| ︵ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ ᠡᠪᠦᠭᠡᠨ ᠰᠤᠮᠤᠨ ᠳᠠᠷᠤᠭᠠ ᠶᠢᠨ ᠬᠦᠦᠷᠨᠢᠯ︶ | ᠵᠣᠬᠢᠶᠠᠭᠴᠢ᠄ ᠣᠶᠤᠨᠳᠡᠯᠭᠡᠷ | ᠥᠩᠭᠡᠷᠡᠨ ᠣᠳᠤᠭᠰᠠᠨ ᠣᠨ ᠵᠢᠯ ᠤᠳ ᠤᠨ ᠤᠴᠠᠷᠠᠯ ᠳᠣᠬᠢᠶᠠᠯᠳᠤᠯ ᠦᠨᠡᠨ ᠬᠡᠷᠡᠭ ᠶᠠᠪᠤᠳᠠᠯ ᠨᠢ | ᠠᠶᠠᠨᠳᠠᠭᠠᠨ ᠦᠯᠢᠭᠡᠷ ᠰᠢᠭ ᠰᠠᠶᠢᠬᠠᠨ ᠦᠢᠯᠡ ᠶᠠᠪᠤᠳᠠᠯ ᠢ ᠪᠦᠲᠦᠭᠡᠵᠦ ᠰᠣᠨᠤᠰᠬᠤ ᠳᠤ ᠤᠷᠮᠠᠲᠠᠢ ᠰᠠᠨᠠᠭᠳᠠᠳᠠᠭ ᠠᠴᠠ | ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠪᠠᠭᠠ ᠪᠠᠶᠢᠬᠤ ᠳᠤ ᠬᠠᠯᠲᠤ ᠮᠥᠯᠲᠦ ᠰᠣᠨᠤᠰᠴᠤ ᠪᠠᠶᠢᠭᠰᠠᠨ ᠦᠯᠢᠭᠡᠷ ᠢ ᠪᠣᠳᠣᠵᠤ | ᠣᠯᠤᠭᠠᠳ ᠳᠠᠬᠢᠨ ᠰᠣᠨᠤᠰᠴᠤ ᠦᠰᠦᠭ ᠪᠢᠴᠢᠭ ᠢᠶᠠᠷ ᠲᠡᠮᠳᠡᠭᠯᠡᠵᠦ ᠦᠯᠡᠳᠡᠭᠡᠮᠡᠷ ᠰᠠᠨᠠᠭᠳᠠᠨ ᠰᠦᠨᠢᠳ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠤ ᠥᠷᠭᠡᠨᠲᠠᠯᠠ ᠪᠠᠯᠭᠠᠰᠤᠨ ᠤ ᠴᠠᠩᠲᠤᠰᠢᠯᠢ ᠭᠠᠴᠠᠭᠠᠨ ᠤ ᠪᠠᠨ ᠤᠤᠯ ᠤᠨ ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ | ᠰᠤᠮᠤᠨ ᠳᠠᠷᠤᠭᠠ ᠪᠠᠶᠢᠭᠰᠠᠨ ᠬᠤᠪᠢᠰᠬᠠᠯᠲᠤ ᠭᠤᠸᠠᠢ ᠲᠠᠢ ᠵᠣᠭᠤᠭᠳᠠᠬᠤ ᠪᠠᠷ ᠵᠣᠷᠢᠯᠠ᠃ ᠬᠤᠪᠢᠰᠬᠠᠯᠲᠤ ᠭᠤᠸᠠᠢ | ᠭᠡᠵᠦ ᠳᠠᠯᠠᠨ ᠨᠠᠰᠤ ᠶᠢ ᠵᠣᠭᠤᠭᠯᠠᠴᠢᠬᠠᠭᠰᠠᠨ ᠪᠠᠭᠠ ᠦᠬᠢᠨ ᠱᠢᠷᠦᠩᠭᠤᠸᠠ ᠶᠢᠨ ᠲᠠᠢ ᠪᠠᠨ ᠬᠠᠮᠲᠤ ᠮᠠᠯ ᠬᠠᠷᠠ ᠳᠤᠨᠢ | ᠴᠢᠳᠠᠯ ᠤᠨ ᠬᠢᠷᠢ ᠪᠠᠷ ᠢᠶᠠᠨ ᠬᠠᠮ ᠳᠡᠮ ᠪᠣᠯᠴᠢᠬᠠᠭᠰᠠᠨ ᠬᠥᠯ ᠭᠠᠷ ᠬᠥᠩᠭᠡᠨ ᠪᠡᠶᠡ ᠯᠠᠭᠱᠠᠨ ᠲᠡᠩᠬᠡᠯᠡᠭᠦᠨ ᠶᠠᠷᠢᠶᠠ | ᠬᠥᠭᠡᠷᠦᠭᠡ ᠲᠠᠢ ᠬᠡᠳᠦᠶᠢᠪᠡᠷ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠲᠤ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠦᠭᠡᠢ ᠴᠤ ᠬᠠᠭᠤᠴᠢᠨ ᠡᠷᠦᠬᠡ ᠶᠢᠨ | ᠴᠡᠷᠢᠭ ᠤᠨ ᠦᠨᠳᠦᠰᠦᠨ ᠪᠣᠯᠪᠠᠰᠤᠷᠠᠯ ᠢ ᠰᠢᠰᠲ᠋ᠧᠮ ᠲᠠᠢ ᠪᠣᠯᠪᠠᠰᠤᠷᠠᠭᠰᠠᠨ ᠬᠦᠮᠦᠨ ᠤ ᠬᠤᠪᠢ ᠳᠤ ᠬᠥᠯ ᠨᠢᠷᠤᠭᠤ | ᠵᠢᠭᠠᠬᠠᠨ ᠴᠤ ᠭᠠᠵᠢᠵᠤ ᠪᠥᠭᠲᠦᠶᠢᠭᠰᠡᠨ ᠶᠠᠩᠵᠤ ᠦᠭᠡᠢ ᠭᠠᠳᠠᠨᠠ ᠪᠠᠨ ᠳᠠᠨᠠᠶᠢᠲᠠᠯᠠ ᠵᠣᠭᠰᠤᠵᠤ ᠪᠠᠶᠢᠬᠤ ᠨᠢ | ᠪᠠᠰᠠᠴᠤ ᠬᠠᠭᠤᠴᠢᠨ ᠫᠤᠤ ᠶᠢᠨ ᠬᠤᠭᠤᠷᠬᠠᠢ ᠭᠡᠰᠡᠨ ᠢᠶᠠᠨ ᠢᠯᠡᠳᠲᠡ ᠬᠠᠷᠠᠭᠤᠯᠵᠤ ᠪᠠᠶᠢᠯᠠ᠃ | ᠪᠢᠳᠡ ᠡᠳᠦᠷ ᠲᠤᠲᠤᠮ ᠤᠨ ᠰᠣᠨᠢᠨ ᠰᠠᠶᠢᠬᠠᠨ ᠶᠠᠷᠢᠯᠴᠠᠬᠤ ᠶᠢᠨ ᠳᠠᠭᠠᠤ ᠦᠭᠡ ᠡᠭᠦᠰᠬᠡᠨ ᠲᠠ ᠤᠤᠯ ᠤᠨ | ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ ᠦᠶᠡ ᠶᠢᠨ ᠢᠶᠠᠨ ᠦᠯᠢᠭᠡᠷ ᠤᠳ ᠠᠴᠠ ᠶᠠᠷᠢᠵᠤ ᠥᠭᠬᠦ ᠤᠤ︖ ᠭᠡᠬᠦ ᠳᠤ ᠬᠤᠪᠢᠰᠬᠠᠯᠲᠤ | ᠭᠤᠸᠠᠢ ᠥ ᠲᠡᠷᠡ ᠥᠩᠭᠡᠷᠡᠭᠰᠡᠨ ᠶᠠᠭᠤᠮᠠ ᠶᠢ ᠪᠠᠶᠢᠴᠢᠬᠠᠶᠠ᠂ ᠲᠡᠭᠦᠤ ᠮᠢᠨᠢ ᠵᠦᠭᠡᠷ ᠯᠠ ᠣᠳᠣ ᠶᠢᠨ | ᠵᠣᠭᠤᠭ ᠠᠴᠠ ᠪᠠᠨ ᠡᠪᠦᠭᠡᠨ ᠳᠤ ᠵᠢᠭᠠᠬᠠᠨ ᠰᠣᠨᠤᠰᠬᠠᠴᠢᠬᠠ︕ ᠭᠡᠳ ᠢᠨᠢᠶᠡᠵᠦ ᠣᠳᠣ ᠡᠪᠦᠭᠡᠨ ᠬᠦᠮᠦᠨ ᠤ | ᠦᠵᠢᠷᠡᠭᠰᠡᠨ ᠦᠭᠡ ᠢᠶᠠᠷ ᠶᠠᠭᠤ ᠪᠠᠨ ᠬᠢᠬᠦ ᠶᠤᠮ ᠪᠣᠢ︖ ᠲᠠᠪᠢᠭᠠᠳ ᠵᠢᠯ ᠤᠨ ᠤᠴᠢᠷ ᠪᠣᠯᠴᠢᠬᠠᠵᠠᠢ᠂ ᠪᠦᠷ | ᠮᠠᠷᠲᠠᠵᠤ ᠰᠠᠨᠠᠭᠠᠳ ᠣᠯᠢᠭᠲᠠᠢ ᠶᠠᠭᠤᠮᠠ ᠣᠷᠤᠵᠤ ᠢᠷᠡᠬᠦ ᠪᠠᠨ ᠪᠠᠶᠢᠴᠢᠬᠠᠯᠠ ᠭᠡᠵᠦ ᠪᠠᠶᠢᠪᠠ᠃ | ᠲᠠ ᠥᠨᠥ ᠮᠣᠷᠢᠨ ᠬᠤᠯᠠᠭᠠᠶᠢᠴᠢ ᠪᠠᠷᠢᠭᠰᠠᠨ ᠦᠯᠢᠭᠡᠷ ᠢᠶᠠᠨ ᠶᠠᠷᠢᠭᠠᠳ ᠥᠭᠭᠦᠨᠡ ᠤᠤ ᠭᠡᠰᠡᠨ ᠳᠤ ᠵᠠ | ᠲᠡᠭᠡᠪᠡᠯ ᠬᠤᠶᠢᠨᠠ ᠡᠮᠦᠨᠡ ᠨᠢ ᠣᠷᠤᠭᠤᠯᠤᠭᠠᠳ ᠶᠠᠷᠢᠵᠤ ᠦᠵᠡᠶᠡ ᠳ᠋ᠠ᠂ ᠶᠠᠭ ᠦᠨᠡᠨ ᠢ ᠬᠡᠯᠡᠪᠡᠯ ᠮᠢᠨᠦ ᠲᠡᠷᠡ | ᠦᠶᠡ ᠳᠤ ᠬᠠᠮᠤᠭ ᠠᠴᠠ ᠥᠩᠭᠡ ᠭᠡᠷᠡᠯᠲᠡᠢ ᠤᠴᠢᠷ ᠭᠡᠵᠦ ᠪᠣᠳᠤᠭᠳᠠᠳᠠᠭ ᠪᠣᠯ ᠮᠥᠨ ᠡᠨᠡ ᠨᠢᠭᠡ ᠯᠠ ᠤᠳᠠᠭᠠ ᠶᠢᠨ | ᠲᠠᠩᠨᠠᠨ ᠮᠥᠷᠳᠡᠭᠰᠡᠨ ᠤᠴᠢᠷ ᠰᠢᠳᠠ᠂ ᠮᠠᠨ ᠤ ᠲᠡᠷᠡ ᠦᠶᠡ ᠳᠤ ᠡᠷᠦᠬᠡ ᠶᠢᠨ ᠴᠡᠷᠢᠭ ᠪᠣᠯ ᠳᠤᠬᠠᠢ ᠶᠢᠨ ᠴᠠᠭ | ᠦᠶᠡ ᠶᠢᠨ ᠢᠶᠠᠨ ᠡᠩᠬᠡ ᠲᠠᠶᠢᠪᠤᠩ ᠠᠮᠤᠷ ᠲᠦᠪᠰᠢᠨ ᠢ ᠬᠠᠮᠠᠭᠠᠯᠠᠳᠠᠭ ᠭᠠᠪᠰᠢᠭᠠᠢ ᠠᠩᠬᠢ ᠪᠣᠯᠬᠤᠷ ᠪᠢᠳᠡ | ᠪᠦᠭᠦᠳᠡᠭᠡᠷ ᠰᠣᠨᠤᠷ ᠰᠡᠷᠡᠮᠵᠢ ᠶᠢ ᠲᠡᠷᠢᠭᠦᠨ ᠳᠤ ᠲᠠᠯᠪᠢᠳᠠᠭ᠂ ᠲᠡᠷᠡ ᠦᠶᠡ ᠳᠤ ᠣᠨᠴᠠᠭᠠᠶᠢᠯᠠᠨ ᠲᠠᠨᠢᠯ ᠪᠣᠰᠤ | ᠡᠲᠡᠭᠡᠳ ︵ᠲᠠᠩᠨᠠᠭᠤᠯ︶ ᠳᠡᠷᠰᠯᠡᠭᠦᠦ ᠡᠲᠡᠭᠡᠳ ᠢ ᠰᠡᠷᠭᠡᠶᠢᠯᠡᠳᠡᠭ ᠡᠭᠦᠷᠭᠡ ᠲᠠᠢ ᠪᠠᠶᠢᠳᠠᠭ᠃ ᠬᠢᠯᠢ ᠳᠠᠭᠠᠤ | ᠭᠠᠵᠠᠷ ᠢᠶᠠᠷ ᠪᠣᠯ ᠶᠠᠩᠵᠤ ᠶᠠᠩᠵᠤ ᠶᠢᠨ ᠶᠠᠪᠣᠳᠠᠯ ᠭᠠᠷᠳᠠᠭ ᠠᠴᠠ ᠭᠠᠪᠢᠶᠠ ᠪᠠᠶᠢᠭᠤᠯᠬᠤ ᠳᠣᠬᠢᠶᠠᠯ ᠠᠷᠪᠢᠨ ᠬᠡᠵᠦ | ᠪᠣᠳᠣᠳᠠᠭ᠂ ᠮᠠᠨ ᠳᠤ ᠲᠡᠶᠢᠮᠦ ᠳᠣᠬᠢᠶᠠᠯ ᠬᠤᠪᠤᠷ᠂ ᠪᠢᠳᠡ ᠪᠦᠷ ᠥᠪᠡᠷ ᠢ ᠪᠠᠨ ᠴᠡᠷᠢᠭ ᠤᠨ ᠡᠭᠦᠷᠭᠡ | ᠬᠠᠷᠢᠭᠤᠴᠠᠯᠭᠠ ᠪᠠᠷ ᠱᠠᠭᠠᠷᠳᠠᠳᠠᠭ ᠪᠠᠶᠢᠭᠰᠠᠨ ᠪᠦᠭᠡᠳ ᠬᠡᠵᠢᠶᠡ ᠶᠠᠮᠠᠷ ᠡᠭᠦᠷᠭᠡ ᠥᠭᠭᠦᠭᠰᠡᠨ ᠴᠦ ᠵᠠᠪᠠᠯ | ᠡᠭᠦᠷᠭᠡ ᠪᠠᠨ ᠬᠦᠢᠴᠡᠳ ᠪᠡᠶᠡᠯᠡᠭᠦᠯᠬᠦ ᠪᠠᠷ ᠴᠢᠷᠮᠠᠶᠢᠳᠠᠭ᠂ ᠭᠠᠪᠢᠶᠠ ᠪᠠᠶᠢᠭᠤᠯᠬᠤ ᠪᠣᠯ ᠴᠡᠷᠢᠭ ᠬᠦᠮᠦᠨ ᠤ ᠬᠠᠮᠤᠭ | ᠶᠡᠭᠡ ᠥᠩᠭᠡ ᠭᠡᠷᠡᠯ ᠰᠢᠦ ᠳ᠋ᠠ᠃ | ᠮᠢᠨᠦ ᠬᠤᠷᠢᠨ ᠳᠥᠷᠪᠡᠲᠡᠢ ᠵᠢᠯ ᠶᠤᠮᠰᠠᠨ᠃ 1977 ᠣᠨ ᠤ ᠨᠠᠮᠤᠷ ᠤᠨ ᠡᠬᠢᠨ ᠤ ᠨᠢᠭᠡᠨ ᠰᠢᠪᠡᠷᠡᠭᠡ | ᠪᠣᠷᠤᠭᠠᠨ ᠲᠠᠢ ᠥᠷᠯᠦᠭᠡ ᠮᠠᠨ ᠤ ᠪᠠᠷᠢᠭᠠᠳᠠ ᠶᠢᠨ ᠬᠠᠮᠲᠤ ᠶᠢᠨ ᠮᠣᠷᠢᠨ ᠲᠡᠷᠭᠡᠨ ᠤ ᠲᠡᠷᠭᠡᠴᠢᠨ ᠮᠧᠩ ᠶᠤᠸᠠᠨ ᠺᠠᠢ | ᠮᠣᠷᠢᠳ ᠢᠶᠠᠨ ᠪᠠᠷᠢᠬᠤ ᠪᠠᠷ ᠶᠠᠪᠤᠭᠠᠳ ᠥᠪᠡᠷ ᠤᠨ ᠳᠥᠷᠪᠡᠨ ᠮᠣᠷᠢ ᠨᠢ ᠠᠯᠠᠭᠠ ᠪᠣᠯᠤᠭᠰᠠᠨ ᠪᠦᠭᠡᠳ ᠬᠤᠶᠠᠷ | ᠶᠠᠪᠠᠭᠠᠨ ᠬᠦᠮᠦᠨ ᠮᠣᠷᠢᠳ ᠲᠠᠢ ᠨᠢ ᠨᠣᠴᠤᠯᠳᠤᠭᠰᠠᠨ ᠰᠡᠵᠢᠭᠯᠡᠯᠲᠡᠢ ᠮᠥᠷ ᠪᠠᠶᠢᠨᠠ ᠭᠡᠵᠦ ᠪᠠᠷᠢᠭᠠᠳᠠ ᠶᠢᠨ ᠱᠦᠵᠢ | ᠠᠶᠤᠰᠢ ᠳᠤ ᠬᠡᠷᠡᠭ ᠮᠡᠳᠡᠭᠦᠯᠦᠭᠰᠡᠨ ᠳᠤ ᠠᠶᠤᠰᠢ ᠱᠦᠵᠢ ︵ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ ᠵᠢᠭᠠᠨ ᠵᠢᠯᠤᠭᠤᠳᠤᠭᠴᠢ︶ | ᠲᠡᠷᠡ ᠳᠠᠷᠤᠢ ᠪᠠᠷᠢᠭᠠᠳᠠ ᠶᠢᠨ ᠲᠷᠠᠺᠲ᠋ᠤᠷ ᠢᠶᠠᠷ ᠮᠣᠷᠢᠨ ᠤ ᠡᠵᠡᠨ ᠬᠢᠭᠡᠳ ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ ᠰᠤᠮᠤᠨ | ᠳᠠᠷᠤᠭᠠ ᠪᠠᠶᠢᠭᠰᠠᠨ ᠨᠠᠳᠠ ᠶᠢ ᠫᠤᠤ ᠰᠤᠮᠤ ᠲᠠᠢ ᠨᠢ ᠠᠪᠴᠤ ᠮᠣᠷᠢ ᠠᠯᠳᠠᠭᠰᠠᠨ ᠭᠠᠵᠠᠷ ᠠᠴᠠ ᠮᠣᠷᠢᠳ ᠤᠨ ᠮᠥᠷ ᠢ | ᠣᠯᠵᠤ ᠮᠥᠷᠳᠡᠯ ᠤᠨ ᠠᠵᠢᠯ ᠢᠶᠠᠨ ᠡᠬᠢᠯᠡᠭᠦᠯᠪᠡ᠃ ᠪᠢᠳᠠ ᠮᠣᠷᠢᠳ ᠠᠯᠳᠠᠭᠰᠠᠨ ᠭᠠᠵᠠᠷ ᠠᠴᠠ ᠬᠤᠶᠠᠷ ᠵᠢᠶᠤᠤᠫᠢ | ᠱᠠᠬᠠᠢ ᠲᠠᠢ ᠬᠦᠮᠦᠨ ᠮᠣᠷᠢᠳ ᠪᠠᠷᠢᠬᠤ ᠪᠠᠷ ᠨᠡᠯᠢᠶᠡᠳ ᠣᠷᠤᠯᠳᠤᠭᠰᠠᠨ ᠪᠤᠶᠤ ᠪᠠᠰᠠ ᠨᠡᠯᠢᠶᠡᠳ ᠭᠠᠵᠠᠷ ᠲᠠᠭᠤᠵᠤ | ᠶᠠᠪᠤᠭᠠᠳ ᠪᠠᠷᠢᠵᠤ ᠠᠪᠤᠭᠠᠳ ᠤᠨᠤᠭᠠᠳ ᠪᠠᠷᠠᠭᠤᠨ ᠵᠦᠭ ᠲᠤ ᠶᠠᠪᠤᠭᠰᠠᠨ ᠢ ᠲᠣᠳᠤᠯᠠᠪᠠ᠃ ᠢᠩᠬᠢᠭᠡᠳ ᠶᠠᠭᠤᠨ ᠤ | ᠡᠮᠦᠨᠡ ᠮᠣᠷᠢᠳ ᠢ ᠬᠤᠯᠠᠭᠠᠢ ᠳᠤ ᠠᠯᠳᠠᠭᠰᠠᠨ ᠭᠡᠳᠡᠭ ᠲᠤ ᠡᠷᠡᠭᠡᠯᠵᠡᠯᠡᠯ ᠦᠭᠡᠢ ᠪᠣᠯᠤᠭᠠᠳ ᠪᠦᠭᠦᠳᠡᠭᠡᠷ | ᠬᠤᠯᠠᠭᠠᠢ ᠶᠢ ᠪᠠᠷᠢᠪᠴᠢᠯᠠᠨ ᠮᠣᠷᠢᠳ ᠢᠶᠠᠨ ᠣᠯᠵᠤ ᠢᠷᠡᠬᠦ ᠪᠠᠷ ᠶᠠᠭᠠᠷᠠᠯᠲᠠᠢ ᠪᠠᠷ ᠮᠣᠷᠢᠳ ᠤᠨ ᠢᠶᠠᠨ ᠮᠥᠷ ᠢ | ᠮᠥᠷᠳᠡᠵᠦ ᠡᠬᠢᠯᠡᠪᠠ᠃ ᠭᠡᠪᠡᠴᠦ ᠳᠡᠮᠡᠢ ᠬᠤᠯᠠ ᠶᠠᠪᠤᠭᠰᠠᠨ ᠦᠭᠡᠢ ᠴᠠᠩᠲᠤ ᠶᠢᠨ ᠪᠠᠷᠠᠭᠤᠨ ᠲᠠᠯᠠ ᠳᠤ ᠬᠦᠷᠦᠮᠡᠭᠴᠡ | ᠪᠠᠷᠢᠭᠠᠳᠠ ᠶᠢᠨ ᠠᠳᠤᠭᠤᠨ ᠰᠦᠷᠦᠭ ᠤᠨ ᠪᠡᠯᠴᠢᠭᠡᠷ ᠲᠤ ᠰᠦᠷᠦᠭ ᠠᠳᠤᠭᠤᠳ ᠤᠨ ᠮᠥᠷ ᠲᠤ ᠬᠦᠷᠦᠭᠡᠳ | ᠦᠷᠭᠦᠯᠵᠢᠯᠡᠨ ᠮᠥᠷᠳᠡᠬᠦ ᠳᠤ ᠬᠦᠴᠢᠷ ᠪᠣᠯᠪᠠ᠃ ᠪᠦᠭᠦᠳᠡᠭᠡᠷ ᠶᠠᠭᠠᠬᠢᠪᠠᠯ ᠵᠣᠬᠢᠬᠤ ᠪᠠᠨ ᠣᠯᠵᠤ ᠶᠠᠳᠠᠨ ᠪᠠᠴᠢᠮᠳᠠᠨ | ᠰᠠᠩᠳᠤᠷᠤᠭᠰᠠᠨ ᠳᠤ ᠨᠢᠭᠡ ᠨᠢ ᠪᠢᠳᠡ ᠬᠤᠯᠠᠭᠤᠷ ᠬᠦᠨᠳᠡᠯᠡᠨ ᠣᠭᠲᠤᠯᠠᠵᠤ ᠮᠣᠷᠢᠳ ᠤᠨ ᠢᠶᠠᠨ ᠮᠥᠷ ᠢ ᠣᠯᠵᠤ | ᠠᠪᠤᠭᠠᠳ ᠳᠠᠬᠢᠨ ᠮᠥᠷᠳᠡᠶᠡ ᠬᠡᠬᠦ ᠳᠤ ᠣᠯᠠᠨ ᠢᠶᠠᠷ ᠢᠶᠠᠨ ᠳᠠᠬᠢᠭᠠᠳ ᠥᠪᠡᠷ ᠤᠨ ᠢᠶᠠᠨ ᠮᠣᠷᠢᠳ ᠤᠨ ᠮᠥᠷ ᠢ | ᠣᠯᠵᠤ ᠳᠡᠶᠢᠯᠬᠦ ᠡᠰᠡᠬᠦ ᠳᠤ ᠡᠷᠡᠭᠡᠯᠵᠡᠵᠦ ᠪᠠᠶᠢᠭᠰᠠᠨ ᠳᠤ ᠪᠢ ᠣᠯᠠᠨ ᠳᠤ ᠬᠠᠮᠢᠶᠠ ᠦᠭᠡᠢ ᠪᠢ ᠨᠢᠭᠡ ᠦᠵᠡᠭᠰᠡᠨ | ᠮᠥᠷ ᠢᠶᠠᠨ ᠪᠠᠷᠤᠭ ᠠᠨᠳᠠᠳᠠᠭ ᠦᠭᠡᠢ ᠶᠤᠮ ᠭᠡᠰᠡᠨ ᠳᠤ ᠲᠡᠭᠡᠪᠡᠯ ᠴᠢ ᠯᠠ ᠭᠤᠤᠯᠳᠠᠨᠠ ᠰᠢᠦ ᠭᠡᠳ ᠪᠢᠳᠡ | ᠪᠦᠭᠦᠳᠡᠭᠡᠷ ᠠᠳᠤᠭᠤᠨ ᠤ ᠪᠡᠯᠴᠢᠭᠡᠷ ᠢ ᠥᠩᠭᠡᠷᠡᠭᠡᠳ ᠳᠠᠬᠢᠨ ᠮᠥᠷᠳᠡᠬᠦ ᠪᠠᠷ ᠪᠣᠯᠤᠭᠰᠠᠨ ᠪᠣᠯᠪᠠᠴᠤ ᠬᠤᠰᠢᠭᠤ | ᠲᠠᠯᠠᠪᠠᠢ ᠶᠢᠨ ᠠᠳᠤᠭᠤᠨ ᠤ ᠪᠡᠯᠴᠢᠭᠡᠷ ᠦᠷᠭᠦᠯᠵᠢᠯᠡᠭᠡᠳ ᠬᠦᠨᠳᠡᠯᠡᠨ ᠤᠭᠲᠤᠯᠬᠤ ᠳᠤ ᠲᠦᠪᠡᠭᠲᠡᠢ ᠪᠣᠯᠤᠭᠰᠠᠨ ᠠᠴᠠ | ᠪᠢᠳᠡ ᠠᠷᠭᠠ ᠪᠣᠰᠤ ᠰᠠᠶᠢᠬᠠᠨᠲᠠᠯᠠ ᠳᠤ ᠣᠷᠤᠬᠤ ᠬᠠᠮᠤᠭ ᠡᠴᠦᠰ ᠤᠨ ᠮᠥᠷ ᠢ ᠣᠯᠵᠤ ᠠᠪᠬᠤ ᠨᠢ ᠶᠠᠭᠤᠨ ᠠᠴᠠ | ᠴᠢᠬᠤᠯᠠ ᠬᠡᠵᠦ ᠰᠠᠶᠢᠬᠠᠨᠲᠠᠯᠠ ᠠᠴᠠ ᠡᠷᠢᠶᠡᠨ ᠬᠤᠲᠠ ᠬᠦᠷᠬᠦ ᠲᠡᠮᠦᠷ ᠵᠠᠮ ᠢ ᠲᠠᠭᠠᠨ ᠮᠥᠷᠳᠡᠵᠦ ᠪᠠᠶᠢᠭᠠᠳ | ᠰᠠᠶᠢᠬᠠᠨᠲᠠᠯᠠ ᠶᠢᠨ ᠵᠡᠭᠦᠨ ᠲᠠᠯᠠ ᠪᠠᠷ ᠲᠡᠮᠦᠷ ᠵᠠᠮ ᠢ ᠬᠥᠨᠳᠡᠯᠡᠨ ᠭᠡᠲᠦᠯᠦᠭᠰᠡᠨ ᠮᠥᠷ ᠢ ᠣᠯᠵᠤ ᠠᠪᠤᠭᠠᠳ | ᠬᠤᠯᠠᠭᠠᠶᠢᠴᠢ ᠮᠣᠷᠢᠳ ᠢ ᠠᠪᠤᠭᠠᠳ ᠪᠠᠷᠠᠭᠤᠨᠰᠢ ᠶᠠᠪᠤᠭᠰᠠᠨ ᠭᠡᠳᠡᠭ ᠲᠤ ᠶᠡᠭᠡ ᠲᠥᠯᠦᠪ ᠤᠨ ᠨᠤᠲᠠᠯᠠᠯᠯᠲᠠ ᠲᠠᠢ | ᠪᠣᠯᠵᠤ ᠬᠤᠰᠢᠭᠤᠨ ᠳᠤ ᠣᠷᠤᠬᠤ ᠳᠤ ᠨᠢᠭᠡᠨᠲᠡ ᠣᠷᠤᠢ ᠶᠢᠨ ᠨᠠᠷᠠ ᠰᠢᠩᠭᠡᠬᠦ ᠰᠢᠬᠠᠭᠰᠠᠨ ᠪᠠᠶᠢᠯᠠ᠃ ᠪᠢᠳᠡ | ᠳᠥᠷᠪᠡᠭᠦᠯᠡ ᠬᠤᠰᠢᠭᠤᠨ ᠳᠤ ᠣᠷᠤᠵᠤ ᠨᠢᠭᠡ ᠰᠠᠶᠢᠨ ᠭᠡᠳᠡᠰᠦ ᠭᠠᠷᠴᠤ ᠬᠤᠭᠤᠯᠠ ᠢᠳᠡᠭᠡᠳ ᠲᠷᠠᠺᠲ᠋ᠤᠷ ᠢᠶᠠᠷ ᠢᠶᠠᠨ | ᠦᠷᠭᠦᠯᠵᠢᠯᠡᠨ ᠰᠠᠶᠢᠬᠠᠨᠲᠠᠯᠠ ᠠᠴᠠ ᠪᠠᠷᠠᠭᠤᠨᠰᠢ ᠠᠶᠢᠯ ᠬᠤᠲᠠ ᠪᠠᠷ ᠰᠤᠷᠠᠭ ᠲᠠᠯᠪᠢᠨ ᠨᠢᠭᠡ ᠰᠥᠨᠢ ᠤᠨᠲᠠᠯ ᠦᠭᠡᠢ | ᠰᠤᠷᠠᠭᠯᠠᠭᠠᠳ ᠶᠠᠮᠠᠷᠴᠤ ᠰᠤᠷᠠᠭ ᠦᠭᠡᠢ ᠪᠣᠯᠬᠤᠷ ᠦᠦᠷ ᠭᠡᠭᠡᠷᠡᠮᠡᠭᠴᠡ ᠳᠠᠬᠢᠨ ᠥᠴᠦᠭᠡᠳᠦᠷ ᠤᠨ ᠮᠥᠷ ᠢᠶᠠᠨ | ᠮᠤᠰᠬᠢᠨ ᠶᠠᠪᠤᠭᠠᠳ ᠰᠠᠶᠢᠬᠠᠨᠲᠠᠯᠠ ᠠᠴᠠ ᠪᠠᠷᠠᠭᠤᠨᠰᠢ ᠳᠡᠮᠡᠢ ᠶᠠᠪᠤᠯ ᠦᠭᠡᠢ ᠪᠠᠰᠠᠯᠠ ᠳᠥᠬᠦᠮ ᠤᠨ ᠠᠳᠤᠭᠤᠨ ᠤ | ᠮᠥᠷ ᠲᠤ ᠪᠠᠯᠠᠷᠠᠵᠤ ᠪᠢᠳᠡᠨ ᠢ ᠳᠠᠬᠢᠨᠲᠠ ᠭᠠᠴᠢᠭᠳᠠᠭᠤᠯᠤᠭᠰᠠᠨ ᠪᠢᠯᠡ᠃ ᠡᠨᠡ ᠤᠳᠠᠭᠠ ᠪᠦᠭᠦᠳᠡᠭᠡᠷ ᠶᠣᠰᠤᠲᠠᠢ | ᠪᠠᠴᠢᠮᠳᠠᠵᠠᠭᠠᠯᠠ᠂ ᠪᠢᠳᠡᠨ ᠳᠤ ᠴᠠᠭ ᠮᠥᠴᠡ ᠶᠠᠭᠤᠨ ᠠᠴᠠ ᠴᠢᠬᠤᠯᠠ ᠴᠠᠭ ᠤᠳᠠᠭᠠᠰᠢᠷᠠᠬᠤ ᠲᠤᠲᠤᠮ ᠪᠢᠳᠡᠨ ᠳᠤ | ᠠᠰᠢᠭ ᠦᠭᠡᠢ ᠭᠡᠳᠡᠭ ᠢ ᠮᠡᠳᠡᠵᠦ ᠪᠠᠶᠢᠭᠠ ᠲᠤᠯᠠ ᠲᠷᠠᠺᠲ᠋ᠤᠷ ᠢᠶᠠᠷ ᠪᠢᠳᠡ ᠬᠦᠮᠦᠨ ᠢᠶᠠᠨ ᠰᠤᠪᠤᠴᠢᠭᠤᠯᠤᠨ | ᠪᠠᠭᠤᠯᠭᠠᠵᠤ ᠠᠰ ᠠᠰ ᠲᠠᠭᠠᠨ ᠮᠥᠷ ᠬᠠᠶᠢᠵᠤ ᠪᠠᠰᠠᠯᠠ ᠬᠦᠨᠳᠡᠯᠡᠨ ᠤᠭᠲᠤᠯᠵᠤ ᠶᠠᠭᠠᠷᠠᠯᠲᠠᠢ ᠮᠥᠷᠳᠡᠪᠡ᠃ | ᠡᠴᠦᠰ ᠲᠡᠭᠡᠨ ᠬᠤᠶᠠᠳᠤᠭᠠᠷ ᠡᠳᠦᠷ ᠤᠨ ᠦᠳᠡ ᠶᠢᠨ ᠬᠤᠶᠢᠨᠠ ᠪᠢ ᠥᠨᠥᠬᠢ ᠳᠥᠷᠪᠡᠨ ᠮᠣᠷᠢᠨ ᠤ ᠪᠠᠨ ᠮᠥᠷ ᠢ | ᠣᠯᠤᠭᠠᠳ ᠠᠪᠤᠯᠠ᠃ ᠲᠡᠭᠡᠭᠡᠳ ᠯᠠ ᠪᠢᠳᠡ ᠮᠥᠷ ᠢᠶᠠᠨ ᠠᠯᠳᠠᠯ ᠦᠭᠡᠢ ᠡᠭᠡᠯᠵᠢ ᠪᠠᠷ ᠶᠠᠪᠠᠭᠠᠨ ᠮᠥᠷᠳᠡᠬᠦ ᠶᠢᠨ | ᠳᠠᠭᠠᠤ ᠣᠶᠢᠷᠠ ᠣᠷᠴᠢᠮ ᠤᠨ ᠠᠶᠢᠯ ᠤᠳ ᠢᠶᠠᠷ ᠰᠤᠷᠠᠭ ᠳᠠᠯᠪᠢᠨ ᠥᠪᠡᠷᠰᠡᠳ ᠢᠶᠠᠨ ᠪᠠᠭᠠ ᠰᠠᠭᠠ ᠬᠡᠯᠡᠨ ᠳᠡᠭᠡᠷᠡ | ᠶᠠᠭᠤᠮᠠ ᠳᠠᠯᠪᠢᠨ ᠥᠯ ᠵᠠᠯᠭᠠᠨ ᠶᠠᠪᠤᠭᠰᠠᠭᠠᠷ ᠪᠠᠰᠠ ᠨᠢᠭᠡᠨ ᠰᠥᠨᠢ ᠶᠢ ᠲᠡᠷᠭᠡᠨ ᠳᠡᠭᠡᠷᠡ ᠪᠠᠨ ᠥᠩᠭᠡᠷᠡᠭᠦᠯᠪᠡ᠃ | ᠳᠠᠷᠠᠭᠠ ᠡᠳᠦᠷ ᠨᠢ ᠤᠤᠯ ᠶᠤᠰᠤᠭᠠᠷ ᠰᠤᠷᠠᠭ ᠳᠠᠯᠪᠢᠨ ᠠᠶᠢᠯ ᠬᠤᠲᠠ ᠪᠠᠷ ᠣᠷᠤᠨ ᠰᠤᠷᠠᠭᠯᠠᠭᠰᠠᠭᠠᠷ ᠦᠳᠡ ᠶᠢᠨ | ᠬᠤᠶᠢᠨᠠ ᠪᠠᠶᠠᠨᠰᠢᠷᠡᠭᠡ ᠶᠢᠨ ᠣᠷᠴᠢᠮ ᠤᠨ ᠨᠢᠭᠡ ᠬᠤᠨᠢᠴᠢᠨ ᠠᠴᠠ ᠥᠴᠦᠭᠡᠳᠦᠷ ᠣᠷᠤᠶᠢᠬᠠᠨ ᠬᠤᠶᠠᠷ ᠮᠣᠷᠢ ᠲᠠᠢ | ᠬᠦᠮᠦᠨ ᠮᠣᠷᠢ ᠬᠥᠲᠦᠯᠦᠭᠡᠳ ᠲᠡᠷᠡ ᠠᠭᠤᠯᠠ ᠶᠢᠨ ᠵᠦᠭ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠭᠡᠳᠡᠭ ᠰᠤᠷᠠᠭ ᠣᠯᠵᠤ | ᠰᠣᠨᠤᠰᠤᠭᠠᠳ ᠪᠦᠭᠦᠳᠡᠭᠡᠷ ᠳᠡᠯᠪᠡ ᠪᠠᠶᠠᠷᠯᠠᠨ ᠳᠡᠪᠬᠡᠷᠬᠦ ᠳᠤ ᠣᠶᠢᠷᠠᠳᠴᠤ ᠪᠠᠶᠢᠯᠠ᠃ ᠦᠨᠡᠬᠡᠷ ᠡᠷᠢᠯ ᠢ ᠰᠤᠷᠠᠭ ᠢᠶᠠᠷ | ᠭᠡᠬᠦᠴᠢᠯᠡᠨ ᠡᠴᠦᠰ ᠲᠡᠭᠡᠨ ᠰᠤᠷᠠᠭ ᠰᠣᠨᠤᠰᠤᠭᠠᠳ ᠪᠠᠶᠠᠷᠯᠠᠨ ᠬᠥᠭᠡᠷᠦᠯᠳᠦᠬᠦ ᠳᠤ ᠠᠶᠤᠰᠢ ᠱᠦᠵᠢ ᠬᠠᠷᠢᠨ ᠡᠨᠡ | ᠬᠤᠶᠠᠷ ᠡᠳᠦᠷ ᠮᠠᠨ ᠤ ᠰᠤᠮᠤᠨ ᠳᠠᠷᠤᠭᠠ ᠶᠢᠨ ᠮᠥᠷᠳᠡᠬᠦ ᠮᠡᠷᠭᠡᠵᠢᠯ ᠪᠠᠶᠢᠭᠰᠠᠨ ᠦᠭᠡᠢ ᠪᠣᠯ ᠬᠠᠮᠢᠭᠠ ᠠᠴᠠ ᠡᠶᠢᠮᠦ | ᠬᠤᠯᠠ ᠮᠥᠷᠳᠡᠵᠦ ᠳᠡᠶᠢᠯᠬᠦ ᠶᠤᠮ ᠭᠡᠵᠦ ᠣᠯᠠᠨ ᠢ ᠢᠨᠢᠶᠡᠯᠭᠡᠵᠦ ᠪᠠᠶᠢᠭᠰᠠ ᠶᠤᠮ᠃ ᠲᠡᠭᠡᠭᠡᠳ ᠪᠢᠳᠡ ᠨᠢᠭᠡ ᠮᠥᠴᠡ | ᠴᠤ ᠬᠦᠯᠢᠶᠡᠵᠦ ᠴᠢᠳᠠᠬᠤ ᠪᠠᠨ ᠪᠣᠯᠢᠵᠤ᠂ ᠮᠥᠷᠳᠡᠵᠦ ᠪᠠᠶᠢᠭᠰᠠᠨ ᠮᠥᠷ ᠢᠶᠠᠨ ᠲᠡᠮᠳᠡᠭᠯᠡᠵᠦ ᠲᠠᠯᠪᠢᠭᠠᠳ ᠲᠡᠷᠳᠡᠭᠡ | ᠠᠭᠤᠯᠠ ᠶᠢ ᠴᠢᠭᠯᠡᠨ ᠲᠷᠠᠺᠲ᠋ᠤᠷ ᠢᠶᠠᠷ ᠲᠠᠪᠬᠢᠭᠤᠯᠤᠨ ᠠᠭᠤᠯᠠ ᠶᠢᠨ ᠨᠡᠯᠢᠶᠡᠳ ᠥᠨᠳᠦᠷᠯᠢᠭ ᠰᠢᠭ ᠭᠠᠵᠠᠷ ᠲᠤ | ᠲᠡᠷᠭᠡ ᠪᠠᠨ ᠲᠠᠯᠪᠢᠴᠢᠬᠠᠭᠠᠳ ᠪᠠᠶᠢᠳᠠᠯ ᠢ ᠨᠠᠷᠢᠨ ᠠᠵᠢᠭᠯᠠᠵᠤ ᠪᠠᠶᠢᠲᠠᠯᠠ ᠭᠡᠨᠡᠳᠲᠡ ᠨᠢᠭᠡᠨ ᠠᠭᠤᠯᠠ ᠶᠢᠨ | ᠬᠠᠪᠴᠢᠯ ᠠᠴᠠ ᠨᠠᠷᠢᠨ ᠬᠥᠬᠡ ᠤᠲᠤᠭᠠ ᠰᠤᠭᠤᠨᠠᠭᠯᠠᠬᠤ ᠬᠠᠷᠠᠭᠳᠠᠯᠠ᠃ ᠪᠢᠳᠡ ᠲᠡᠷᠡᠬᠦ ᠤᠲᠤᠭᠠ ᠶᠢ ᠲᠠᠭᠠᠨ ᠲᠡᠷᠡ | ᠵᠦᠭ ᠲᠤ ᠠᠯᠭᠤᠷ ᠣᠶᠢᠷᠠᠳᠴᠤ ᠪᠠᠶᠢᠯᠠ᠃ ᠱᠦᠵᠢ ᠨᠠᠳᠠ ᠶᠢ ᠫᠤᠤ ᠰᠤᠮᠤ ᠪᠠᠨ ᠪᠡᠯᠡᠬᠡᠨ ᠪᠠᠶᠢᠯᠭᠠᠬᠤ ᠶᠢ | ᠱᠠᠭᠠᠷᠳᠠᠵᠤ ᠪᠢ ᠪᠣᠰᠤᠳ ᠠᠴᠠ ᠪᠠᠨ ᠨᠡᠯᠢᠶᠡᠳ ᠵᠠᠶᠢᠲᠠᠢ ᠶᠠᠪᠤᠵᠤ ᠪᠠᠴᠢᠮ ᠤᠴᠢᠷ ᠭᠠᠷᠪᠠᠯ ᠫᠤᠤ ᠳᠤᠤᠭᠠᠷᠭᠠᠬᠤ ᠳᠤ | ᠪᠡᠯᠡᠬᠡᠨ ᠤᠷᠤᠭᠰᠢᠯᠠᠵᠤ ᠪᠠᠶᠢᠪᠠ᠃ ᠪᠢᠳᠡ ᠥᠨᠥᠬᠢ ᠠᠭᠤᠯᠠ ᠶᠢᠨ ᠬᠠᠪᠴᠢᠯ ᠳᠤ ᠲᠤᠯᠵᠤ ᠬᠦᠷᠬᠦ ᠦᠶᠡ ᠮᠠᠨ ᠤ | ᠮᠣᠷᠢᠨ ᠤ ᠡᠵᠡᠨ ᠬᠠᠮᠤᠭ ᠤᠨ ᠲᠥᠷᠦᠭᠦᠦ ᠪᠤᠷᠤᠭᠤ ᠬᠠᠷᠠᠭᠰᠠᠨ ᠭᠤᠤ ᠠᠴᠠ ᠬᠤᠯᠠᠭᠠᠶᠢᠴᠢ ᠬᠢᠭᠡᠳ ᠮᠣᠷᠢᠳ ᠢ | ᠣᠯᠵᠤ ᠦᠵᠡᠭᠡᠳ ᠪᠢᠳᠡᠨ ᠳᠤ ᠳᠣᠬᠢᠶᠠ ᠥᠭᠴᠦ ᠪᠢᠳᠡ ᠪᠦᠭᠦᠳᠡᠭᠡᠷ ᠨᠢᠭᠡᠯᠡ ᠳᠡᠭᠡᠷᠡ ᠡᠷᠬᠡᠰᠢᠶᠡᠵᠦ ᠠᠪᠤᠭᠰᠠᠨ | ᠶᠤᠮ᠃ ᠬᠤᠶᠠᠷ ᠬᠤᠯᠠᠭᠠᠶᠢᠴᠢ ᠪᠠᠶᠢᠳᠠᠯ ᠨᠢᠭᠡᠨᠲᠡ ᠯᠡᠪᠡᠷᠡᠭᠰᠡᠨ ᠪᠣᠯᠬᠤᠷ ᠲᠡᠷᠡ ᠳᠠᠷᠤᠢ ᠬᠤᠯᠠᠭᠠᠶᠢᠯᠠᠭᠰᠠᠨ | ᠬᠡᠷᠡᠭ ᠢᠶᠠᠨ ᠲᠤᠰᠢᠶᠠᠭᠰᠠᠨ ᠪᠢᠯᠡ᠃ ᠪᠢᠳᠡ ᠴᠤ ᠪᠦᠭᠦᠳᠡᠭᠡᠷ ᠶᠣᠰᠤᠲᠠᠢ ᠲᠣᠮᠤ ᠬᠡᠷᠡᠭ ᠢᠯᠡᠷᠡᠭᠦᠯᠦᠭᠰᠡᠨ ᠳᠡᠭᠡᠨ | ᠪᠠᠶᠠᠷᠯᠠᠵᠤ᠂ ᠬᠤᠶᠠᠷ ᠰᠥᠨᠢ ᠭᠤᠷᠪᠠᠨ ᠡᠳᠦᠷ ᠤᠨ ᠶᠠᠳᠠᠷᠠᠯ ᠵᠦᠳᠡᠷᠡᠯ ᠤᠨ ᠳ᠋ᠦᠩ ᠳᠤ ᠠᠯᠳᠠᠭᠰᠠᠨ ᠮᠣᠷᠢᠳ ᠢᠶᠠᠨ | ᠣᠯᠵᠤ ᠬᠠᠮᠲᠤ ᠨᠢᠭᠡᠴᠡ ᠶᠢᠨ ᠢᠶᠠᠨ ᠮᠠᠯ ᠬᠥᠷᠦᠩᠭᠡ ᠶᠢᠨ ᠬᠤᠬᠢᠷᠠᠯ ᠢ ᠬᠠᠮᠠᠭᠠᠯᠠᠵᠤ ᠴᠢᠳᠠᠭᠰᠠᠨ ᠳᠠᠭᠠᠨ ᠲᠤᠶᠢᠯ ᠢᠶᠠᠷ | ᠣᠮᠤᠭᠰᠢᠵᠤ ᠪᠠᠶᠢᠭᠰᠠᠨ ᠮᠠᠨᠢ ᠶᠠᠭ ᠯᠠ ᠪᠠᠶᠢᠯᠳᠤᠭᠠᠨ ᠳᠤ ᠭᠠᠪᠢᠶᠠ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠳᠣᠣᠷᠠ ᠦᠭᠡᠢ | ᠬᠦᠭᠰᠡᠵᠦ ᠪᠠᠶᠢᠭᠰᠠᠨ ᠨᠢ ᠵᠠᠯᠠᠭᠤ ᠬᠦᠮᠦᠨ ᠤ ᠲᠡᠷᠡ ᠴᠠᠭ ᠤᠨ ᠵᠢᠷᠭᠠᠯ ᠪᠠᠶᠢᠯᠠ᠃ ᠲᠡᠭᠡᠭᠡᠳ ᠮᠠᠨ ᠤ ᠮᠣᠷᠢᠨ ᠤ | ᠡᠵᠡᠨ ᠮᠣᠷᠢᠳ ᠢᠶᠠᠨ ᠤᠨᠤᠬᠤ ᠶᠢ ᠨᠢ ᠤᠨᠤᠭᠠᠳ ᠬᠥᠲᠦᠯᠬᠦ ᠶᠢ ᠨᠢ ᠬᠥᠲᠦᠯᠵᠦ ᠨᠤᠲᠤᠭ ᠤᠷᠤᠭᠤ ᠪᠠᠨ ᠪᠤᠴᠠᠨ | ᠪᠢᠳᠡ ᠬᠡᠳᠦ ᠬᠤᠶᠠᠷ ᠬᠤᠯᠠᠭᠠᠶᠢᠴᠢ ᠶᠢ ᠲᠷᠠᠺᠲ᠋ᠤᠷ ᠤᠨ ᠫᠧᠩ ᠳᠤ ᠰᠠᠭᠤᠯᠭᠠᠵᠤ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠣᠷᠤᠭᠰᠠᠨ | ᠪᠢᠯᠡ᠃ ᠢᠩᠬᠢᠭᠡᠳ ᠯᠠ ᠰᠠᠶ᠋ᠢ ᠪᠦᠭᠦᠳᠡᠭᠡᠷ ᠭᠡᠨᠡᠳᠲᠡ ᠭᠡᠳᠡᠰᠦ ᠥᠯᠦᠰᠴᠦ ᠪᠠᠶᠢᠭᠠ ᠪᠠᠨ ᠮᠡᠳᠡᠯᠡ᠃ ᠪᠢᠳᠡ | ᠬᠤᠶᠠᠷ ᠬᠤᠨᠤᠭ ᠭᠤᠷᠪᠠᠨ ᠡᠳᠦᠷ ᠲᠤ ᠡᠬᠢᠨ ᠤ ᠡᠳᠦᠷ ᠨᠢᠭᠡᠯᠡ ᠤᠳᠠᠭᠠ ᠬᠤᠰᠢᠭᠤᠨ ᠳᠡᠭᠡᠷᠡ ᠬᠤᠭᠤᠯᠠᠨ ᠳᠤ | ᠪᠠᠭᠤᠵᠤ ᠭᠡᠳᠡᠰᠦ ᠭᠠᠷᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠰᠤᠷᠠᠭ ᠲᠠᠯᠪᠢᠬᠤ ᠪᠠᠷ ᠠᠶᠢᠯ ᠢᠶᠠᠷ ᠣᠷᠤᠨ ᠪᠠᠭᠠ ᠰᠠᠭᠠ ᠴᠠᠢ | ᠤᠤᠭᠤᠵᠤ ᠥᠯ ᠳᠠᠷᠤᠭᠰᠠᠨ ᠠᠴᠠ ᠥᠭᠡᠷᠡ ᠣᠯᠢᠭᠲᠠᠢ ᠶᠠᠭᠤᠮᠠ ᠣᠯᠵᠤ ᠢᠳᠡᠭᠡᠳᠦᠢ ᠪᠦᠭᠡᠳ ᠲᠡᠶᠢᠮᠦ ᠴᠤ ᠴᠠᠭ | ᠪᠠᠶᠢᠭᠰᠠᠨ ᠦᠭᠡᠢ ᠶᠣᠰᠤᠲᠠᠢ ᠭᠤᠤᠯ ᠬᠠᠷᠠᠯᠠᠮᠠᠷ ᠥᠯᠦᠰᠴᠦ ᠪᠠᠶᠢᠯᠠ᠃ ᠭᠡᠪᠡᠴᠦ ᠢᠯᠠᠯᠲᠠ ᠪᠠᠨ ᠪᠣᠳᠤᠪᠠᠯ ᠠᠷᠠᠢ | ᠵᠢᠭᠠᠬᠠᠨ ᠳᠡᠰᠪᠦᠷᠢᠯᠡᠬᠦ ᠴᠢᠳᠠᠯ ᠣᠷᠤᠬᠤ ᠰᠢᠭ᠋ ᠪᠤᠯᠵᠤ ᠪᠠᠷᠤᠭ ᠶᠠᠪᠠᠭᠠᠨ ᠢᠶᠠᠷ ᠰᠢᠬᠠᠭᠤ ᠲᠡᠶᠢᠮᠦ ᠬᠤᠯᠠ ᠶᠠᠪᠤᠬᠤ ᠳᠤ | ᠴᠦ ᠳᠡᠮᠡᠢ ᠮᠡᠳᠡᠭᠳᠡᠭᠰᠡᠨ ᠦᠭᠡᠢ ᠬᠢᠷᠢ ᠨᠢ ᠪᠤᠴᠠᠭᠠᠳ ᠲᠷᠠᠺᠲ᠋ᠤᠷ ᠢᠶᠠᠷ ᠬᠤᠰᠢᠭᠤ ᠤᠷᠤᠬᠤ ᠳᠤ ᠶᠡᠬᠡᠯᠡ ᠬᠤᠯᠠ | ᠰᠢᠭ᠋ ᠰᠠᠨᠠᠭᠳᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠪᠢᠳᠡ ᠬᠤᠯᠠᠭᠠᠶᠢᠴᠢ ᠶᠢ ᠰᠢᠭᠤᠳ ᠬᠤᠰᠢᠭᠤᠨ ᠤ ᠳᠣᠲᠤᠭᠠᠳᠤ ᠶᠢ | ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠳᠤ ᠬᠦᠷᠭᠡᠭᠡᠳ ᠬᠤᠰᠢᠭᠤᠨ ᠳᠡᠭᠡᠷᠡ ᠰᠠᠶᠢᠨ ᠨᠢᠭᠡ ᠭᠡᠳᠡᠰᠦ ᠭᠠᠷᠤᠭᠠᠳ ᠬᠠᠷᠢᠵᠤ ᠢᠷᠡᠪᠡ | ᠃ ᠰᠡᠭᠦᠯᠡᠷ ᠨᠢ ᠬᠤᠰᠢᠭᠤᠨ ᠤ ᠳᠣᠲᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠠᠴᠠ ᠮᠠᠨ ᠤ ᠪᠠᠷᠢᠭᠠᠳᠠ ᠳᠤ ᠣᠴᠢᠭᠠᠳ | ᠪᠢᠳᠡᠨ ᠠᠴᠠ ᠡᠨᠡ ᠲᠡᠷᠡ ᠪᠠᠶᠢᠳᠠᠯ ᠢ ᠠᠰᠠᠭᠤᠵᠤ ᠪᠠᠶᠢᠯᠠ᠃ ᠵᠠ ᠵᠠ᠂ ᠮᠢᠨᠦ ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ ᠦᠶᠡ ᠳᠤ | ᠡᠶᠢᠮᠦ ᠯᠠ ᠭᠠᠭᠴᠠᠬᠠᠨ ᠮᠠᠷᠳᠠᠭᠳᠠᠰᠢ ᠦᠭᠡᠢ ᠦᠯᠢᠭᠡᠷ ᠲᠠᠢ ᠳ᠋ᠠ︕ ᠭᠡᠳ ᠶᠠᠷᠢᠶᠠ ᠪᠠᠨ ᠳᠠᠭᠤᠰᠬᠠᠯᠠ᠃ | | | |