| ᠬᠠᠶᠢᠷᠠ ᠪᠠᠷ ᠤᠯᠠᠮᠵᠢᠯᠠᠬᠰᠠᠨ ᠭᠤᠷᠪᠠᠨ ᠦᠶᠡ ᠶᠢᠨ ᠡᠷᠬᠦᠮᠡᠯ | ᠴᠢᠮᠡᠭᠡᠯᠡᠭᠴᠢ᠄ ᠨᠠ᠊᠂ ᠪᠠᠶᠠᠨᠵᠢᠷᠭᠠᠯ | | ᠤᠯᠤᠰ ᠤᠨ ᠬᠡᠤᠬᠡᠳ ᠤᠨ ᠰᠤᠷᠪᠤᠯᠵᠢᠯᠠᠭᠠ ᠪᠠᠷ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠠᠶᠢᠬᠠᠨᠲᠠᠯᠠ | ᠪᠠᠯᠭᠠᠰᠣᠨ ᠤ ᠪᠠᠷᠠᠭᠤᠨᠪᠣᠯᠠᠭ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠨᠤᠳᠤᠭ ᠤᠨ ᠪᠤᠭᠤᠷᠤᠯ ᠨᠠᠷᠠᠨᠳᠤᠶᠠᠭᠠ ᠭᠤᠸᠠᠢ ᠶᠢ | ᠰᠤᠷᠪᠤᠯᠵᠢᠯᠠᠯᠠ᠃ ᠲᠡᠷᠡ 1958 ᠣᠨ ᠳᠤ ᠠᠩᠬᠠᠨ ᠤ ᠪᠥᠯᠦᠭ ︽ᠣᠯᠣᠰ ᠤᠨ ᠬᠡᠦᠬᠡᠳ︾ ᠤᠳ ᠲᠠᠢ ᠬᠠᠮᠲᠣ | ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ ᠢᠷᠡᠵᠡᠢ᠂ ᠣᠣᠯ ᠤᠨ ᠳᠦᠭᠦᠷᠡᠩᠡᠦ᠋ᠯᠵᠡᠢ ᠨᠢᠭᠡᠳᠦᠯ ᠤᠨ ᠪᠠᠶᠠᠨᠬᠤᠩᠭᠤᠷ | ᠪᠠᠷᠢᠭᠠᠳᠠ ᠶᠢᠨ ᠮᠠᠯᠴᠢᠨ ᠠᠪᠤ ᠴᠣᠶᠢᠵᠠᠮᠰᠣ᠂ ᠡᠵᠢ ᠨᠠᠮᠵᠢᠯ ᠬᠤᠶᠠᠷ ᠤᠯᠠᠭᠠᠨ ᠨᠢᠯᠬᠠ ᠪᠠᠶᠢᠬᠰᠠᠨ ᠬᠡᠤᠬᠡᠳ ᠢ | ᠦᠷᠡᠴᠢᠯᠡᠨ ᠲᠡᠵᠢᠬᠡᠵᠤ᠂ ᠨᠠᠮ ᠵᠠᠰᠠᠭ ᠤᠨ ᠬᠠᠯᠠᠮᠵᠢ᠂ ᠮᠣᠩᠭᠤᠯ ᠠᠪᠤ ᠡᠵᠢ ᠶᠢᠨ ᠡᠨᠡᠷᠢᠯ ᠬᠠᠶᠢᠷᠠ ᠳᠤ | ᠪᠦᠦᠪᠡᠶᠢᠯᠡᠭᠳᠡᠨ᠂ ᠠᠵᠢᠯᠴᠢ ᠬᠥᠳᠡᠯᠮᠦᠷᠢᠴᠢ ᠠᠭᠤᠳᠠᠮᠴᠢ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠲᠠᠢ ᠮᠠᠯᠴᠢᠨ ᠪᠥᠰᠡᠭᠦᠢ ᠪᠣᠯᠵᠡᠢ᠃ | | | | ᠦᠳᠡᠯᠤᠬᠡ ᠨᠠᠰᠤᠨ ᠤ ᠨᠠᠷᠠᠨᠳᠤᠶᠠᠭᠠ | | | | ᠨᠠᠷᠠᠨᠳᠤᠶᠠᠭᠠ᠄ ︽ᠮᠢᠨᠦ ᠨᠠᠭᠠᠴᠣ ᠡᠮᠡᠭᠡ ᠪᠣᠯᠣᠨ ᠡᠵᠢ ᠮᠢᠨᠢ ᠪᠦᠷ ᠠᠶᠢᠯ ᠤᠨ ᠡᠷᠭᠦᠮᠡᠯ ᠲᠤᠯᠠ ᠮᠠᠨ ᠤ ᠬᠢᠨ | ᠪᠤᠯ ᠭᠤᠷᠪᠠᠨ ᠦᠶᠡ ᠪᠠᠷ ᠢᠶᠠᠨ ᠡᠷᠭᠦᠮᠡᠯ ᠪᠣᠯᠣᠨᠠ᠃ ᠠᠩᠬᠠ ᠢᠷᠡᠬᠦ ᠳᠡᠭᠡᠨ ᠪᠢ ᠥᠯᠦᠭᠡᠢ ᠳᠤ ᠪᠤᠭᠤᠯᠲᠠ ᠲᠠᠢ | ᠡᠴᠡᠵᠤ ᠬᠠᠲᠠᠭᠰᠠᠨ ᠤᠯᠠᠭᠠᠨ ᠨᠢᠯᠬᠠ ᠬᠡᠤᠬᠡᠳ ᠪᠠᠶᠢᠭᠰᠠᠨ ᠭᠡᠵᠦ ᠠᠪᠤ ᠡᠵᠢ ᠮᠢᠨᠢ ᠶᠠᠷᠢᠳᠠᠭ ᠶᠤᠮ᠃ ᠶᠢᠰᠤᠨ | ᠨᠠᠰᠤᠨ ᠠᠴᠠ ᠪᠠᠨ ᠳᠦᠭᠦᠷᠡᠩᠠᠦ᠋ᠯᠵᠡᠢ ᠨᠢᠭᠡᠳᠦᠯ ᠤᠨ ᠬᠤᠷᠭᠤ ᠰᠥᠮᠡ ᠶᠢᠨ ᠰᠣᠷᠭᠠᠭᠤᠯᠢ ᠳᠤ ᠳᠥᠷᠪᠡᠳᠦᠭᠡᠷ ᠣᠨ | ᠬᠦᠷᠳᠡᠯᠡ ᠰᠠᠭᠤᠭᠠᠳ ᠭᠠᠩ ᠭᠠᠴᠢᠭ ᠠᠴᠠ ᠪᠣᠯᠵᠤ ᠦᠵᠦᠮᠦᠴᠢᠨ ᠳᠤ ᠣᠲᠣᠷ ᠶᠠᠪᠣᠭᠰᠠᠨ ᠪᠣᠯᠬᠤᠷ ᠰᠣᠷᠣᠯᠭᠠ | ᠲᠣᠷᠭᠤᠨ ᠵᠣᠭᠰᠣᠵᠣ ᠭᠡᠷ ᠲᠡᠭᠡᠨ ᠬᠠᠷᠢᠭᠰᠠᠨ ᠪᠢᠯᠡ᠃ ᠮᠢᠨᠦ ᠠᠪᠤ ᠡᠵᠢ ᠪᠣᠯ ᠦᠷᠡ ᠶᠢᠨ ᠢᠶᠠᠨ ᠲᠥᠯᠦᠭᠡ ᠠᠯᠢᠪᠠ | ᠬᠠᠶᠢᠷᠠ ᠪᠠᠨ ᠶᠡᠭᠦᠯᠡᠳᠡᠭ ᠠᠵᠢᠯᠴᠢ ᠬᠥᠳᠡᠯᠮᠦᠷᠢᠴᠢ᠂ ᠠᠰᠪᠤᠷᠢ ᠴᠠᠭᠠᠪᠣᠷᠢ ᠰᠡᠳᠬᠢᠯ ᠲᠠᠢ ᠵᠢᠩᠬᠢᠨᠢ ᠮᠠᠯᠴᠢᠨ | ᠬᠥᠮᠦᠨ ᠶᠤᠮ᠃ ᠮᠠᠨ ᠤ ᠭᠡᠷ ᠤᠨ ᠰᠣᠷᠭᠠᠯ ᠲᠤᠶᠢᠯ ᠤᠨ ᠴᠢᠩᠭᠠ ᠪᠠᠶᠢᠳᠠᠭ ᠪᠣᠯᠬᠤᠷ ᠪᠢ ᠪᠠᠭᠠ ᠨᠠᠰᠣᠨ ᠠᠴᠠ ᠪᠠᠨ | ᠠᠳᠠᠯ ᠬᠥᠳᠡᠯᠮᠦᠷᠢ ᠬᠢᠵᠦ ᠰᠣᠷᠣᠭᠰᠠᠨ᠂ ᠠᠷᠭᠠᠯ ᠣᠷᠣᠭᠤᠯᠵᠣ᠂ ᠦᠨᠡᠰᠦ ᠭᠠᠷᠭᠠᠬᠤ᠂ ᠠᠶᠠᠭᠠ ᠣᠭᠢᠶᠠᠬᠤ᠂ ᠭᠡᠷ | ᠴᠡᠪᠡᠷᠯᠡᠬᠦ ᠵᠡᠷᠭᠡ ᠠᠷᠰᠠᠷ ᠠᠵᠢᠯ ᠠᠴᠠ ᠡᠬᠢᠯᠡᠨ ᠭᠡᠷ ᠡᠷᠦᠬᠡ ᠪᠠᠨ ᠬᠡᠷᠬᠢᠨ ᠳᠣᠳᠤᠮᠳᠠᠨ ᠠᠪᠴᠣ ᠶᠠᠪᠣᠬᠤ ᠬᠦᠷᠲᠡᠯᠡ | ᠬᠤᠷᠠᠭᠠ ᠲᠣᠭᠤᠯ ᠬᠠᠷᠢᠭᠤᠯᠬᠤ᠂ ᠣᠩᠭᠠᠰᠣ ᠨᠣᠣᠰᠣ ᠬᠠᠶᠢᠴᠢᠯᠠᠬᠤ ᠵᠡᠷᠭᠡ ᠪᠠᠭᠠ ᠰᠠᠭᠠ ᠠᠵᠢᠯ ᠠᠴᠠ ᠠᠪᠣᠭᠠᠳ | ᠮᠠᠯ ᠰᠦᠷᠦᠭ ᠤᠨ ᠠᠷᠠᠴᠢᠯᠠᠭᠠ ᠳᠣᠳᠣᠮᠳᠠᠯᠭᠠ ᠵᠡᠷᠭᠡ ᠪᠥᠬᠦᠶᠢᠯᠡ ᠭᠡᠷ ᠤᠨ ᠭᠠᠳᠠᠨᠠ ᠳᠣᠲᠣᠨᠠ ᠠᠵᠢᠯ ᠢ ᠨᠢᠭᠡᠳ | ᠨᠢᠭᠡ ᠪᠠᠷ ᠬᠡᠯᠡᠵᠦ ᠳᠠᠭᠠᠭᠤᠯᠣᠨ ᠬᠢᠵᠦ᠂ ᠵᠢᠭᠠᠨ ᠰᠤᠷᠭᠠᠵᠤ᠂ ᠬᠥᠮᠦᠨ ᠤ ᠵᠡᠷᠭᠡ ᠳᠤ ᠬᠦᠷᠭᠡᠨ ᠬᠠᠷᠢ ᠳᠤ | ᠮᠣᠷᠳᠠᠭᠤᠯᠣᠭᠰᠠᠨ ᠶᠤᠮ᠃ ᠮᠢᠨᠦ ᠡᠵᠢ ᠨᠠᠳᠠᠳᠤ ᠲᠦᠢᠯ ᠤᠨ ᠬᠠᠶᠢᠷᠠ ᠲᠠᠢ᠃ ᠳᠠᠯᠠᠭᠠᠳ ᠣᠨ ᠳᠤ ᠡᠷᠦᠬᠡ ᠶᠢᠨ | ᠴᠡᠷᠢᠭ ᠲᠤ ᠤᠷᠤᠯᠴᠠᠨ᠂ ᠦᠷᠭᠦᠯᠵᠢ ᠴᠡᠷᠢᠭ ᠤᠨ ᠪᠣᠯᠪᠠᠰᠣᠷᠠᠯ ᠬᠢᠵᠦ᠂ ᠨᠢᠭᠡᠲᠦᠯ ᠤᠨ ᠠᠵᠢᠯ ᠳᠤ ᠣᠷᠣᠯᠴᠠᠵᠣ | ᠪᠠᠶᠢᠬᠤ ᠳᠤ ᠪᠠᠨ ᠣᠷᠦᠢ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠬᠤᠨᠣᠭᠠᠳ ᠥᠷᠯᠦᠭᠡ ᠡᠷᠲᠡ ᠶᠠᠪᠣᠳᠠᠭ ᠪᠠᠶᠢᠯᠠ᠃ ᠬᠡᠳᠦ | ᠬᠤᠨᠤᠭ ᠢᠶᠠᠷ ᠭᠦᠩᠱᠧ ᠳᠤ ᠬᠤᠷᠠᠯ ᠳᠤ ᠶᠠᠪᠣᠪᠠᠯ᠂ ᠡᠵᠢ ᠮᠢᠨᠢ ᠨᠠᠮᠠᠶᠢ ᠳᠠᠭᠠᠭᠠᠳ ᠭᠦᠩᠱᠧ ᠳᠤ ᠶᠠᠪᠣᠳᠠᠭ | ᠪᠠᠶᠢᠯᠠ ﹀﹀ ᠬᠡᠵᠤ ᠶᠠᠷᠢᠯᠠ᠃ | | | | ᠨᠠᠷᠠᠨᠳᠤᠶᠠᠭᠠ ᠶᠢᠨ ᠠᠪᠤ ᠡᠵᠢ ᠬᠤᠶᠠᠷ | | | | ᠬᠠᠨᠢ ᠨᠦᠬᠦᠷ ᠲᠠᠢ ᠪᠠᠨ | | | | | ᠲᠡᠷᠡ 1977 ᠣᠨ ᠳᠤ᠂ ᠣᠣᠯ ᠤᠨ ᠪᠥᠳᠦᠮᠵᠢ ᠭᠦᠩᠱᠧ ᠶᠢᠨ ᠪᠠᠷᠠᠭᠤᠨᠪᠣᠯᠠᠭ ᠪᠠᠷᠢᠭᠠᠳᠠ ᠶᠢᠨ | ᠴᠠᠭᠠᠨᠴᠢᠯᠠᠭᠤ ᠬᠡᠳᠡᠭ ᠵᠠᠯᠠᠭᠤ ᠲᠠᠢ ᠬᠤᠷᠢᠮᠯᠠᠵᠣ᠂ ᠠᠪᠤ ᠡᠵᠢ ᠨᠢ ᠴᠤ ᠲᠡᠬᠦᠨ ᠢ ᠳᠠᠭᠠᠭᠠᠵᠤ ᠪᠠᠷᠠᠭᠤᠨᠪᠣᠯᠠᠭ | ᠪᠠᠷᠢᠭᠠᠳᠠ ᠳᠤ ᠨᠣᠲᠣᠭᠰᠢᠨ ᠰᠠᠭᠤᠵᠠᠢ᠃ ᠢᠩᠭᠢᠭᠡᠳ ᠬᠤᠶᠠᠷ ᠭᠡᠷ ᠤᠨ ᠨᠠᠰᠣᠲᠠᠨ᠂ ᠨᠢᠯᠬᠠᠰ ᠬᠠᠮᠲᠣ ᠪᠠᠷ ᠵᠣᠯ | ᠵᠢᠷᠭᠠᠯᠲᠠᠢ ᠠᠵᠤ ᠲᠥᠷᠦᠨ ᠠᠮᠢᠳᠣᠷᠠᠭᠰᠠᠭᠠᠷ ᠪᠠᠶᠢᠵᠣ᠂ ᠠᠪᠤ ᠡᠵᠢ ᠬᠤᠶᠠᠷ ᠨᠢ ᠠᠴᠢ ᠵᠢᠭᠡ ᠨᠠᠷ ᠢᠶᠠᠨ ᠦᠵᠡᠨ | ᠪᠠᠶᠠᠰᠴᠣ᠂ ᠰᠡᠳᠬᠢᠯ ᠲᠦᠭᠦᠷᠡᠩ ᠰᠠᠨᠠᠭᠠ ᠲᠠᠶᠢᠪᠣᠩ ᠦᠳᠡᠯᠦᠬᠡ ᠨᠠᠰᠤᠨ ᠤ ᠠᠮᠢᠳᠤᠷᠠᠯ ᠢᠶᠠᠨ ᠪᠠᠶᠠᠷ ᠴᠡᠩᠭᠡᠯ | ᠲᠠᠢ ᠦᠩᠭᠡᠷᠡᠭᠦᠯᠵᠦ᠂ ᠨᠠᠶᠠᠨ ᠲᠠᠪᠤ᠂ ᠵᠢᠷᠭᠤᠭᠠᠳᠠᠢ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠪᠤᠷᠬᠠᠨ ᠪᠤᠯᠵᠡᠢ᠃ | ᠨᠠᠷᠠᠨᠳᠤᠶᠠᠭᠠ ᠬᠤᠶᠠᠷ ᠪᠣᠭᠤᠷᠣᠯ ᠤᠨ ᠢᠶᠠᠨ ᠭᠠᠯ ᠭᠤᠯᠤᠮᠲᠠ ᠶᠢ ᠵᠠᠯᠭᠠᠮᠵᠢᠯᠠᠵᠤ᠂ ᠭᠤᠷᠪᠠᠨ ᠬᠡᠦᠬᠡᠨ ᠬᠤᠶᠠᠷ | ᠬᠦᠦ ᠵᠠᠶᠠᠭᠠᠵᠤ᠂ ᠣᠳᠣ ᠶᠡᠭᠡ ᠬᠡᠤᠬᠡᠨ ᠨᠢ ᠪᠠᠭᠰᠢ ᠶᠢᠨ ᠠᠵᠢᠯ ᠠᠯᠪᠠ ᠲᠠᠢ᠂ ᠪᠤᠰᠤᠳ ᠲᠦᠷᠪᠡ ᠨᠢ ᠮᠠᠯᠴᠢᠨ᠂ | ᠪᠦᠬᠦᠳᠡᠬᠡᠷ ᠠᠶᠢᠯ ᠬᠡᠷ ᠪᠤᠯᠵᠤ ᠵᠣᠯ ᠵᠢᠷᠭᠠᠯᠲᠠᠢ ᠠᠮᠢᠳᠤᠷᠠᠵᠤ ᠪᠠᠶᠢᠨᠠ᠃ | | | | ᠳᠠᠪᠤᠨ ᠬᠡᠤᠬᠡᠳ ᠨᠢ | | | | ᠲᠡᠮᠤᠷ ᠬᠡᠤᠬᠡᠨ᠂ ᠡᠷᠤᠬᠡ ᠶᠢᠨ ᠴᠡᠷᠢᠭ ᠲᠤ ᠪᠠᠶᠢᠬᠤ ᠶᠢᠨ ᠲᠤᠷᠠᠰᠬᠠᠯ | | | | | ᠡᠮᠦᠨᠡᠲᠦ ᠣᠷᠤᠨ ᠤ ᠥᠨᠦᠴᠢᠨ ᠬᠡᠦᠬᠡᠳ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠬᠥᠮᠦᠨ ᠤ ᠵᠡᠷᠭᠡ ᠲᠠᠢ ᠶᠠᠪᠤᠵᠤ᠂ | ᠥᠪᠡᠷ ᠤᠨ ᠪᠡᠶᠡ᠂ ᠦᠷᠡ ᠬᠡᠦᠬᠡᠳ᠂ ᠠᠴᠢ ᠵᠢᠭᠡ ᠭᠤᠷᠪᠠᠨ ᠦᠶᠡ ᠪᠠᠷ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠠᠵᠣ ᠠᠮᠢᠳᠣᠷᠠᠯ | ᠲᠠᠢ ᠶᠠᠪᠤᠬᠤ ᠪᠠᠶᠢᠬᠤ ᠨᠢ ᠪᠦᠷ ᠠᠭᠤᠤ ᠶᠡᠭᠡ ᠡᠬᠡ ᠤᠯᠤᠰ᠂ ᠥᠰᠭᠡᠵᠦ ᠪᠣᠶᠢᠵᠢᠭᠤᠯᠤᠭᠰᠠᠨ ᠮᠣᠩᠭᠤᠯ ᠨᠣᠲᠤᠭ᠂ | ᠡᠷᠬᠦᠵᠦ ᠠᠪᠤᠭᠰᠠᠨ ᠪᠣᠶᠠᠨᠲᠣ ᠬᠤᠶᠠᠷ ᠪᠣᠭᠤᠷᠤᠯ ᠤᠨ ᠮᠢᠨᠢ ᠬᠠᠶᠢᠷᠠ ᠬᠠᠯᠠᠮᠵᠢ᠂ ᠰᠤᠷᠭᠠᠵᠣ ᠬᠥᠮᠦᠵᠢᠭᠦᠯᠦᠭᠰᠡᠨ ᠤ | ᠠᠴᠢ ᠭᠠᠪᠢᠶᠠ ᠶᠤᠮ ᠭᠡᠵᠦ ᠨᠠᠷᠠᠨᠲᠤᠶᠠᠭᠠ ᠳᠤᠷᠠᠰᠤᠨ ᠰᠠᠨᠠᠭᠠᠯᠵᠠᠵᠤ᠂ ᠵᠢᠷᠭᠤᠭᠠᠨ ᠠᠴᠢ ᠵᠢᠭᠡ ᠪᠠᠷ ᠢᠶᠠᠨ | ᠪᠠᠭ᠋ᠠᠷᠬᠠᠵᠤ᠂ ᠦᠳᠡᠯᠤᠬᠡ ᠨᠠᠰᠤ ᠪᠠᠨ ᠠᠵᠠ ᠵᠢᠷᠭᠠᠯ ᠲᠠᠢ ᠦᠩᠬᠡᠷᠡᠬᠡᠵᠤ ᠪᠠᠶᠢᠨᠠ᠃ | |