| ᠰᠢᠨᠡ ᠵᠢᠯ ᠬᠠᠭᠤᠴᠢᠷᠠᠵᠤ᠂ ᠤᠷᠢᠨ ᠬᠠᠪᠤᠷ ᠨᠠᠭᠠᠰᠢᠯᠠᠬᠤ ᠴᠠᠭ ᠢᠶᠠᠷ᠂ ᠰᠦᠨᠢᠳ ᠤᠨ ᠳᠠᠯᠠ ᠳᠤ ᠰᠢᠨᠡ | ᠴᠠᠰᠤ ᠨᠡᠮᠡᠵᠦ ᠦᠭᠬᠦᠭᠡᠵᠢ ᠰᠢᠮᠡ ᠪᠠᠨ ᠬᠠᠶᠢᠷᠠᠯᠠᠨ᠂ ᠲᠦᠯ ᠳᠤᠰᠴᠤ ᠪᠠᠶᠢᠭᠠ ᠮᠠᠯᠴᠢᠨ ᠠᠶᠢᠯ ᠤᠨ ᠠᠵᠢᠯ ᠬᠢᠳᠡᠯ | ᠶᠡᠬᠡᠰᠴᠦ᠂ ᠶᠠᠭᠠᠷᠠᠯᠳᠠᠢ ᠶᠠᠳᠠᠷᠠᠯᠳᠠᠢ ᠪᠠᠶᠢᠭᠰᠠᠨ ᠴᠦ᠂ ᠬᠠᠩᠭᠢᠨᠠᠬᠤ ᠲᠦᠯ ᠤᠨ ᠳᠠᠭᠤᠨ ᠳᠤ ᠮᠠᠯᠴᠢᠳ ᠤᠨ | ᠰᠡᠳᠬᠢᠯ ᠳᠡᠨᠢᠭᠡᠷ ᠪᠠᠶᠢᠨᠠ᠃ | ᠰᠠᠩᠪᠤᠯᠠᠭ ᠰᠤᠮᠤᠨ ᠤ ᠪᠠᠶ᠋ᠬᠠᠠᠭᠤᠯᠠ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠰᠠᠶᠢᠨᠴᠤᠭᠳᠤ ᠶᠢᠨ ᠬᠢᠨ ᠬᠤᠷᠤᠭᠠ ᠬᠠᠰᠢᠶᠠᠨ | ᠳᠤ ᠪᠠᠨ ᠲᠦᠯ ᠮᠠᠯ ᠲᠠᠢ ᠪᠠᠨ ᠪᠤᠵᠢᠭᠢᠨᠠᠯᠳᠤᠭᠠᠳ ᠶᠠᠭᠠᠷᠠᠤ ᠪᠠᠶᠢᠯᠠ᠃ ᠮᠠᠯᠴᠢᠳ ᠤᠨ ᠬᠠᠪᠤᠷ ᠤᠨ ᠠᠷᠠᠴᠢᠯᠠᠭᠠ | ᠮᠠᠯᠠᠯᠭᠠ ᠶᠢᠨ ᠠᠵᠢᠯ ᠳᠤ ᠳᠤᠰᠠ ᠪᠤᠯᠬᠤ ᠪᠠᠷ ︽ᠤᠯᠠᠭᠠᠨ ᠪᠤᠭᠴᠤ︾ ᠰᠠᠶᠢᠨ ᠳᠤᠷᠠ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ | ᠠᠩᠭᠢ ᠶᠢᠨ ᠭᠡᠰᠢᠬᠦᠨ ᠦᠨᠦᠳᠦᠷ ᠡᠳᠡᠨᠡᠶᠢᠬᠢᠨ ᠳᠤ ᠢᠷᠡᠵᠦ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠮᠡᠷᠭᠡᠵᠢᠯ ᠤᠨ ᠳᠤᠬᠠᠢ ᠰᠢᠨᠡ | ᠮᠡᠳᠡᠯᠭᠡ ᠬᠦᠷᠭᠡᠵᠦ ᠢᠷᠡᠯᠡ᠃ ᠤᠶᠢᠷᠠ ᠳᠤ᠂ ᠪᠠᠶ᠋ᠬᠠᠠᠭᠤᠯᠠ ᠭᠠᠴᠠᠭᠠᠨ ᠤ ︽ᠤᠯᠠᠭᠠᠨ ᠪᠤᠭᠴᠤ︾ ᠰᠠᠶᠢᠨ ᠳᠤᠷᠠ | ᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ ᠠᠩᠭᠢ ᠮᠠᠯᠴᠢᠨ ᠠᠶᠢᠯ ᠢᠶᠠᠷ ᠬᠦᠨᠵᠡᠭᠡᠶᠢᠷᠡᠵᠦ᠂ ᠲᠡᠵᠢᠭᠡᠨ ᠦᠷᠡᠵᠢᠬᠦᠯᠬᠦ ᠮᠡᠳᠡᠯᠭᠡ᠂ ᠬᠢᠵᠢᠭ | ᠢ ᠰᠡᠷᠭᠡᠶᠢᠯᠡᠬᠦ ᠤᠬᠠᠭᠤᠯᠭᠠ ᠵᠡᠷᠭᠡ ᠮᠠᠯᠴᠢᠨ ᠲᠦᠮᠡᠨ ᠳᠤ ᠭᠡᠷᠡᠭᠴᠡᠭᠡ ᠲᠠᠢ ᠵᠦᠢᠯᠡᠰ ᠢ ᠬᠦᠷᠭᠡᠵᠦ ᠪᠠᠶᠢᠨᠠ᠃ | ᠰᠠᠶᠢᠨᠴᠣᠭᠲᠤ ᠶᠢᠨ ᠬᠢᠨ ᠤᠶᠢᠷᠠ ᠶᠢᠨ ᠠᠷᠪᠠᠭᠠᠳ ᠡᠳᠦᠷ ᠭᠤᠴᠢᠭᠠᠳ ᠲᠦᠯ ᠳᠤᠰᠴᠤ᠂ ᠤᠷᠭᠤᠬᠤ | ᠤᠯᠠᠭᠠᠨ ᠨᠠᠷᠠᠨ ᠠᠴᠠ ᠦᠳᠡᠰᠢ ᠶᠢᠨ ᠪᠦᠷᠦᠢ ᠪᠤᠯᠳᠠᠯᠠ ᠬᠤᠷᠤᠭᠠ ᠬᠠᠰᠢᠶᠠ᠂ ᠲᠦᠯ ᠮᠠᠯ ᠬᠡᠮᠡᠨ ᠪᠤᠷᠪᠢ ᠪᠤᠬᠢᠰᠬᠢᠯ | ᠦᠬᠡᠢ ᠶᠠᠭᠠᠷᠠᠭᠰᠠᠨ ᠴᠦ ᠳᠤᠷᠨᠢᠭᠤᠨ ᠬᠦᠷᠪᠡᠵᠢᠵᠦ ᠪᠠᠶᠢᠭᠠ ᠲᠦᠯ ᠤᠨ ᠮᠠᠶᠢᠯᠠᠭᠠᠨ ᠮᠠᠯᠴᠢᠨ ᠡᠵᠡᠨ ᠢᠶᠠᠨ | ᠪᠠᠶᠠᠰᠬᠠᠨᠠ᠃ | ᠮᠠᠯᠴᠢᠨ ᠵᠠᠶᠠᠭᠠ ᠦᠪᠯᠡᠭᠰᠡᠨ ᠬᠠᠰᠢᠷ ᠳᠤᠷᠰᠢᠯᠭᠠ ᠲᠠᠢ ᠰᠠᠶᠢᠨᠴᠤᠭᠳᠤ ᠦᠩᠭᠡᠷᠡᠬᠦ ᠡᠪᠦᠯ ᠮᠠᠯ ᠤᠨ ᠢᠶᠠᠨ | ᠡᠪᠡᠰᠦ ᠪᠣᠷᠳᠤᠭᠠ ᠶᠢ ᠬᠦᠷᠦᠯᠴᠡᠭᠡᠳᠡᠢ ᠪᠡᠯᠡᠳᠬᠡᠵᠦ᠂ 20 ᠲᠤᠨ ᠡᠪᠡᠰᠦ ᠪᠤᠷᠳᠤᠭᠠ ᠬᠤᠳᠠᠯᠳᠤᠨ ᠠᠪᠴᠤ᠂ ᠮᠠᠯ | ᠤᠨ ᠳᠠᠷᠭᠤ ᠬᠦᠴᠦ᠂ ᠲᠦᠯ ᠤᠨ ᠤᠨᠳᠤᠷᠤᠯᠳᠠ ᠶᠢ ᠪᠠᠳᠤᠯᠠᠵᠤ᠂ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠰᠠᠶᠢᠨ | ᠰᠠᠶᠢᠬᠠᠨ ᠢ ᠬᠦᠰᠡᠨ ᠪᠠᠷᠠᠯᠠᠵᠤ ᠪᠤᠢ᠃ | | |