| ᠬᠠᠷᠠᠭᠠ ᠶᠢ ᠲᠡᠯᠡᠨ ᠵᠢᠷᠦᠬᠡ ᠶᠢ ᠤᠮᠳᠠᠯᠠᠵᠤ᠂ ᠦᠭᠡ ᠶᠢᠨ ᠠᠯᠳᠠᠨ ᠮᠦᠷ ᠢᠶᠠᠷ ᠲᠤᠷᠭᠠᠨ ᠮᠡᠳᠡᠷᠡᠮᠵᠢ ᠶᠢ | ᠬᠡᠯᠬᠢᠬᠦ ᠨᠤᠮ ᠤᠨ ᠬᠦᠴᠦᠨ ᠳᠤᠷ ᠪᠢᠰᠢᠷᠡᠮᠦ︕ | ᠲᠡᠯᠡᠬᠡᠢ ᠶᠢᠨ 28 ᠳᠠᠬᠢ ᠨᠤᠮ ᠤᠩᠰᠢᠬᠤ ᠡᠳᠦᠷ ᠢ ᠲᠤᠬᠢᠶᠠᠯᠳᠤᠭᠤᠯᠤᠨ ᠬᠤᠰᠢᠭᠤ ᠤᠬᠠᠭᠤᠯᠬᠤ ᠬᠡᠯᠳᠡᠰ᠂ | ᠬᠤᠰᠢᠭᠤ ᠰᠤᠶᠤᠯ ᠲᠠᠮᠢᠷ ᠷᠠᠳᠢᠤ᠋ ᠵᠢᠭᠤᠯᠴᠢᠯᠠᠯ ᠷᠠᠳᠢᠤ᠋ ᠲᠧᠯᠸᠢᠰ ᠲᠤᠪᠴᠢᠶᠠᠨ ᠠᠴᠠ ᠭᠤᠤᠯᠯᠠᠨ ᠡᠷᠬᠢᠯᠡᠵᠦ᠂ ᠨᠤᠮ | ᠤᠨ ᠰᠠᠩ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠭᠰᠡᠨ ︽ᠤᠷᠠᠨ ᠤᠩᠰᠢᠯᠭᠠᠲᠤ ᠬᠢᠯᠢ ᠨᠤᠲᠤᠭ︾ ᠪᠦᠬᠦ ᠠᠷᠠᠳ ᠤᠨ ᠨᠤᠮ | ᠤᠩᠰᠢᠯᠭᠠ ᠶᠢᠨ ᠠᠵᠢᠯᠯᠠᠭᠠᠨ ᠤ ᠨᠡᠭᠡᠭᠡᠯᠲᠡ ᠵᠢᠴᠢ ︽ᠰᠢᠨᠡ ᠡᠷᠡᠨ ᠤ ᠤᠷᠮᠠ ᠲᠠᠢ ᠤᠩᠰᠢᠯᠭᠠ︾ ᠲᠡᠯᠡᠬᠡᠢ ᠶᠢᠨ | ᠨᠤᠮ ᠤᠩᠰᠢᠬᠤ ᠡᠳᠦᠷᠯᠢᠭ ᠤᠨ ᠰᠢᠷᠢᠰ ᠬᠦᠳᠡᠯᠭᠡᠭᠡᠨ ᠤᠩᠰᠢᠭᠴᠢ ᠲᠦᠮᠡᠨ ᠤ ᠤᠷᠤᠯᠴᠠᠯᠭᠠ ᠲᠠᠢ ᠬᠦᠭᠵᠢᠶᠡᠨᠲᠡᠢ | ᠶᠠᠪᠤᠭᠳᠠᠯᠠ᠃ | ︽ᠬᠡᠷᠪᠡ ᠮᠢᠨᠦ ᠠᠮᠢᠳᠤᠷᠠᠯ ᠨᠤᠮ ᠪᠠᠶᠢᠭᠰᠠᠨ ᠪᠤᠯ…︾ ᠭᠠᠷᠴᠠᠭᠲᠤ ᠡᠬᠡ ᠪᠢᠴᠢᠭ ᠤᠨ ᠰᠢᠯᠭᠠᠷᠠᠭᠤᠯᠤᠯᠲᠠ᠂ | ︽ᠨᠢᠭᠡ ᠨᠤᠮ ᠢ ᠬᠠᠮᠲᠤᠪᠡᠷ ᠤᠩᠰᠢᠬᠤ︾ ᠠᠵᠢᠯᠯᠠᠭᠠᠨ ᠤ ︽ᠪᠢ ᠮᠡᠳᠡᠨᠡ︾ ᠨᠤᠮ ᠪᠠ ︽ᠠᠨᠳᠧᠷᠰᠧᠨ ᠤ | ᠬᠡᠤᠬᠡᠳ ᠤᠨ ᠦᠯᠢᠭᠡᠷ︾ ᠤᠨ ᠮᠡᠳᠡᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ᠂ ᠪᠠᠭᠠᠴᠤᠳ ᠬᠡᠤᠬᠡᠳ ᠤᠨ ᠵᠦᠢᠷ ᠰᠡᠴᠡᠨ ᠦᠭᠡ ᠪᠠ | ᠰᠤᠩᠭᠤᠳᠠᠭ ᠰᠢᠯᠦᠭ ᠵᠤᠬᠢᠶᠠᠯ ᠤᠨ ᠤᠷᠠᠨ ᠤᠩᠰᠢᠯᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠤᠯᠠᠨ ᠠᠭᠤᠯᠭᠠ ᠬᠡᠯᠪᠡᠷᠢ ᠶᠢᠨ | ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠲᠤᠰ ᠤᠳᠠᠭᠠᠨ ᠤ ᠬᠦᠳᠡᠯᠭᠡᠭᠡᠨ ᠨᠢ ᠪᠦᠬᠦ | ᠠᠷᠠᠳ ᠤᠨ ᠨᠤᠮ ᠤᠩᠰᠢᠬᠤ ᠤᠷᠮᠠ ᠪᠠᠬᠠ ᠶᠢ ᠲᠠᠶᠢᠴᠢᠯᠠᠨ ᠬᠦᠭᠵᠢᠭᠡᠵᠦ᠂ ᠨᠤᠮ ᠰᠤᠶᠤᠯ ᠤᠨ ᠠᠭᠤᠷ ᠠᠮᠢᠰᠬᠤᠯ | ᠢ ᠤᠯᠠᠨᠠ ᠬᠦᠷᠭᠡᠵᠦ ᠴᠢᠳᠠᠭᠰᠠᠨ ᠠᠵᠢᠯᠯᠠᠭᠠ ᠪᠤᠯᠤᠯᠠ᠃ | ᠬᠤᠨ ᠤ ᠲᠠᠯᠠᠪᠴᠢ ᠨᠢᠰᠦᠭᠡᠳ ᠬᠦᠷᠬᠦ ᠦᠭᠡᠢ ᠭᠠᠵᠠᠷ ᠠᠴᠠ ᠬᠦᠮᠦᠨ ᠤ ᠬᠦᠤ ᠡᠷᠳᠡᠮ ᠡᠪᠦᠷᠳᠦᠯᠡᠭᠡᠳ | ᠪᠤᠴᠠᠨᠠ ᠭᠡᠳᠡᠭᠴᠢᠯᠡᠨ ᠨᠤᠮ ᠰᠤᠶᠤᠯ ᠤᠨ ᠦᠨᠢᠷ ᠪᠠᠶᠠᠨ ᠢᠶᠠᠷ ᠭᠠᠩᠭᠠᠷᠠᠭᠰᠠᠨ ᠤᠯᠠᠨ ᠰᠠᠶᠢᠬᠠᠨ ᠤᠷᠤᠯᠳᠤᠭᠠᠨ ᠤ | ᠳ᠋ᠦᠩ ᠳᠤ ᠮᠡᠳᠡᠯᠭᠡ ᠮᠡᠳᠡᠴᠡ᠂ ᠰᠤᠳᠤᠨ ᠵᠤᠬᠢᠶᠠᠯ᠂ ᠤᠷᠠᠨ ᠤᠩᠰᠢᠯᠭᠠ ᠪᠠᠷ ᠢᠶᠠᠨ ᠡᠩᠭᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠨ᠂ | ᠬᠦᠬᠢᠭᠦᠯᠦᠭᠳᠡᠨ ᠱᠠᠩᠨᠠᠭᠳᠠᠭᠰᠠᠨ ᠤᠷᠤᠯᠴᠠᠭᠴᠢᠳ ᠲᠠᠭᠠᠨ ᠬᠠᠯᠠᠭᠤᠨ ᠪᠠᠶᠠᠷ ᠬᠦᠷᠭᠡᠶᠡ᠃ | ᠨᠤᠮ ᠤᠨ ᠴᠠᠭᠠᠨ ᠪᠤᠶᠠᠨ ᠲᠡᠯᠭᠡᠷᠡᠬᠦ ᠪᠤᠯᠳᠤᠭᠠᠢ᠂ ᠨᠤᠮ ᠲᠠᠢ ᠠᠶᠠᠯᠠᠬᠤ ᠲᠠᠨ ᠤ ᠠᠮᠢᠳᠤᠷᠠᠯ ᠤᠯᠠᠮ ᠰᠠᠶᠢᠬᠠᠨ | ᠪᠤᠯᠤᠨᠠ ᠭᠡᠳᠡᠭ ᠲᠤ ᠢᠳᠡᠭᠡᠭᠡᠷᠡᠢ︕ |