢᠳᠡᠭ ᠵᠠᠯᠠᠭᠤ ᠪᠠᠳᠤᠪᠠᠭᠠᠳᠤᠷ | ᠲᠠᠢ ᠢᠨᠠᠬᠯᠠᠵᠤ᠂ 1981 ᠤᠨ ᠳᠤ ᠠᠶᠢᠯ ᠬᠡᠷ ᠪᠤᠯᠵᠠᠢ᠃ ᠬᠤᠷᠢᠮᠯᠠᠭᠠᠳ ᠬᠦᠤ ᠬᠡᠤᠬᠡᠨ ᠬᠤᠶᠠᠷ ᠵᠠᠶᠠᠭᠠᠪᠠ᠃ | ᠬᠦᠤ ᠶᠢ ᠰᠦᠯᠳᠡ ᠬᠡᠳᠡᠭ᠂ ᠬᠡᠤᠬᠡᠨ ᠢ ᠰᠤᠪᠤᠳ ᠬᠡᠳᠡᠭ᠃ ᠬᠤᠶᠡᠷ ᠬᠡᠤᠬᠡᠳ ᠮᠢᠨᠢ ᠪᠦᠷ ᠠᠵᠢᠯ ᠠᠯᠪᠠ ᠲᠠᠢ᠂ | ᠠᠶᠢᠯ ᠬᠡᠷ ᠪᠤᠯᠵᠡᠢ᠃ ᠬᠤᠶᠠᠷ ᠬᠦᠤ ᠨᠢᠬᠡ ᠬᠡᠤᠬᠡᠨ ᠭᠤᠷᠪᠠᠨ ᠤᠮᠪᠤᠯᠤ ᠲᠠᠢ᠃ ᠪᠤᠶᠠᠨᠳᠤ ᠬᠤᠶᠠᠷ ᠪᠤᠭᠤᠷᠤᠯ ᠮᠢᠨᠢ | ᠪᠦᠷ ᠮᠢᠨᠤ ᠭᠠᠷ ᠲᠡᠬᠡᠷᠡ ᠪᠠᠶᠢᠵᠤ ᠪᠠᠶᠢᠭᠠᠳ ᠵᠢᠷᠠᠨ ᠨᠠᠰᠤᠯᠠᠬᠤ ᠰᠢᠬᠠᠭᠠᠳ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠪᠤᠷᠬᠠᠨ | ᠪᠤᠯᠵᠠᠢ᠃ | ᠤᠳᠤ ᠪᠢ ᠬᠠᠨᠢ ᠨᠦᠬᠦᠷ ᠲᠠᠢ ᠪᠠᠨ ᠠᠵᠢᠯ ᠤᠨ ᠠᠮᠠᠷᠠᠯᠳᠠ ᠪᠠᠨ ᠠᠪᠤᠭᠠᠳ ᠦᠷᠡ ᠠᠴᠢᠨᠠᠷ ᠲᠠᠢ ᠪᠠᠨ ᠵᠤᠯ | ᠵᠢᠷᠭᠠᠯ ᠲᠠᠢ ᠰᠠᠶᠢᠬᠠᠨ ᠠᠮᠢᠳᠤᠷᠠᠵᠤ ᠪᠠᠶᠢᠨᠠ᠃ ᠶᠠᠭᠤᠨ ᠤ ᠤᠷᠢᠳ ᠠᠭᠤᠤ ᠶᠡᠭᠡ ᠡᠪ ᠬᠠᠮᠳᠤ ᠨᠠᠮ ᠳᠠᠭᠠᠨ | ᠳᠠᠯᠠᠷᠬᠠᠳᠠᠭ᠂ ᠮᠦᠨᠴᠤ ᠨᠠᠮᠠ ᠶᠢ ᠦᠷᠡᠴᠢᠯᠡᠨ ᠲᠡᠵᠢᠬᠡᠭᠰᠡᠨ ᠠᠪᠤ ᠡᠵᠢ ᠲᠡᠭᠡᠨ ᠲᠠᠯᠠᠷᠬᠠᠳᠠᠭ ᠶᠤᠮ︾ ᠬᠡᠵᠤ | ᠶᠠᠷᠢᠯᠠ᠃ |